Nazarbayev Nobel’ tınıçlıq bülägenä namzät

Törki dönya xäbärläre 10

685811
Nazarbayev Nobel’ tınıçlıq bülägenä namzät

Törkiyä ilbaşı Ärdoğannan Berdimuhammedovka yullama

Törkiyä ilbaşı Räcäp Tayyip Ärdoğan Törkiyä-Törekmänstan diplomatik mönäsäbätläreneñ 25 yıllığı uñayınnan Törekmänstan däwlät başlığı Gurbanguli Berdmuhammedovka ber yullama yasadı.

Ärdoğan Törkiyä häm Törekmänstan arasında diplomatik mönäsäbät qorıluınıñ 25 yıllığı uñayınnan Törekmänstan däwlät başlığı Gurbanguli Berdmuhammedovka ber yullama cibärde.

Atavatan Törekmänstannıñ bäysezlegen tanığan berençe il bulunıñ Törkiyä Cömhüriyäte öçen ayırım ğorur häm söyeneç çığanağı buluın assızıqlağan Ärdoğan yullamasında “Säyäsi irada häm täwäkkällek belän tiränläştergän ike yaqlı häm küp taraflı xezmättäşlegebezneñ kiläse 25 yılda tağın da köçäyep, däwam itäçägenä çın küñeldän ışanam. Töbägebezdä totrıqlılıqnıñ däwamı öçen bergä êşçänlek başqaruıbız, ütkändä bulğanı kebek bügenge köndä dä zur ähämiyätkä iyä,” – dide.

Törkiyä ilbaşı yullamasında öçençe tapqır däwlät başlığı bulıp saylanuı uñayınnan Berdimuhammedovnı qotladı, dus häm qardäş törekmän xalqına isänlek häm mullıq teläde.

Törkiyä-Törekmänstan diplomatik mönäsäbätläreneñ 25 yıllığı uñayınnan Törkiyäneñ tışqı êşlär ministrı Mäwlüt Çavuşoğlu da törekmän xezmättäşe Räşit Märädovka yullama cibärep qotladı.

Törkiyäneñ Aşxabattağı ilçese Mustafa Kapucu tarafınnan törekmän tışqı êşlär ministrlığına citkerelgän yullamalarda xezmättäşe Märädov häm Törekmänstan xalqına cılı teläklären beldergän Çavuşoğlu regional’ totrıqlılıqnıñ däwamı öçen bergä êşläwneñ ähämiyätenä iğtibarnı cälep itte häm ike yaqlı mönäsäbätlärneñ nığıp, däwam itäçägenä ışanuın assızıqladı.

Bäysezlek iğlanınnan soñ 1991nçe yılnıñ 16nçı dekabr’ könne Törekmänstannıñ bäysezlegen tanığan häm soñınnan 1992nçe yılnıñ 29nçı fevral’ könne Törekmänstan belän diplomatik mönäsäbät qorğan häm başqala Aşxabadta tulı wäqalätle ilçelek açqan berençe il Törkiyä Cömhüriyäte bulğan ide.

Uzğan atnada da Törekmänstan tışqı êşlär ministr urınbasarı Vefa Haciyev räislegendäge törekmän wäkillege belän Törkiyäneñ tışqı êşlär ministrlığı räsmi zatları Änkarada küreşkän häm säyäsi kiñäşmä söyläşüläre ütkärelgän ide.

Üzbäkstannıñ 2017nçe yıl maqsatı zur

Üzbäkstan 2017nçe yılğı programma qısalarında bıyıl 4 milliard 505 million dolarlık çit il investiśiya qullanunı maqsat itä.

Üzbäkstan Ministrlar şurasınnan yasalğan açıqlawda xökümätneñ 2017 investiśiya programması qısalarında bıyıl ildä çınğa aşırılğan 199 proyekt öçen 4 milliard 505 million dolarlık çit il investiśiya qullanıluınıñ küzdä totıluı belderelde.

Açıqlawda bıyıl 79 proyekt öçen xökümät garantiyase belän 1 milliard 854 million dolarlık çit il kredit qullanıluınıñ planlanuı, 120 proyektta isä 2 milliard 651 million dolarlık turıdan çit il investiśiyaseneñ il iqtisadına qazandırılaçağı citkerelde.

İñ küp çit il investiśiyaseneñ ênergetika tarmağına kertelüeneñ maqsat itelüe urın alğan açıqlawda barlığı 37 ênergetika proyektı öçen 2 milliard 470 million dolarlık çit il investiśiyaseneñ küzdä totıluı açıqlandı.

Bıyıl Üzbäkstanğa iñ küp investiśiya kertäçäk illär arasında Rusiyä berençe urında, Rusiyä kapitalınıñ möhim ber öleşeneñ ênergetika tarmağında qullanıluı kötelä.

“Lukoil” şirkäte Üzbäkstandağı 2017nçe yıl proyektları öçen 1 milliard 217 million dolarlık investiśiya kertüne küzdä tota, gaz şirkäte “Gazprom” da 1,3 milliard dolarlık tabiği gaz êzläw, tabu häm êşkärtü êşçänlegen planlıy.

Üzbäkstan xökümäte 2017-2021nçe yıllarda Dönya bankı, Aziya qalqınu bankı häm İslam qalqınu bankı kebek xalıqara finans oyışmalarınnan barlığı 7,7 milliard dollar kredit qullanunı maqsat itä.

Xökümät mäğlümatlarına kürä 2016nçı yılda il iqtisadına kertelgän çit il investiśiyase aldağı yıl belän çağıştırğan 11,3%lık artış belän 3,7 milliard dollar bularaq terkälde.

Nazarbayev Nobel’ tınıçlıq bülägenä namzät

Basel’ tınıçlıq ofisı Qazaqstan däwlät başlığı Nursultan Nazarbayev belän Karipbäk Kuyukovnı Nobel’ bülägenä namzät itep kürsätte.

Şveyśariyaneñ Bazel’ şähärendä urnaşqan Tınıçlıq häm ênergetika tikşerenü institutı mödire Alyn Ware Facebookta yasağan açıqlawında Qazaqstan däwlät başlığı Nursultan Nazarbayev belän “ATOM” proyektınıñ xörmätle ilçese, qazaq rässam Karipbäk Kuyukovnı atom-töş qorallarnıñ beterelüe öçen quyğan tırışlıqları öçen Nobel’ tınıçlıq bülägenä namzät itep kürsätüen açıqladı.

Açıqlawda Nazarbayevnıñ namzät buluın ayıruça ingliz säyäsätçe Bil Kidnıñ da xuplawı belderelde.

Möräcäğattä Nazarbayevnıñ atom-töş qoralsızlanu mäs’äläsendä bik möhim qararlar qabul itüe häm 22 yıl buyı atom-töşsez dönya öçen bik tığız êşçänleklär başqaruı da assızıqlandı.

Tyurkologiya qorıltayınıñ 90 yıllığı uñayınnan çara

Azärbaycan başqalası Baqıda 1926nçı yılda uzğan Berençe Tyurkologiya qorıltayınıñ 90 yıllığı uñayınnan “Tyurkologiya ğil’mi mädäni xäräkättä urtaq qimmätlär” temalı konferenśiya oyıştırıldı.

Tyurkologlar 90 yıldan soñ Baqı Tyurkologiya qorıltayı uzğan, ul waqıtta İsmailiyye waqıfına bäyle bulğan, bügenge köndä isä Azärbaycan Milli ğilemnär akademiyase idarä şurası urnaşqan binada cıyıldı.

Törkiyädän kilgän wäkillek belän citäklägän Törki tellär oyışması başlığı Prof. Dr. Mustafa Kaçalin konferenśiyaneñ açılışında yasağan çığışında Baqı Tyurkologiya qorıltayında törki dönyanıñ urtaq yaqlarınıñ söyläşelüen, bu söyläşülärneñ bügenge köndä dä däwam itüen äytte.

Tormışın tyurkologiyağa bağışlağan şaqtıy belgeç cıyılğan Qorıltayda 131 delegatnıñ qatnaşuın häm 17 cıyılışnıñ ütkärelüen xäterlätkän Kaçalin bu belgeçlärneñ kübeseneñ soñınnan Sovyetlar Berlege citäkçelege tarafınnan ğazaplandırıluın häm sörgengä cibärelüen belderde.

Qorıltaynıñ tel yağınnan bügenge köndä bäxäsläşelüçe mäs’älälärgä tuqtaluın beldergän Kaçalin älifba, orfografiya problemaları, metod mäs’äläläreneñ qaraluın citkerde.

Törki tellär oyışmasınıñ Qorıltaynıñ berketmalären 1998nçe yılda basuın xäterlätkän Kaçalin 1926nçı yılğı Qorıltaynıñ tyurkologiya beleme öçen borılış noqtası buluın assızıqladı.

Prof. Dr. Äxmät Bican Ercilasun isä 90 yıl êlek oyıştırılğan Qorıltay uzğan binada buludan bäxetle buluın äytte.

90 yıl êlek törki dönya sośial’ belemnäreneñ bu binada qaraluın citkergän Ercilasun törki telle illärneñ barısınıñ da berençe itep belemgä qimmät birüe zarurlığın assızıqladı.

1926nçı yılnıñ 26nçı fevral’ könne oyıştırılğan Berençe Baqı Tyurkologiya Qorıltayında törki dönyada urtaq älifba, ädäbi tel häm terminologiya mäs’äläläre söyläşelgän ide. Qorıltayda Törkiyäne Prof. Dr. Fuad Köprülü häm Ali Bey Hüsäyinzadä wäkillek itkän ide.



Bäyläneşle xäbärlär