Nogayşa 158: Eñ qazanşlı ticaret (2)

►Nogayşa 158: Eñ qazanşlı ticaret (2)

 “Allahmü’min qullarından

Nepis em mallarını,

Yannet qarşılıgında,

Özlerinden satıp algan!”

Manesine kelgen 

Bîr Qur’an ayetiniñ

Maneleri baresinde,   

Üyken bîr alimdiñ    

Aytqanınıñ davamı,

Nav aqıyqatlar bolgan...

So aqıyqat añlaşılsın dep      

Aytılgan hikäyede,

Eki ademden arüvünüñ     

Degenini aytqan edik... 

Endi ekinşi ademdiñ  

Söylegeni ne edi?  

Sosı yerden baslaymız: 

“Anabîrev gururlu   

Nepsi Firavınlasqan kisi;  

Dayim özin oylagan,

Ayyaş, künager adem;  

Guya abedi so şiplikte  

Qalayagını zannetip

Dünya senkildevlerinden,  

Em qarısıqlıqlarından   

Äş qabarı yoqtay,

Adanasına dep aytqan:

‘Yoq patşa kim eken? 

Men mülkümdi satpam! 

Em keypimdi bızbam!’

Bîraz zaman ötken soñ  

Bîrinşi esli adem,    

Är kimdiñ özine

Imtılıyagı martabege   

Ozaberip bargan...    

Patşadıñ bîr neşe 

İqramlarına yetip   

Patşadıñ has sarayında,

Yaşavına baslagan...

Anav kibirli kisi,   

Är kimdin acıyagı,   

Tömen allerge tüsken...

Em sosı adem üşün:

‘Tap müstahaq boldı!’

Dep aytqan ademler...

‘Özinin qusurıman 

Öz özine zarar berip,  

Em yaşavının tedini,

Tagı mülkini yoyttı;  

Endi yezaga ugrap  

Beşare azab tartqan!’

Dep aytqan insanlar...

Endi havasları köp,     

Em tilekleri tagı     

Äş tavsilmes nepsim!

Nav misaldiñ dürbinimen    

Aqıyqattıñ betine qara:

Temsildeki patşa,    

Azel ebed sultanı,   

Yaratuvşı Rabb’ıñ bolgan!

Şiplikler em maşinler, 

Alatlar em mizanlar, 

Hayat tögereginiñ

İşindeki mülklerin; 

Em sosı mülk işinde, 

Baden, ruh, em qalbin;

Tagı onlar işindeki  

Köz, til, hayal, estey  

Ya tısıyaqqa qaragan,

Ya işimizde bolgan    

Duygularımız bolgan...

Em Yaver-i Ekrem bolsa,     

Rasül-i Kerim Muhammed

Aleyhisselam bolgan...

Em sosı muhkem perman,      

Qur’an-ı Hakim bolgan...

Ene sosı permanQur’an,      

Nav üyken ticaretti,

“Allahmü’min qullarından 

Nepis em mallarını, 

Yannet qarşılıgında

Özlerinden satıp algan” 

Manelerine kelgen  

Ayetimen aytqan...

Tolqınlı sogıs meydanı,     

Nav pırtınalı dünya bolgan...

Nege desek sosı dünya,    

Äş toqtamay aylanganga

Barı zatlar bızılgan...

Sosı almen insandıñ    

Esine oylar bergen:

‘Madem är zat qolımızdan  

Şıgıp ketip yoq bolıyaq!

Acaba sosınlardıñ

Qolumuzda qalganına    

Bîr şara yoqpa eken?’

Dep oylaganlarga, 

Kökten kelgen Qur’an’dıñ   

Davisi esitilgen:

‘İyye, bîr şara bar:  

Em bes martabe kärlı,    

Qazanşlı kebimen,

Em yahşı, em rahat,      

Bîr şarası bolgan...’

‘So ne eken?’ dep soransa,    

Cevabı nav bolgan:

‘Amanattı aqıyqı     

İyyesine satuv bolgan...

Ene sosı satuvda,   

Bes darace bîr payda, 

Kär işinde kär bolgan...’

So qazanşlar ne eken?     

Keliyek yuma nasip bolsa, 

Aytqandı Haq Quday   

İnşallah nasip qılar!

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com