Törkiyä häm Törekmänstan arasında diplomatik mönäsäbätlär urnaştıruğa 25 yıl

Törki dönya xäbärläre 18

721758
Törkiyä häm Törekmänstan arasında diplomatik mönäsäbätlär urnaştıruğa 25 yıl

 

 Törkiyä häm Törekmänstan arasında diplomatik mönäsäbätlärneň 25 yıllığı uñyınnan Aşxabadta konferenśiya ütkärelde.

Aşxabad tulı wäqalätle ilçelege häm Törekmänstan tışqı êşlär ministrlığı oyıştırğan konferenśiyädä ike il mönäsäbätläreneñ tarixi ütkäne häm bügengesenä bäyä birelde, kiläçäk belän bäyle kiñäş-täq’dimnär söyläşelde.

Konferenśiyädän êlek Törkiyäneñ Aşxabadtağı  tulı wäqalätle ilçese Mostada Kapucu häm Törekmänstan xalıqara mönäsäbätlär institutı rektorı Baba Zahirov ike ilneñ uñay mönäsäbätlären çağıldıruçı fotoräsem kürgäzmäseneñ açılışın yasadı.

Konfererenśiyädä Yaqın Könçığış texnik universitetı uqıtuçısı professor doktor Oktay Tanrısävär häm Gazi universitetı uqıtuçısı dośent doktor Bäkir Tümän Somuncuoğlu belän Törekmänstan xalıqara mönäsäbätlär institutı uqıtuçıları Altın Mahtumova häm Koçmurat Atayev çığış yasadı.

Çığış yasawçılar törekmän häm törek xalıqları arasındağı urtaq mädäniyatqa basım yasadı. Törekmänstandağı investiśiyälär häm Avaza turizm töbägeneñ tözeleşendä törek şirkätläreneñ rolenä iğtibarnı yünältüçe Törekmänstan uqıtuçı-ğalimnäre Törek xezmättäşlek häm koordinaśiya agentlığı TİKAnıñ iqtisad,mäğärif häm mädäniyat tarmağında tormışqa aşırğan proyektların maqtap telgä aldı.

Aşxabadtağı çit il missiya wäkilläre, xalıqara mönäsäbätlär institutı , humanitar universitet uqıtuçıları häm uquçıları belän Törekmänstanda yäşäwçe Törkiyä watandaşları häm Aşxabad törek Anadolu liśeyı uquçıları konferenśiyädä tıñlawçı bularaq qatnaştı.  

Konferenśiyäneñ açılışında çığış yasawçı tulı wäqalätle ilçe Mostafa Kapucu 1991 nçe yılnıñ 16 nçı dekabrendä Törekmänstannıñ bäysezlegen tanığan häm annan soñ 1992 nçe yılnıñ 29 nçı fevralendä Törekmänstan belän diplomatik mönäsäbätlär urnaştırğan ,başqala Aşxabadta tulı wäqalätle ilçelek açqan berence ilneñ Törkiyä Cömhüriyäte buluına basım yasadı.

 

Yefäk yulı turizm belän canlanaçaq.

Törki telle illär xezmättäşlek şurası äzerlägän häm tarixi Yefäk yulın mädäniyat häm säwdä turizmına qazandırunı küzdä totqan urtaq tur paketı Törki şura ğomum üzägendä tanıtıldı.  

Törki şura ğomum särqätibe tulı wäqalätle ilçe Ramil Xäsänov matbuğat oçraşuında mädäniyat turizmında alternativ yünäleşlär êzläwçelär öçen maxus paket äzerläwlären,  proyektnı tormışqa aşırğançı 3 yıl buyı êşçänleklär başqaruların belderde.

Xäsänov Törki şurağa äğ’za illär bulğan Törkiyä , Azärbaycan, Qazaqstan häm Qırğızstannıñ proyektqa däwlät başlıqları däräcäsendä yaqlaw kürsätülären, üzläreneñ dä 3 yıllıq säyäsi yaqlaw kürsätäçäklären , bu waqıt êçendä maqsatlarınıñ 1 million turistqa ireşü buluın belderde.    

Yefäk yulı belän bäyle törle proyektlarnıñ ğamälgä aşırıluın xäterlätüçe Ramil Xäsänov süzen tübändägeçä däwam itterde:”Fäqät’ bu - turizm tarmağında 4 il bergä tormışqa aşıruçı proyekt. Bez kötkän törkem - Awrupadan häm Yıraq Könçığıştan mädäniyat turizmına yünälgän keşelär.Macaralı, küñelle tur buluın kötep qalabız”.

Mädäniyat häm säwdä turizmı tarmağında töbäktä citdi buşlıq buluına basım yasawçı tulı wäqalätle ilçe Xäsänov Törkiyä Cömhüriyäte ministrlar kabinetınıñ tanıtu fondı häm Törek Hawa yulları töp sponsorı bulğan proyektnıñ tarixi nigezläre ber ük törle bulğan tuğandaş illär arasında küñel küpere barlıqqa kiteräçägenä ışanuların citkerde.

Ramil Xäsänov berençe êtapta jurnalistlar, säyäxät agentlıqları wäkilläre häm tikşerenüçelärneñ turda qatnaşaçağın , monıñ säbäbeneñ isä alarnıñ kimçeleklärne kürep üzlärenä belderüläre buluın citkerde.

14 kön bularaq planlaştırılğan “Modern Yefäk yulı urtaq tur paketı”nda tarixi Yefäk yulı uzğan şähärlär nigez itep alına. Tur Törkiyädän Kaysäri, Nävşähir, Konya häm İstanbul,Azärbaycannan Gäncä,Şäki,Şamahlı häm Baqı,Qazaqstannan Almatı,Çimkänt,Törkistan,Otrar häm Talas,Qırğızstannan Balasagun, Narin, Çolbanata, Issık kül ve Bişkäk şähärlären üz êçenä ala.

Qazaqstan latin alfavitına küçärgä äzerlänä.

Qazaqstan ilbaşı Nursoltan Nazarbayev ileneñ 2025 nçe yılğa qadär tulısınça latin alfavitına küçüe kiräklegen beldergän.

Nazarbayev ”Möstäqil’ Qazaqstan”gazetında basılıp çıqqan mäqaläsendä “2025 nçe yılğa qadär barlıq dokumentlarda latin alfavitına küçü,däresleklär häm matbuğatnıñ  latinça basıluı kiräk. Waqıt yuğaltmıyça bu êşkä kereşüebez zarur”digän.

Nazarbayev yıl azağına qada qazaq latin alfavitın äzerläw öçen xökümätkä boyırıq birüen dä citkergän.

Qazaqstan ilbaşı Nursoltan Nazarbayev 2018 nçe yıldan başlap yaña latin alfavitın öyrätäçäk belgeçlärne äzerläw häm däresleklärne latinça yazu öçen äzerleklärne başlatu kiräklegen dä assızıqlağan.

Qazaqstan 1929 nçı yıldan 1940 nçı yılğa qadär qazaq latin alfavitın qullanıp , soñraq kirill alfavitına küçkän ide.

 

 



Bäyläneşle xäbärlär