Nogayça 99: Är kün är kün namaz, köp tuvılma? (3)
Bu yuma em “ÄR KÜN ÄR KÜN NAMAZ, KÖP TUVILMA?” baresinde söz bardıramız...
Bîr alimdiñ nepsine
Namaz üşün aytqanına;
Bu yuma tagı em,
Devam qılamız inşallah!
“Ey dünyaga düşkün nepsim!
Acaba ibadetke
Tembellik etkeniñ,
Namazdaqı eksigiñ
Dünya meşgalesiniñ
Köp bolganı sebeppe?
Ya de seniñ geşim dertiñ
Seni oyalagan da,
Vaqıt tabamay turup
Namazdı taslagansın?
Yalgız sosı dünya üşün
Yaratılgansıñ ma sen?
Barı vaqıtlarıñdı,
Nav dünyaga garcaysın!
Ziyadası öziñdeki
Barı neşe sıpatlardıñ
Bareden üstte bolganın;
Em düniyaga kerek bolgan
Barı zattı tedarikte,
Bîr torgayga yetişamay
Dayim artta qalganıñdı,
Arüv bilip turısın!
Muñdan nege añlamaysıñ,
Asıl vazipeñ seniñ,
Ayvanday qullıq tuvıl,
Belki aqıyki insanday
Dayim bîr hayat üşün
Saga yaqışqan kepte,
Haq’qa qullıq ekeniñ,
Sen nege eslemeysin?
Em muñlarman barabar
Dünya meşgalesi degeniñ,
Köbi seniñ bolmagan,
Lüzumsuz qarısqanıñ,
Em de qarıstırganıñ;
Saga paydası bolmay
Bosbosuna ugraşqanıñ
Bazı isleriñ bolgan...
En kerekti taslap
Sankim miñler sane ömriñ
Bar bolganday ey nepis,
Lüzumsuz islerge,
Zamanıñdı garcaysıñ!
Misal bolsa Zuhal’dıñ
Tögereginde halqadıñ
Aslı ne eken acaba?
Em Amerika tavuqları,
Qaş daneken acaba?
Dep maraq etesiñ...
Eñ qıymatlı vaqtıñdı,
Äş qıymatsız zatlarman
Bosbosına ötkeresiñ...
Sankim üyrengen ilmiñden
Ya istatikşi fenniñden
Bîr oñgunlıq tabasıñ...
Eger seniñ üyrengeniñ
Saga paydalı bolsa
Em Allah’tı oylatsa,
Oga bîr söz bolmagan...
Tek sen yalgızca
Sırp maraq bolsun dep
Em basqalar seniñ
Bilgeniñdi bilsin dep
Üyrenseñ sosınlardı,
Bilgenleriñ barı saga,
İyniñe yük bolgan...
Ey nepis eger deseñ!
‘Meni namaz, ibadetten
Alıp qalıp gevşetken
Sosınlarday kereksiz
Bazı isler bolmagan...
Geşim derti basımda;
Maga mecbur kerekken
Bazı qullıqlar sebeb
Namazımdı ötkeremen...’
Ol zaman ey nepis!
Men de saga nav sözdi,
Añlarsıñ dep aytaman:
Yüz liralıq kündelikpen
Bîr qullıqta isleseñ,
Soñda saga bîrev kelse
‘Kel on taqıyqa ey adem!
Nav yerdi qaz da sen,
Miñ lira qıymatıñda
Bîr pırlanta bîr zümrüt
Tabıyaksıñ!’ dep aytsa,
Sen de oga ey nepis!
‘Yoq kelmem, em qazbam,
Nav isimdi taslasam,
Yüz liralıq kündeliktiñ
On lirası kesiliyek!’
Degen sözdi oga aytsañ,
Neşe bîr divanece
Bahane etkeniñdi,
Özin arüv bilirsiñ...
Aynı nav misaldey,
Bîr baqşacı bolsañ em,
Nav bavıñda geşim üşün
Qullıq etip tursan sen,
Eger parız namazıñdı,
Qılmayberip taslasañ
Barı etken isindiñ
Soñda meyvası saga,
Yalgız dünyaga bolup
Qıymatı az bolgan
Bereketsiz napaqaga,
Yalgız bîr tek maqsatqa
Baylı bolup da qalgan...
Eger sen tıñşaygan
İstirahat vaqtıñdı,
Ruhuñdıñ rahatına,
Em yüregiñdiñ solugı
Bolgan sosı namazga
Garcasañ ey nepis,
Ol vaqıt bereketli
Dünya napaqasıman
Em ahiret napaqañga,
Öte dünya azıgıñga
Sebep bolgan, qıymatlı
Eki bulaq tabarsın...”
Eki bulaq ne bolganın,
Em basqa qalganlardı,
Keliyek yuma nasip bolsa
Aytaberiyek inşallah
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com