Qızılqomda altın êşläp çığarılaçaq

Törki dönya xäbärläre 14

704883
Qızılqomda altın êşläp çığarılaçaq

Törkiyä - Awrupa Berlegeneñ 5nçe zur säwdä partnerı

Törkiyä 2016nçı yılda 66,7 milliard yevrolık êksport, 78,01 milliard yevrolık import çınğa aşırğan Awrupa Berlegeneñ 5nçe zur säwdä partnerı bulunı däwam itterde.

Awrupa Statistika ofisı Eurostat 28 äğzadän toruçı Awrupa Berlegeneñ säwdä mäğlümatların açıqladı. Statistikağa kürä, Awrupa Berlege 2016da barlığı 9 trillion 591 milliard yevrolık säwdä külämenä ireşte.

Bu sannıñ 4 trillion 855 milliard yevrolık öleşe êksport, 4 trillion 736 milliard yevrlık öleşe imorttan tora. Barlığı säwdäneñ 3 trillion 110 milliard yevrosı Awrupa Berlege illäreneñ üz aralarında çınğa aşırıldı.

Törkiyä isä uzğan yılnı Awrupa Berlege belän 145 milliard yevro tiräse säwdä çınğa aşırdı. Törkiyäneñ berlekkä êksportı 2015kä kürä 8,3%ka artıp, 66,7 milliard yevroğa ireşkändä import 1,25% ka azayıp, 78,01 milliard yevro buldı.

Şul räweşle Törkiyä 2016nçı yılda yaqınça 145 milliard yevro belän Awrupa Berlegeneñ iñ zur 5nçe säwdä partnerı bulunı däwam itterde.

Berençe urında 610 milliard yevrolık säwdä küläme belän AQŞ bar, annan soñ 515 milliard yevro belän Qıtay, 264 milliard yevro belän Şveyśariya, 191 milliard yevro belän Rusiyä kilä.

Üzbäkstannıñ Qızılqom çülendä altın citeşteräçäk êşxanäneñ nigeze salındı

İlbaşı idaräseneñ matbuğat ofisınnan yasalğan açıqlawğa kürä ilneñ Nevai vilayätendä urnaşqan Qızılqom çülendäge yatmada altın häm başqa qimmätle metallarnı ayıraçaq Nevai Metallurgiya kombinatındağı gidrometallurgiya êşxanäseneñ nigezen salu tantanasında däwlät başlığı Şäwkät Mirziyoyev ta qatnaştı.

Mirziyoyev ayıruça êşxanä öçen metall täêmin itäçäk Auminzo-Amantay altın yatmasın açtı.

Tantanada çığış yasağan Mirziyoyev yaña qorılmalarnıñ il öçen zur sośio-êkonomik ähämiyätkä iyä buluın citkerde.

Proyekt küläme 396 million dollar bulğan êşxanä yıllıq 5 million tonnalık metallnı êşkärtä ala. Proyektnıñ çınğa aşırıluı belän 5 meñnän artıq keşe êş belän täêmin iteläçäk.

Nevai metallurgiya kombinatında 2017-2026nçı yıllarda barlığı küläme 3 milliard 63 million dollar bulğan 27 proyektnıñ çınğa aşırıluı küzdä totıla. Bu proyektlar yärdämendä 31 meñ keşeneñ êş belän täêmin itelüe maqsat itelä.

Urta Aziyadağı iñ zur altın citeşterü qorılmalarınnan sanaluçı Nevai Metallurgiya kombinatında yıllıq urtaçaq 70 tonna altın êşläp çığarıla. Êşxanä urnaşqan Qızılqom çülendä şaqtıy altın yatması bar.

Yäş liderlar programması oyıştırıla

Ministrlar kabinetına qarağan Çit ildäge törkilär häm tuğandaş cämğiyätlär idaräse tarafınnan oyıştırılğan Çit illärdäge yäş liderlar programmasına möräcäğat’ itü başlandı. Programma yäşägän illärdä aktiv wazifalarnı üz östenä alaçaq häm ürnäk bulaçaq şäxeslärneñ üsüen” maqsat itä.

Yäş liderlar programması törle illärdä belem häm sośial’ tormışta uñışqa ireşkän yäşlärneñ saylanıp, ber programma buyınça belem aluların küzdä tota. Dönyanıñ törle töbäklärennän 40 yäş keşe qabul iteläçäk programmağa möräcäğat’lär 30nçı aprel’ könne azağıan yaqınlaşaçaq.

Programma Germaniya, AQŞ, Awstriya, Awstraliya, Bel’giya, Berläşkän Patşalıq, Daniya, Finlyandiya, Franśiya, Hollandiya, Şveśiya, Şveyśariya, Kanada, Norvegiya, İtaliya, İspaniya, Portugaliya häm Yaña Zelandiyada yuğarı uqu yortın beterüçelär yäisä aspirantlar möräcäğat’ itä alaçaq.

Programma iyul’ ayında ike atna buyı Änkara häm İstanbulda çınğa aşaçaq. Bu waqıt êçendä qatnaşuçılar faydalı êşçänleklär başqaraçaq. Ayıruça programma qısalarında yäşlär tarixi häm mädäni urınnarğa baraçaq. Törek sänğate, kinosı, TRT konśertları kebek atel’ye häm sośial’ êşçänleklär dä programmada urın alaçaq. Yäşlär taläp itkän oçraqta Törkiyädä praktika da uza alaçaq.

Yäş liderlar programmasına möräcäğat’ www.ytb.gov.tr/gencliderler säxifäsendä yasalaçaq. Namzätlär möräcäğat’ häm programma xaqında centekle mäğlümatnı da bu säxifädän ala alaçaq.



Bäyläneşle xäbärlär