Nogayşa 150: Qartlarga bȋr neşe umut (3)

►Nogayşa 150: Qartlarga bȋr neşe umut (3)

Bîr alimdiñ qartlarga   

Bergen umutlarından, 

Bîr kesegini tagı em,

Bu yumada aytamız:

“Endi ey aynı mendey

Qartlıq yasına basqan

Barı qartpan qurtqalar!

Mine biz ketemiz...

Öz özimizdi aldasaq      

Bizge äş bîr payda yoq!

Em közimizdi yımsaq 

Bizdi sosı orınlarda  

Toqtatıp turdurmaslar...

Baremizge savqıyat bar...

Tek, bazı zamanlarda,    

Ya bizdeki gapletten;

Ya iymanını yoytqan,      

Tuptuvra yoldan şıqqan,

Dinimizge ücum qılgan  

Bazılardıñ oylarından   

Bizlerge keleturgan

Qarangı evhamlarman;

Bizge ayrılıq ornı,  

Em qarangı köringen    

Sosı nav qabır eli,

Aslına qaransa,  

Aqıyqatı körilse;

Baresi tiri bolgan   

Doslarımızdıñ yıyılganı,    

Süygenlerdiñ yaşaganı

Köp yahşı bîr yer bolgan...

Basta bizge şepaatşı      

Habibullah Muhammed

Aleyhissalatü vesselam’ga,

Qasındaqı doslarga,    

Qavusılgan yer bolgan...

Em miñ törtyüz sanede,     

Her sanede törtyüz milyon

İnsanlardıñ sultanı;

Em onlardıñ ruhlarını,

Bezep yarasıq qılgan,

Tagı aqıllarınıñ      

Oqıtuvşısı bolgan, 

Em köngülleriniñ      

Eñ süygülüsi bîr insan;

Em ‘Essebebü kel fail:

Bîr zatqa sebep bolgan,

Onı etkendey bolgan.’

Sözindeki sırmınan 

Sosı ümmettiñ barı,   

İslegeni qayırlardıñ,

Barı em ibadettiñ 

Bîr misli är dayim 

So Paygambar Muhammed’diñ

-Aleyhissalatü vesselam-    

Depterine yazılgan;

Em sosı alemdeki    

Biyik, ullı gayalardıñ 

Em markezi, em sebebi,

Nav Muhammed Paygambar,

-Aleyhissalatü vesselam-

Özi tuvgan taqıyqada,    

Tuvra qabar bergenlerdiñ,

Valiy, üyken kisilerdiñ     

Bergenleri qabarman,

Qasında bolganlardıñ     

Aytqanları kebimen

 ‘Ümmetim, ümmetim!’dep    

Aytqanı esitilgen;

Bala bolgan alinde,  

Tilge kelip aytqanı,    

Burungıda ilk sözi,

Biz ümmetleri bolgan;

Yolında bolganlardı, 

Tuvar tuvmas oylagan;

Mahşer küni är kîmler, 

Paygambar bolsa bile

Sosı kündiñ dahşetinden   

Anca özini oylap

 ‘Nepsim, Nepsim!’ degende,

Sosı künde tagı em,    

‘Ümmetim, ümmetim!’ dep

Eñ ullı, em köp biyik   

Bîr pedakärlıq etip    

Şepaatıman ümmettiñ

Kömegine yuvırgan    

Bîr Paygambardıñ qasına, 

-Aleyhissalatü vesselam-   

Endi ketip baramız..

Sosı qasiyetlerimen

Neşe darecelerge yetken  

Muhammed Aleyhisselam’dıñ

Şepaatı astına     

Kireberip nurından    

Nasiplengendiñ yolı, 

Em qabır qaranlıgından     

Qutulgandıñ şarası,

Sonıñ sıylı sünnetine      

Uygan alimiz bolgan...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com