Nogayşa 145: Ahiret’ke aşılgan esikler (2)

►Nogayşa 145: Ahiret’ke aşılgan esikler (2)

Ahiret’ke aşılgan   

Esiklerdiñ ekinşisi,    

Keram, rahmet esigi;

Quday’ımız Allah’tıñ 

Kerim, Rahim atlarının  

Tecellileri bolgan...

Yani Quday Hak Rab’tıñ   

Yomartlıgı, maramatı,

Ahiret’tiñ keliyegine 

Bîr üyken delil bolgan...

Sosı manedi aşıqlagan         

Bîr alimdiñ aytqanı,

Teren, ince aqıyqatlar,       

Nav maneler bolgan:

“Äş imkänı bar ma eken,    

Körsetkeni islermen,

Soñı bolmas keramdıñ,    

Bîr yomartlıq, ihsandıñ,

Tagı soñsız rahmettiñ;

Barı maqluqlarga em   

Sozılgan maramattıñ,

Em nihayetsiz izzettiñ,  

Tagı hadsiz gayrattıñ,

İyyesi bolganAllah;

Yaratqanı ne bolsa,  

Özine itaatlı,    

AlemlerdiñRabb’ınıñ

Nav keram, rahmetine  

Tiyisli bîr mükapatı,   

Em izzet, gayratını,

Körsetiyek yezası     

Özinde tabılmasın...

Mine sosı dünyadıñ  

Ketişine qaralsa,    

Eñ aciz eñ zayıptan

Eñ küşlige bargaşe, 

Yanı bolgan är kimge   

Tiyisli bîr rızıqtın

Berilgeni körilipyatır.

Atta eñ arıqlarga,   

Aciz em küşsizlerge,  

Rızıqlardıñ eñ arüvi,

Köz aldında berilipyatır...

Är dertlige dermanı, 

Ummaganı bîr yerden

Är dayim yetkerilipyatır...

Neşe bîr yomartlıqpan 

Baharlarda, yazlarda,  

Em küzbinen qıslarda,

İqramlar, sıpralar,      

Baremizge qurulupyatır...

Mine sosı iqramlardıñ,

Em barı ihsanlardıñ    

Bîr iygilik iyyesi,

Yomart zattıñ qolından 

Dayim yiberilgenini,   

Eslerimiz añlapyatır...

Nav maramatqa, iqramga

Basqa misaller aytılsa,

Är baharda terekler,

Sündüsten kiyimlermen      

Süslengen hurilerdey,

Yapyasıl yapraqlarman       

Şeşekey em meyvalarman

Bezenip  süslenipyatır...

Kuday’ımız Hak Allah,    

Barı sosı tereklerdi,   

Qızmatşıga usatıp

Türlü türlü, eñ tetli,       

Em sanatlı meyvalardı,

Sosınlardıñ qolıman     

Baremizge sunupyatır...

Em zehirli şıbındıñ     

Qolımınan şipalı,      

Eñ tetli bîr baldı,

Bizlerge yediripyatır...

Tagı yahşı em yımsaq 

Bîr kiyimdi, qolı yoq

Bîr böcüktüñ qullıgıman

İnsanlarga kiydiripyatır...

Em rahmettiñ köp üyken      

Bîr qaznasını, bürtököy

Şekirdekler işinde,       

Bizim üşün saqlapyatır...

Barı sosı islermen 

Ouday’ımız Hak Allah,    

Neşe yahşı bîr keram,

Em rahmet iyyesi   

Bolganını bizlerge    

Aşıq aşıq körsetipyatır...

Em bazı insanlarman      

Tagı yanvarlardan basqa

Kün ay em dünyadan   

Ta en kişkenekey   

Maqluqlarga bargeşe

Är bîr zat, är bîr maqluq, 

Tap bîr dıqqatpan   

Vazipesin köripyatır;

Zerre miqtar haddini,     

Ne ötip ne ozıpyatır;

Köp üyken bîr azamat   

Astındaqı tögerekte     

Sav itaat alleri,

Yaratılgan barede         

Aşkere körilipyatır;

Ene sosı islerdiñ      

Bîr üyken, ullı, calal,      

Tagı izzet iyyesi,   

Azamatlı Hak emrimen   

Bolganını  barı,      

Közlerimiz körüpyatır...”

Qalgan manelerdi tagı      

Keliyek yumaga yetip

Aytqandı Hak Allah      

Nasip eter inşallah! 

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com