”Niderland xakimiyäten ikeyözle totışlarınnan waz kiçärgä çaqıram”

 NATO parlamentariylar assambleyasınıñ Törkiyä delegaśiyäse başlığı Osman Askın Bak NATOda berlektäş bulğan Niderland xökümäteneñ berlektäş añlayışına kürä xäräkät itüen kötülären belderde. Osman Askın Bak :”Niderland xakimiyäten ikeyözle totışlarınnan waz kiçärgä çaqıram”,-dide.

NATO parlamentariylar assambleyasınıñ Törkiyä delegaśiyäse başlığı yazma belderüendä tışqı êşlär ministrı Mävlüt Çavuşoğlunıñ Törkiyä watandaşları belän küreşep söyläşü öçen 11 nçe martta Niderlandqa yasayaçaq säfäreneñ törle kirtälär näticäsendä ğamäldän çığarıluın ğayepläde.

Şul uq könne Niderlandqa säfär yasağan Törkiyä ğailä häm sośial’ säyäsätlär ministrı Fatma Bätül Sayan Kayağa qarata dorfa totışnı berniçek tä qabul itep bulmawnı assızıqlağan Bak ,törek xalqı iradäseneñ wäkilenä ,ber xatın-qızğa, ber ministrğa mondıy möğälämä kürsätüneñ törek milläte häm däwläten mısqıllaw buluın, global’ qimmätlärne ayaq astına salıp taptaw buluına basım yasadı.

Osman Askın Bak NATO parlamentariylar assambleyasınıñ Törkiyä delegaśiyäse başlığı bularaq Fatma Bätül Sayan Kayağa , Niderlandtağı diplomatik wäkilçeleklärenä häm watandaşlarğa yünälgän mondıy tupas, diplomatik häm demokratik qimmätlärga qapma-qarşı totışlarnı kisken räweştä läğ’nätläwen belderde.

Bak NATOnıñ qoruçı äğzalarınnan bulğan ,Törkiyä belän 400 yıldan kübräk däwam itkän diplomatik mönäsäbätlärgä iyä Niderlandnıñ mondıy totışınıñ 1961 nçe yılğı diplomatik mönäsäbätlär xaqındağı Vena kileşüe belän 1963 nçe yılğı konsullıq mönäsäbätläre turındağı Vena kileşüen açıq räweştä bozu mäğ’näsenä turı kilüen assızıqladı.

Bak Niderland iminlek köçläreneñ tınıç maqsatlı cıyılış ütkärü xaqın qullanğan törek cämğiyätenä kimsetüçe ısullar belän çiktän tış köç qullanıluın belderde. NATO parlamentariylar assambleyasınıñ Törkiyä delegaśiyäse başlığı Awrupa Şurası äğzası bularaq Awrupa Keşe xoquqları kileşüen ütärgä tiyeşle Niderland xökümäteneñ xalıqara cawaplılıqların bozuın citkerde.

Bu waqiğalarnı küzätep barğan matbuğat äğzalarınıñ xäbär alu, äzerläw häm taratu xörriyätläreneñ dä çamadan tış köç qullanıp totqarlanuın beldergän Bak tübändägelärne citkerde:

”Niderland xakimiyäteneñ bu totışı ildäge törek cämğiyäteneñ demokratik xoquqlarına yünälgän höcümder. Niderland xökümäteneñ Törkiyä ministrlarına,diplomatik wäkillärebez belän tınıç xalıqqa häm matbuğat äğzalarına yünälgän mondıy totışı Awrupanıñ wäğaze bulğan qimmätlär häm demokratiya öçen zur qurqınıç tudıra. Bu waqiğa Awrupa Berlege öçen dä möhim sınap qaraw bulıp tora. Awrupa Berlege Niderlandnıñ bu ğamällärenä iñ kisken räweştä reakśiya beldermäsä, kiräkle adımnarnı yasamasa,bolay da zarar kürgän abruyın häm ışandıru köçen yuğaltaçaq. Awrupa qitğası İslamofobiya häm Törekfobiya çirlärennän ıñğıraşa. Yıllar buyı Törkiyägä keşe xoquqları,demokratiya notığı uquçılarnıñ nigezdä bu qimmätlärdän bik yıraq buluın küräbez.Awrupanıñ Berençe häm İkençe bötendön’ya suğışlarında distälärçä million keşene yuğaltudan ,iksez –çiksez qayğı-xäsrättän haman da sabaq almawına bik borçılam. Bu faşistik ğamällärneñ böten Awrupağa taralauınıñ ütkännärdäge qayğı-xäsrätlärneñ qabatlanuına nigez äzerlämäsen dip ömetlänäm. 

Bu mönäsäbät belän Niderlandnıñ demokratiya, keşe xoquqları, xörriyätlär belän berniçek tä turı kilmägän faşistik häm ädäpsez totışın tağın ber tapqır läğ’nätlim. NATOda berlektäşebez bulğan Niderland xökümäteneñ berlektäş añlayışına kürä xäräkät itüen kötep qalabız häm alarnı ikeyözle totıştan waz kiçärgä çaqıram”.