Dönyada qurqınıç tudıruçı oyışma - FETÖ

Aldağı tapşıruıbızda 15 iyul’ könge tüntӓreleş kereşüe, FETÖ terror oyışmasınıň nӓrsӓ buluın, oyışma ӓğzalӓren ğailӓlӓrennӓn, cӓmğiyӓttӓn hӓm İslami qimmӓtlӓrdӓn tartıp alıp, niçek citeşterüen ӓytep uzğan idek. Awır hӓm ozın belem birüdӓn soň oyışma ӓğzalӓreneň maqsatqa ireşü öçen hӓrnӓrsӓne başqara alularına tuqtaldıq.

Änkara Yıldırım Beyazıt universitetınıñ säyäsi belemnär fakul’tetı dekanı professor doktor Kudrät Bülbülneñ mäs’älä belän bäyle añlatmasın täq’dim itäbez.

FETÖnıň oyışmağa ӓylӓnü ısulı

Yӓşeren hӓm izge buluı ışanuı belӓn qabat formalaşqannan soň FETÖ ӓğzalӓren oyışma anda da cӓyelsen öçen başqa illӓrgӓ cibӓrӓ. Bu illӓrdӓge oyışmaları Törkiyӓdӓge berençe yıllardağı oyışmaları kebek bula. Başta mӓktӓp açıp, ictimaği oyışmalar qorıp, grajdan hӓm bik yaxşı oyışma kebek kürenep, êşçӓnlek alıp baralar. Bu barışta ike nӓrsӓne maqsat itӓlӓr. Ul illӓrdӓ üzlӓrenӓ yaňa ӓğzalӓr citeşterü, alarnı ul ilneň iň strategik oyışmalarına urnaştıru kebek. Şul rӓweşle ul illӓrneň citӓkçeleklӓren yӓşeren rӓweştӓ qulğa töşerü. İğtibarlı bulğan ministrlar FETÖ mӓktӓplӓren beterüçelӓrneň barlıq illӓrdӓ küzlӓw oyışmaları, xӓrbi hӓm iminlek oyışmaları, Ministrlar Kabinetı, İlbaşı idarӓse, Üzӓk bankı kebek strategik oyışmalarğa ӓkrenlӓp urnaşuların aňlayaçaq. FETÖ ısulların belmӓwçelӓr alarnıň bu oyışmalarğa lideral, soŝialist, xristiyan yӓisӓ möselman kebek kürenep kerülӓren dӓ aňlıy almıy.

FETÖ Törkiyӓ öçen genӓme qurqınıç tudıra?

Üz liderların dönyanıň iň östen imamı itep kürülӓre yӓisӓ oyışmanıň dönyanıň barlıq illӓrenӓ cӓyelüe tırışlığı arqasında FETÖneň Törkiyӓne genӓ maqsat itep aluçı oyışma bulmawı ap-açıq. Oyışmanıň 170tӓn artıq ilgӓ kerüe belenӓ. Bu illӓr sanın tögӓl ӓytep bulmıy. Çönki üz isemnӓren qullanmıylar, törle isemnӓr astında yӓşeren êş alıp baralar. Bu illӓr küpçelek möselman illӓr dӓ tügel. Törkiyӓ bu oyışmanıň yӓşeren maqsatın belgӓne hӓm kirӓkle çaralar kürgӓne öçen oyışma monnan soň çın yözen belmӓwçe illӓr öçen tağın da zur qurqınıç bulıp tora. Qayber illӓrdӓ oyışma haman da cӓyelüne, mӓktӓplӓr açunı dӓwam itterӓ. Qayğılı, qanlı hӓm zur bӓyӓlӓr tülӓp, qazanılğan Törkiyӓ tӓcribӓse başqaları öçen sabaq bulıp tora.

FETÖ qurqınıçı betteme?

Berniçӓ yıl êlek bügenge könnӓr turında xıyal itep bulmıy ide. FETÖ tudırğan qurqu imperatorlığı arqasında keşelӓr kiçergӓnnӓren aňlata almıy ide. Oyışmanıň yӓşeren êşlӓren aňlaw da mömkin tügel ide.

FETÖ köçen keşelӓrneň yaxşı niyӓten qullanıp, cıydı. Keşelӓr oyışma ӓğzalӓrenӓ ışanıp, oyışmağa zur yӓrdӓm kürsӓtte. Monnan soň oyışma üzen yӓşerü, törle rӓweşlӓrgӓ kerü taktikaları, astırtın plannarı belӓn tanıldı, üterӓ aluçı, hӓrtörle yӓşerten êş alıp bara aluçı yuldan yazğan bularaq belenӓ. Törkiyӓ hӓm dönya monı soňlap aňladı.

Törkiyӓ hӓm törek xalqı quyğan tırışlıq hӓm oyışma belӓn bӓyle barlıqqa kilgӓn aň-fiker arqasında şaqtıy ildӓ oyışmanıň asqorıması cimerelde. İctimaği aň-fiker hӓm oyışma asqorımasınıň cimerelüe arqasında monnan soň oyışma tüntӓreleş başqarıp, sistema qora almıy. Lӓkin oyışmanıň haman da cimerü, yuqqa çığaru sӓlӓte bar. Ul êşlӓrne Pensil’vaniyadӓge ataman alıp bara. Oyışma ӓğzalӓre dönyanıň barlıq ilendӓ yöri. Törkiyӓ belӓn Rusiyӓneň araların naçaraytu öçen FETÖ terrorçısınıň Rusiyӓ ilçese Karlovnı üterüe kebek terror cinayӓtlӓren başqaralar. Bu yanaw Törkiyӓdӓ genӓ tügel, êşçӓnlek başqarğan barlıq illӓr öçen dӓwam itӓ. Şaqtıy ildӓ sӓyӓsi sistemalarnıň iň möhim üzӓklӓrendӓ boyırıq kötüçe keşelӓr bar.

Yaxşı keşe bulğan bulıp, matur yözle keşe üterüçelär programması häm programma qoruçısı açıqlandı. Läkin êşçänleklären yäşeren räweştä alıp barğannarı häm şäxes tanıqlıqların yäşergännäre öçen alarnı belä almıybız, şul räweşle alar haman da bezneň yanda yöri. Ayıruça bu ağulı programmadan täêsirlängän bar dönyadan yöz meňnärçä keşe bar. İradäse, qullanu wäqaläte AQŞtağı atamanğa tapşırılğan bu robot kebek keşe üterüçelärneň qabat bäysez, uylıy aluçı keşelärgä äylänüe öçen bar dönyadan psixologlar, soŝiologlarnıň, tabiblar, din êşlekläreneň yaňa häm uňdırışlı êşçänlegenä ixtıyac bar. Robot keşe üterüçelärne qabat keşegä äyländeräçäk çişeleş tabılmağan sayın bernindi keşe, il, cämğiyätneň kiläçäge imin tügel. İkençe yaqtan bu keşe üterüçelär üz-üzlären yaňarta ala. Yägni cirle, milli, global’ bulğan şaqtıy uyınçı belän ahäňle räweştä êşli alalar. Bügenge köndä qayber dönyaküläm uyınçılar, küzläw oyışmaları belän bik yaxşı êşlär başqara alar. Şunıň öçen bu uyınçılar keşe üterüçelärneň üzlärenä qarata härwaqıt itagätle buluın uylıy. Oyışmanıň tarixına küz salsaq, bernindi il belän däwamlı mönäsäbät urnaştırmawı, alar öçen üz mänfäğat’läreneň östen buluı kürenä. Bügenge köndä qullanu mönäsäbäten qorsalar da, ozın möddättä FETÖ üzen qullanuın uylawçı uyınçılar häm küzläw oyışmaları öçen dä yanaw bulıp tora. Ğailäläre, cämğiyät’, illärenä tuğrı bulmağan keşe üterüçelärneň dönyaküläm küzläw oyışmalarına yäisä yäşägän illärenä tuğrı bulıp qalaçaqların uylaw yalğış.

Bu oyışma belän köräş mäs’äläsendä bar dönyada üzen kürsätkäne öçen härkem Törkiyä ilbaşı Räcäp Tayyip Ärdoğanğa räxmätle.