"TRT AWAZ"ğa 8 yıl

Törki dönya xäbärläre 13

700254
"TRT AWAZ"ğa 8 yıl

Törkistan - Törki dönya mädäniyät başqalası 2017neñ açılışı uzdı

Törki dönya mädäniyät başqalası 2017neñ açılışı 22 ildän 300 tiräse sänğatçe qatnaşında Törkistanda oyıştırıldı. Awrupa häm Aziya qitğasınıñ yäş sänğatçeläre Xuca Äxmät Yäsäwi yäşägän cirlärdä oçraşıp, törki śivilizaśiyaseneñ iñ möhim tradiśiyalärennän ebrse bulğan Näwrüz bäyräme belän ber rättän borınğı Törkistan şähäreneñ Törki dönya mädäniyäte başqalası bulıp saylanuın 10 meñnärçä Törkistanlı belän bergä qotladı.

Kön’yaq Qazaqstan vilayätendä uzğan çaranıñ açılışı Qazaqstan Cömhüriyäteneñ Sport häm mädäniyät ministrlı Arıstanbäk Muhamädiulı, Kön’yaq Qazaqstan vilayäte başlığı Janseyit Tüymebayev häm Törki dönya mädäniyäte oyışması TÜRKSOY ğomüm särqätibe, ilçe Düsen Kaseinov tarafınnan oyıştırıldı.

Xuca Äxmät Yäsäwi xäzrätläreneñ törbäse yanında cıyılğan qunaq wäkilleklär berençe itep törbä yanındağı urınnarnı gizde.

Çara açılış öçen qorılğan alanda yasalğan çığışlar belän däwam itte. Törki dönya mädäniyäte başqalası 2017 açılış çığışlarınıñ berençesen Qazaqstan Cömhüriyäteneñ Sport häm mädäniyät ministrı Arıstanbäk Muhamediulı yasadı. Çığışın Näwrüzneñ mullıq häm bäräkät alıp kilüen teläp, başlağan ministr Muhamediulı çarağa öleş kertüçelärgä räxmäten belderep, Törkistan – törki dönya mädäniyäte başqalası 2017 programması qısalarında oyıştırılaçaq çaralar turında mäğlümat birde.

Kön’yaq Qazaqstan vilayät başlığı Janseyit Tüymebayev Törkistannıñ Törki dönya mädäniyäte başqalası bulıp saylanılğanı öçen bik şat buluların citkerep: “Törki dönyası liderı, ilbaşıbız Nursultan Nazarbayev monnan yıllar êlek TÜRKSOYnıñ törki dönyanıñ YUNESKOsı buluın teläwen äytkän ide. Bügengä qadär çınğa aşırğan uñışlı proyektlar belän TÜRKSOY bu däräcägä küptännän layıq. Töreki dönya mädäniyäte başqalası däräcäsen alıp, bezdän soñğı şähärgä tapşıraçaqbız,” – dide.

TÜRKSOY ğomüm särqätibe Düsen Kaseinov isä mädäniyät başqalası yärdämendä Törki dönya şähärläreneñ mädäni häm sośial’ yaqtan üsüenä iğtibarnı cälep itep, TÜRKSOYğa kürsätkän xuplawları öçen TÜRKSOY äğzase illäre däwlät başlıqlarına räxmätlären belderde.

2017nçe yılnıñ 21nçe mart könne Törkistanda oyıştırılğan açılış tantanasında şul uq waqıtta här yıl tradiśiya bularaq uzdırıluçı TÜRKSOY Matbuğat büläklären tapşıru tantanası da ütkärelde. Tantana qısalarında dönyanıñ törle illärendä başqarğan êşçänlekläre belän törki mädäniyätneñ tanıtıluına öleş kertkän media xezmätkärlärenä älege büläklär tapşırıldı. 2010nçı yıldan birle tapşırıluçı TÜRKSOY Matbuğat büläkläre bıyıl 7 ildän 14 keşe häm oyışmağa birelde.

TRT AWAZğa 8 yıl

Törki dönyanıñ urtaq tawışınıñ yıllığı Azärbaycanda Näwrüz bäyrämendä qotlandı.

Törkiyä teleradiokompaniyaseneñ TRT AVAZ kanalı “Urtaq geografiyaneñ köçle tawışı” şiğare belän 2009nçı yılnıñ 21nçe mart könne açıldı.

Yıllar buyı törki dönyağa qarağan uñışlı tapşıruları belän kiñ geografiyada keşelär arasında maxsus bağlarnıñ qorıluına säbäpçe buldı.

Törki dönyanıñ urtaq bäyräme Näwrüzdä 8nçe yılın qotlağan TRT AVAZ bu qotlawlar öçen maxsus urın sayladı. Baqıda kön buyı festival’ uzdı.

21nçe mart sişämbe könne Törkiyä waqıtı belän 19:00dä Haydar Aliyev Mädäniyät üzägendä maxsus konśert quyıldı.

Konśertnı 26 il häm 15 üzidaräle cömhüriyättäge 300 million keşe turıdan-turı qaraw mömkinlegen taptı.

Syurpriz sänğatçelär belän bergä Ämrä Aydın, Azärin, Fergane kebek tanılğan cırçılar qatnaşqan isktikeç konśert Näwrüz şatlığın bar dönyağa yäşätte.

Baqıdan turıdan-turı tapşırılğan konśertnı şul uq waqıtta TRT AVAZnıñ Facebook säxifäsennän dä qarap buldı.

Üzbäkstan ilbaşı Qazaqstanğa säfär yasadı

Räsmi säfär belän Qazaqstanğa kilgän Üzbäkstan däwlät başlığı Şäwkät Mirziyoyev ilbaşı Nazarbayev tarafınnan Akorda ilbaşı sarayında räsmi tantana belän qarşı alındı. Qarşı alu tantanasınnan soñ ike lider üzara häm wäkilleklärara söyläşü ütkärde.

Nursultan Nazarbayev üzara söyläşüdä yasağan çığışında ike il arasında säwdä, iqtisad, mädäniyät häm humanitar ölkälärdä mönäsäbätlärneñ tağın da nığıtıluı zarurlığın belderde.

Nazarbayev: “Söyläşülärebezne başlattıq. 500 üzbäk häm qazaq êşmäkäre qatnaşında êş forumı ütkärelde. Forumda tarixıbızda berençe tapqır 1 milliard dollarlık 75 kileşü imzalandı,” – dide.

Nazarbayev Üzbäkstannıñ uzğan yılnı wafat bulğan däwlät başlığı İslam Kärimov belän nigeze salınğan ike yaqlı mönäsäbätlärne üsterergä däwam itteräçaklären citkerde.

Däwlät başlığı Mirziyoyev ta Nazarbayevnıñ uzğan yılnı Semerkant säfärendä awır könnärendä Üzbäkstan yanında bulaçağı belän bäyle yasağan açıqlawınıñ ike ilne ber-bersenä tağın da yaqınaytuına işarät itep: “Soñğı 5 ayda mönäsäbätlärebez tağın da üste. Säwdä, iqtisadi mönäsäbätlärebez yaña däräcägä citte. Êş forumında Üzbäkstannan 250 êşmäkär qatnaştı. Qısqa waqıtta regional’ xezmättäşlekkä ähämiyät birelde,” – dide.

Üzbäk lider Mirziyoyev berençe çit ilgä säfären Törekmänstanğa yasağan ide. İkençe säfären Qazaqstanğa çınğa aşıruı Üzbäkstannıñ kürşeläre belän häm regional’ xezmättäşlekkä birgän ähämiyätne kürsätä.



Bäyläneşle xäbärlär