TİKA başlığına medal'

TİKA başlığına medal'

Xalıqara törki mӓdӓniyӓt oyışması TÖREKSOY ğomüm sӓrqӓtibe Düsӓn Kaseinov törki cömhüriyӓtlӓr bӓysezleklӓreneň 25 yıllığı uňayınnan Törek xezmӓttӓşlege hӓm koordinaŝiya agentlığı başlığı Sӓrdar Çamğa “Qazaqstan dӓwlӓteneň 25 yıllıq bӓysezlek medale”n tapşırdı.

TİKA üzӓgendӓ oyıştırılğan çarada ilçe Kaseinov hӓm TİKA başlığı Sӓrdar Çam belӓn bergӓ TÖREKSOY ğomüm sӓrqӓtip urınbasarı Fırat Purtaş, TÖREKSOYnıň Azӓrbaycan wӓkile Ӓlçin Gafarlı, TÖREKSOY Qırğızstan wӓkile Hocagӓldi Kuluev hӓm TİKA başlıq urınbasarları qatnaştı.

İlçe Kaseinov yasağan çığışında Törkiyӓ hӓm Qazaqstan mönӓsӓbӓtlӓreneň üzgӓ proyektlar belӓn alıp barıluın, proyektlarnıň möhim öleşeneň dӓ TİKA tarafınnan çınğa aşırıluın citkerde.

Kaseinov tübӓndӓgeçӓ dӓwam itte: “Törki dönyada yӓrdӓm digӓç aqılğa berençe itep TİKA kilӓ.”

TİKA başlığı Sӓrdar Çam isӓ bu dӓrӓcӓle medal’ne alğanı öçen bik şat buluın citkerep: “Qazaqstan dӓwlӓtenӓ, barlıq törki dönyağa iň güzӓl rӓweştӓ xezmӓt kürsӓtergӓ süz birӓm,” – dide.

TÖREKSOY ğomüm sӓrqӓtip urınbasarı Purtaş ta ӓlege medal’neň Qazaqstan dӓwlӓt başlığının qararnamӓse belӓn birelüen, bu medal’neň Törkiyӓdӓ barı tik 6 keşegӓ genӓ tapşırıluın hӓm alarnıň medal’ğa layıq buluların ӓytte.

Qazaqstandağı iň möhim TİKA proyektı - bügengӓ qadӓrge iň kiň qırlı restavraŝiya proyektı bulğan Xuca Ӓxmӓt Yӓsӓwi törbӓse. Törek-İslam dönyasınıň ruxıy liderlarınnan Xuca Ӓxmӓt Yӓsӓwineň Törkistan şӓhӓrendӓ urnaşqan törbӓsendӓ bügengӓ qadӓr iň kiň qırlı restavraŝiya êşçӓnleklӓre uzdı hӓm törbӓ Törkistan şӓhӓre qorılışınıň 1500 yıllığında ike il dӓwlӓt başlıqları tarafınnan kilüçelӓr öçen açıldı.

Qazaqstanda Matematika kongressı uzdı

Astanada 6nçı Törki dönya matematika kongressı oyıştırıldı.

Kongrestta 20 ildӓn 100dӓn artıq delegat belӓn barlığı 500dӓn artıq belgeç qatnaştı. Kongress utırışları matematikanıň abrlıq alannarın üz êçenӓ aldı. Belgeçlӓr 4 kön buyı algebra hӓm matematik mantiq, geometriya hӓm topologiya, funkŝiyalӓr teoriyase, differenŝial’ tigezleklӓr hӓm törki xalıqlarnıň matematika öyrӓtü tarixı, ısulı kebek ölkӓlӓrdӓ könüzӓk mӓs’ӓlӓlӓrne qaradı.

Ayıruça kongrestta Törki telle illӓrdӓge Matematiklar cӓmğiyӓteneň idarӓ şurası cıyılışı uzdı. Şurada cӓmğiyӓtneň yaňa ӓğzalӓre saylandı. Qatnaşuçılar bertawıştan akademiya ӓğzase Bakıtjan Jumagulovnı Törki telle illӓrdӓge Matematiklar cӓmğiyӓteneň çirattağı rӓise itep sayladı. Cıyılışta Törki dönya Matematiklar cӓmğiyӓteneň 7nçe kongressınıň üzbӓkstanda oyıştırıluı qararı qabul itelde. Kongressnıň soňğı könendӓ matematika fӓneneň üseşenӓ zur öleş ekrtkӓn belgeçlӓr hӓm yӓş matematiklarğa diplomnar tapşırıldı.

3 yılda ber tapqır oyıştırılıp kilüçe Törki dönya matematiklar cӓmğiyӓte kongressınıň berençese 1999nçı yılda Törkiyӓdӓ ütkӓrelde.

Başqortstannan Xalıqara matbuğat konferenŝiyase

2017nçe yılnıň 7-8nçe dekabr’ könnӓrendӓ Ufa şӓhӓrendӓ Başqort milli matbuğatınıň 100 yıllığı uňayınnan Xalıqara matbuğat konferenŝiyase uzaçaq.

Konferenŝiya Rusiyӓ Federaŝiyaseneň Mӓğarif hӓm belem ministrlığı belӓn Başqortstan matbuğat hӓm üzӓk êlemtӓ çaraları agentlığı yӓrdӓme belӓn Başqort dӓwlӓt universitetında oyıştırılaçaq.

Mörӓcӓğat’ itü formnarı 10nçı noyabr’ könenӓ qadӓr qabul itelӓçӓk konferenŝiyada tӓqdim itelӓçӓk beldergelӓr soňınnan kitap bularaq basılıp çığaçaq.

Üzbӓkstannıň Milli tulayım tabışı 2017 hӓm 2018dӓ 6%qa artaçaq

Xalıqara valyuta fondı İMF xisabında Üzbӓkstan milli tulayım tabışınıň bıyıl hӓm kilӓse yılda 6%qa artuınıň kötelä.

Üzbӓkstandağı yıllıq inflyaŝiyaneň bıyıl 13%, kilӓse yılnı isӓ 12,7% tӓşqil itӓçӓge citkerelgӓn xisapta inflyaŝiyadӓge bu artışnıň valyuta tarmağındağı reformalar arqasında milli aqça berӓmlegeneň qimmӓt yuğaltuına bӓyle buluı assızıqlandı.

Üzbӓkstan xökümӓte Milli tulayım tabışnıň bıyıl 7,8%qa artuın küzallağanda yıllıq inflyaŝiyaneň isӓ 11-12% bularaq çınğa aşuın çamalıy.