Törkiyä belän Tatarstan arasında yaña xezmättäşleklär

Törki dönya xäbärläre 36

801322
Törkiyä belän Tatarstan arasında yaña xezmättäşleklär

Tatarstan

Rusiya  belän Törkiyä arasında yaňa iq’tisadi xezmättäşlek yulı açıla.

  ”KAMAZ” häm “Tirsan Kardan” şirkätläre Tatarstanda urtaq kardan valları êşläp çığaraçaq. Rusiyäneň “KAMAZ” şirkäte belän Törkiyäneň avtomobil’ sänäğäte äyberläre citeşterüçe “Tirsan Kardan” şirkäte Xalıqara İzmir yärminkäse qısasında  Rusiyädä kardan valları êşläp çığaru öçen urtaq êşxanä buldırunı küzdä totuçı niyät protokolı imzaladı.

86 nçı Xalıqara İzmir yärminkäsendä Rusiya häm Törkiyä şirkätläre arasında 5 xezmättäşlek kileşüenä imza salındı.

”KAMAZ” häm “Tirsan Kardan” şirkätläre kileşüe belän bergä Rusiyäneň “Inter RAO Engineering” ênergiya şirkäte belän Törkiyäneň” Uran industriya qorılmaları” tözeleş häm montajlaw şirkätläre dä xezmättäşlek kileşüenä qul quydı.

 Rusiya Federaŝiyäse citäkçelege ike il arasındağı krizistan soňğı mönäsäbätlärne cayğa salu barışında ike il êş dairäläre êşçänleklären xäräkätländerü maqsatı belän Xalıqara İzmir yärminkäsendä qatnaşu qararına kilde. Bıyılğı yärminkädä Rusiyägä partnyer il statusı birelde.

Törekmänstan

Ağımdağı yılnıň 17 – 27 nçe sentyabr’ könnärendä 5 nçe Aziya uyınnarın uzdıru öçen törek şirkäte tözegän Aşxabad olimpiada qorılmaları êçendäge olimpiada stadionın bizäwçe at häykäle häm su sportları üzäge Ginnessnıň rekordlar kitabına kerde.

 

Rekordlar Törekmänstan ministrlar şurası äğ’zaları ,5 nçe Aziya uyınnarı başqarma komitetı räsmi zatları belän universitet uqıtuçıları häm uquçı yäş’lär qatnaşında tantanalı räweştä tanıtıldı.

 

Aşxabad olimpiada stadionın bizäwçe at başı häykäle 40 metr 5 santimetr biyeklegendä häm 37 metr 69 santimetr kiňlegendäge zurlığı belän dönyanıň iň zur at häykäle bularaq Ginness räsmi zatları tarafınnan raslandı. Tanıtu tantanasında yasalğan çığışlarda at başı häykäleneň zurlığı belän bergä sänğät’çä bizäleşenä dä  basım yasaldı.

   

Ahal Täkä atları Törekmänstanda mädäniyat mirası itep qabul itelä. Däwlät başlığı Gurbanguli Bärdimöxämmädov Ahal Täkä atlarınıň genetikasın saqlaw ,alarnı tanıtu häm atlar ürçetügä zur ähämiyät birä. At başı häykäle älege mäşhür Ahal Täkä atların simvollaştıra.

 

       Olimpiada qorılmaları êçendä urın aluçı su sportları üzäge dä 4976,65 kvadrat metr zurlığındağı basseynı belän 

Ginnessnıň rekordlar kitabına kertelde.

 

Törekmänstan êlegräk tä xalıqara Aşxabad hawa mäydanınıň qayber üzençälekläre häm başqa qorılmaları belän dä Ginnessnıň rekordlar kitabına kergän ide.

 

Tatarstan

Törkiyäneň “Kozmaskan” şirkäte Tatarstannıň Çallı şähärendä urnaşqan “KAMAZ” şirkätenä almaş detal’lär citeşterüne planlaştıra. İnvestiŝiya proyektınıň berençe êtabı 250 million sum täşkil itä.

Çallı şähär xakimiyäteneň matbuğat üzäge xäbärenä kürä törek şirkäte bu kapital salu öçen Çallınıň kürşesendäge Alabuğa şähärendä êşçänlek başqaruçı Tatarstannıň “RİTSKİ” şirkäten sayladı.

“Kozmaskan” şirkäteneň proyektı öçen kim digändä 2 meň 500 kvadrat metr zurlığındağı mäydan kiräk. Proyekt 3 yılda tormışqa aşırılaçaq.  

Törkiyä – Tatarstan urtaq şirkäte bu kapital salu nigezendä 150 yaňa êş urını buldırunı küzdä tota.

Urtaq şirkät Tatarstanda  gidravlik nasoslar häm taratuçılar citeşterüne , bu êşlänmälärne berençe çiratta “KAMAZ” ğa satunı planlaştıra.

 

Azärbaycan

Awraziya iq’tisadi mönäsäbätlär cämğiyäte xezmättäşlege belän tormışqa aşırılğan törek çäyen tanıtu uzğan yıllardağı kebek xäzerge waqıtta da bik kiň räweştä başqarıla. Soňğı tapqır mondıy çara Azärbaycan başqalası Baqıda uzdı.

Awraziya iq’tisadi mönäsäbätlär cämğiyäte Törkiyäne tanıtuda möhim rol’ uynıy. Oyışma başlığı Hikmät Ärän häm xezmätkärlär ayıruça Törkiyä häm törki dönya arasındağı mönäsäbätlärne tağın da üsterügä zur öleş kertä.

Hikmät Ärän mäs’älä belän bäyle yasağan  belderülärendä “Êlegräk törek çäyen Balkanda tanıtqan idek. Anı anda bik oşattılar. Xäzerge maqsatıbız – Kavkaz. Berençe tuqtalışıbız Azärbaycan buldı. Monnan soňğı proyektlarda da cämğiyät’ bularaq üz wazıyfabıznı cirenä citkerergä tırışaçaqbız”dip äytä.



Bäyläneşle xäbärlär