Nogayşa 178: Quyuga tüsken adem hikayası (5)
Bu yuma em “QUYUGA TÜSKEN ADEM HİQAYASI” baresinde habarlasamız!
►Nogayşa 178: Quyuga tüsken adem hikayası (5)
Burungı yumalardan
Aytaberip kelgenimiz
Üyken bîr alimdin
Söylegen sözlerinden
Bir kesegi em nav bolgan:
“...Taga sosınday ayrımlardı,
Eger qarşılaştıralsan
Nav haqıyqattı sen
Arüv etip añlarsın...
Yani yaman kardaştıñ
Er ademde bolgan
Dayim yamanlıq tilegen
Sosı nepsi emmaresi
Soga bîr manevi
Yahannem’di azirlegen...
Anavı yahşı qardaştıñ
Dayim arüv niyeti;....
Barı zatlar aqında
Dayım yarasıq oyı,
Em gözel qasiyeti,
Tagı yahşı eslegeni,
Sonı üyken nimetke
Em sav tatimlikke,
Em yarqın sıylı alge
Ullı yerge yetkergen...
Ey nepsim, em nepsimmen
Nav hiqayedi tıñlagan!......
Eger sen bedbaqt qardaş
Bolgandı tilemessen,
Tagı baqtıyar qardaştay
Bolgay edim men desen,
Aşe Qur’an’dı tıñla!
Em ökmine muti bol!
Tagı em soga yapıs!
Em ökümlerimen
İsle em areket qıl!
Eger nav temsildeki
Hiqayege salıngan
Manelerdi añlasan;
Dindiñ em dünyadıñ,
İnsan em iymandıñ
Biyik ullı aqıyqatın
Özin uygınlayalarsın:.....
Müyimlerini saga,
Endi men aytaman.
İncelerin sen öziñ,
Şıgarıp salırsın!
Mine sosı eki qardaş,
Bîrevi mümin ruhı,
Tagı salih yürek bolgan...
Anavı kafir ruhı,
Em künager qalp bolgan...
Em sosı eki yoldıñ
Oñ betke ozganı
Quran, iyman yolı bolgan
Solga bargan yol bolsa
İsyan, inkar yolı bolgan...
Yol üstündeki baqşa bolsa
Barı insan yamagatı,
Em insanlardıñ hayatı
İşindeki muvaqqat
Yamagat yaşavı bolgan...
Nege dese işinde,
Em qayır em şerler
Yahşılıqpan yamanlıq
Taza em pis zatlar,
Barabarşa tabılgan...
Aqıllı adem bolsa,
“Huz ma safa da’ ma keder!
Yani dayim arüvdi al,
Yamandan em uzaq qal!”
Yosıgıman islegenge
Yürek tınıslıgıman
Ozıp yolına ketken...
Em üyken şöl bolsa,
Sosı orın düniya bolgan...
Tagı em arslan bolsa,
Ölüm em ajel bolgan...
Em quyudıñ manesi
İnsan teni, yaşav vaqtı;
Altmıs arşın terenlik,
Köbinşe ortalama
İnsan hayat zamanı
Altmıs yıldı qarşılagan...
Em sosı terek bolsa,
Ömür vaqtı, hayat maddesi;
Em eki aqpan qara
Hayvanlardın manesi,
Keşemen kündüz bolgan..
Em sosı ejderha,
Yani üyken yılan bolsa,
Qabir avzıman baslagan
Berzah, ahiret yolı bolgan.
Tek sosı avız em
Mümin üşün zındandan
Bir baqşaga aşılgan
Bir esik bolup turgan...
Em muzır haşereler,
Zararlı börtü böcük,
Dünya musibetleri bolgan!
Tek sosı musibetler,
Allah betten müminlerge
Gaplet uyqusına dalmasın dep
Tatli uyandıruvşı bolgan...
Yani Rahman Allah’tan
Qullarını acıganga
Arüvükke barsın dep
Bir atadın ballarına
Yanglış etken islerine
Nasihat maqsatıman
Azakay qızganınday
Tatli bir yeza bolgan...
Atta sosı yeza qulga
Allah’tan bir iltipat,
Yani qulına qıymat,
Süygi ökminde bolgan...
Em terekteki yemisler,
Dünya nimetleri bolgan...
Nav sebepten köp yomart
Quday’ımız Haq Allah
Sosınlardı Ahiretteki
Nimetlerine liste qılgan:
‘Sizge beriyeklerimdin
Ülgileri nalar bolgan’
Degen manemen yaratkan
Em eslerge tüsürüp,
Tagı sosı Yannet’tin
Nimetlerine usatıp
Yannetteki nimetlerge
Müşterilerdi şakıruvga
Belgi bolsun dep yaratqan!
Qalgan song manelerdi,
Keliyek yuma nasip bolsa,
Quday bizge aytqandı,
Nasip qılsın inşallah!
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com