Tatarstanda Törkiyä qapqası yañadan açılğaç…

Tatarstanda çit il pasportına möräcäğätlär artqan

Törkiyä qapqası yañadan açılğaç, Tatarstanda çit il pasportına möräcäğätlär öç tapqır artqan.

Oçqıç krizisınnan soñ tıyılğan Törkiyä tur paketları satuınıñ yañadan irekle qılınuınnan soñ Rusiyä Federaśiyäsennän Törkiyägä turist ağımı däwam itä. Tatarstanda da iğtibarnı cälep itüçe küreneş päydä bulğan:

Törkiyä Rusiyä turistları öçen açılğannan soñ Tatarstanda çit il pasportlarına bulğan soraw-taläp öç märtäbä artqan häm soñğı ike yılnıñ rekordın quyğan.

“Tatar-İnform” xäbär agentlığında jurnalistlar belän oçraşqan Tatarstan êçke êşlär ministrlığınıñ Migraśiya mäs’äläläre departamentı başlığı Artem Kuzneśov birgän mäğlümatkä kürä, uzğan yılda 19 meñ çit il pasportı öçen möräcäğät itelgän bulsa, bıyıl isä xäzergä çaqlı 68 meñ çit il pasportı birelgän.

Monıñ säbäben Tatarstan watandaşlarınıñ ike yıldan birle çit il yallarına ixtıyac toymawına bäyläwçe Kuzneśov şuşı waqıt êçendä Törkiyä belän Misırnıñ Rusiyä Federaśiyäse turistları öçen yabıq buluın häm Törkiyä işekläreneñ açıluınnan soñ şaqtıy watandaşnıñ yal itü öçen Törkiyäne saylawın da assızıqlap äytep uzğan.

Törkiyädän Qazaqstan studentlarına stipendiya

Törkiyä 2017nçe-2018nçe uqu yılında Qazaqstannan 500 uquçığa belem alu öçen stipendiya biräçäk.

Qazaqstan mäğarif häm belem ministrlığınnan yasalğan belderüdä yaña uqu yılında Törkiyäneñ 500 qazaq studentına stipendiya biräçäge äytelde.

Stipendiya öçen möräcäğätlärneñ başlanuı assızıqlanğan belderüdä stipendiya xoquqın qazanğan 500 uquçı yäş’neñ Qazaqstannıñ Törkistan qalasındağı Xuca Äxmät Yäsävi universitetında ber yıl buyı stipendiyäle räweştä äzerlek belemen alaçağı turında mäğlümat birelde.

Belderüdä äzerlek sıynıfın uñışlı beterüçelärneñ berençe sıynıfqa alınaçağı äytelde.

Xuca Äxmät Yäsävi universitetınıñ häm Qazaqstanda häm dä çit ildä köndäşçe bulu maqsatınnan çığıp uqıtu programmaların buldıruı assızıqlanğan belderüdä: "Universitet dönya däräcäsendä uqu yortına häm uqıtu üzägenä äylände”, - dip basım yasaldı.

Belderüdä, ber yılda yaqınça 400 studentnıñ ber sessiyälek uquların Törkiyäneñ häm Awrupanıñ alğa kitkän illärendä däwam itterü mömkinlegeneñ buluına işarä yasalıp, universitetnı beterüçelärneñ Qazaqstannıñ zur şirkätlärendä, oyışmalarında citäkçelek wazıyfaların üz östenä aluı belderelde.

Qazaqstan häm Törkiyäneñ urtaq däwlät yuğarı uqu yortı bulğan Xuca Äxmät Yäsävi universitetınıñ nigeze 1991nçe yılnıñ 6nçı iyün’ könne salınğan, wazıyfası, funkśiyäse dä "Urta Aziyanıñ tarixi ğilem häm mädäniyät üzäge bulğan Törkistan şähären qalqındıru, üsterü” bularaq bilgelängän ide.

Telgä alınğan şuşı universitetta xäzerge waqıtta dönyanıñ 17 ilennän yözlärçä student belem ala. Universitet tözelgännän birle Törkiyä meñnärçä uquçı yäş’gä belem stipendiyäsen birä.

TÜRKSOY yäş’lär xorı yaña al’bom çığara

Xalıqara törki mädäniyät oyışması “TÜRKSOY”nıñ törki dönyanıñ sälätle yäş’ sänğätçelären cıyıp oyıştırğan Yäş’lär xorı törki dönya xalıq muzıkasınıñ möhim äsärlärennän torğan muzıkal’ al’bom çığaraçaq.

Cäyge êşçänlege qısalarında Änkarada bulğan Yäş’lär xorı dirijyorlar Azärbaycannan Älnara Kärimova häm Qazaqstannan Gulmira Quttıbadamova citäkçelegendäge êşçänlegen arttırdı. Al’bomda törki dönyanıñ törle xalıqlarına qarawçı tanılğan äsärläre belän ber rättän klassik könbatış muzıkası äsärläre dä başqarılaçaq.

Xornıñ êşçänlege turında mäğlümat birüçe dirijyor Älnara Kärimova, TÜRKSOY Yäş’lär xorınıñ tözelgän 2015nçe yılda Germaniyada qatnaşqan 2nçe Xor uyınnarınnan 3 altın medal’ belän qaytuın xäterlätep, büläkkä layıq bulğan xornıñ berençe märtäbä professional’ däräcädä al’bom yazdıraçağın belderde.

Här yıl xornıñ repertuarın äzerlägän çaqta törki dönya xalıqlarınıñ xalıq cırlarına östenlek birülären assızıqlawçı Kärimova: "Xorıbız bay törki muzıka äsärlären täqdim itkän çaqta könbatışnıñ tanılğan cırların da başqara. Bıyılğı repertuarıbız häm çığaçaq al’bomıbız da şuşı prinśipqa nigezlände. Bıyıl başqarğan Azärbaycan, Qazaqstan, Qığızstan, Törekmänstan häm Törkiyäneñ mäşhür xalıq cırların berençe tapqır professional’ studioda yazdıraçaqbız. Al’bomda ayıruça 2017nçe yılda 100 yıllığın qotlağan tanılğan qazaq kompozitorı (köy yazuçısı) Baqıtcan Bayqadamovnıñ äsärläre dä urın alaçaq”, - dip äytep uzdı.