Nogayşa 146: Ahiret’ke aşılgan esikler (3)

►Nogayşa 146: Ahiret’ke aşılgan esikler (3)

Burungı yumada,    

Ahiret’ke aşılgan    

Esiklerdiñ ekinşisi,   

Keram, rahmet esigi    

Bolganını aytkan edik;

Quday’ımız Hak Rab’tıñ 

İqram em rahmetiniñ,

Ahiret’tiñ bolıyagına   

Kaydey delil bolganını,  

Bîr alimdiñ sözlerinden

Bîr kesek aytqan edik...  

So barede aytılmay  

Qalganlardan bazıları,   

Nav maneler bolgan:    

Ösimlikler, yanvarlardıñ,    

Em insanlardan analardıñ

Kökregine salıngan      

Ullı qasiyet şepqatpan;

Em süttey köp yahşı,   

Köp paydalı gıdaman 

Baresiniñ ballarınıñ,

Beslengeni, toyganı; 

Ne derece keñ bolgan    

Bîr rahmettiñ qolınıñ

Dayim islep turganını,      

Aşıq aşıq körsetipyatır...

Aş, vahşi aslandıñ    

Yanı tuvgan balasını, 

Öz özini aş taslap

Avvel sonı toyırganı,  

Aldındaqı bîr etti,    

Balasına yedirgeni;

Em qorqaqtavuqtıñ   

Şipeyini qorşalap  

Yanı bahasına tagı,

İyt, aslanga şapşıganı;

Em ıncır tereginiñ  

Özi şamırdı aşap 

Balları ornındaqı

Meyvalarga süt bergeni;

Aşıqşa soñsız rahim,  

Tagı yomart, acıgan,   

Bîr zattıñ atıman

İs körgenini tagı,     

Kör bolmagan är kimge,  

Äşkere bildiripyatır...

Nege desek sosınlardıñ 

Äş bîrevinde ne aqıl,

Ne de pikir bolmagan.

Demek barı ösimlik,

Terekler em ayvanlardı,  

İslettirgen bîr zat bar.

Soñsız küşte ilimli,  

Em hikmetli is etken,  

Maramatlı Allah bar...

Yogardaqı aytılgan

Misallerge qarasaq,  

Tagı basqalardı em

 Özlerimiz oylasaq;

So alemdiñ Rabb’ınıñ    

Madem soñsız bîr keramı,

Tagı soñsız maramatı,   

Em nihayetsiz kepte,     

Calal em izzeti bar;

Soñsız celal em izzet,   

Adebsizlerdi barı,    

Adeplendirgendi tiler.

Nihayetsiz bîr keram,   

Nihaysiz iqram tiler.

Nihaytesiz bîr rahmet,   

Özine tap tiyisli    

İhsan etkendi tiler...

Tek sosı dünyada, 

Bîr qısqaşıq ömürde,   

Deñizden bîr tamşıqtay

Milyonlarşa kesekten   

Sosı rahmet em keramdıñ

Bîr kesegi köriledi.

Sosı rahmet em keramga,   

Nav dünya tar keledi!

Em barı insanlar,        

Tap toymay ketedi...

Demek sosı keramga,  

Em rahmetke tiyisli, 

Soñda ozıp ketpegen

Dayim bîr şatlıq yurtı,   

Tagı tedimli orın,     

Bolganı keregedi...

Eger Ahiret bolmasa, 

Rahmet em ikramdıñ 

Körilgen misalleri, 

Tersine avısadı.   

Barı rahmet,nimetler, 

Nimetlikten şıgadı!

Eger sosı dayim orın,    

Yani ahiret yurtı,   

Yaratılmay qalsa,

Nav kündüzdi şuvagıman    

Tolturgan sosı kündi,

İnkar kelgendey aynı, 

Nav rahmetti tagı em,  

İnkär etüv keregedi...

Nege desek bîr taga, 

Tirilmey yoq bolınsa,

Yani abedi bîr yurt,

Ahiret yaratılmasa,

Sosı şepqat em maramat,    

Musibetke avısadı:

İnsanlardaqı süyüm,      

Küydirüvşi ot boladı.

Nimetler sosı almen     

Azaplarga avısadı.

Aqıl tagı ugursuz         

Müşe bolıp qaladı. 

Barı tätler tagı em       

Qıyınlıqqa avısadı...

Soñda sosı soñsız,   

Üşünley bîr rahmet,   

Baresi sönüp kaladı.

Bîr adem künlerşe   

Qonaq bolup avırlansa, 

Tagı soñda öltürülse,

Bîr yaqtan neşe abes;

Bîr yaqtan so ademge,

Üyken zulüm bolganday

Quday’ımız baremizge,  

Munşa iqram etken soñ,  

Baremizdi öltürüp

Bîr taga tiriltpese,  

Ene sosı iqramlar,   

Bosbosuna bîr masrap,

Tagı azap boladı...

Nav barede qalganlardı       

Keliyek yuma nasip bolsa,

Ayteberiyek inşallah...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com

Нoгaйшa 146: Aһирeтькe aшылгaн eсиклeр (3) | TRT Тaтaрчa