Turxan Dilmaç: "Törek häm tatar tarixı urtaq”

Törki dönya xäbärläre 09

678920
Turxan Dilmaç: "Törek häm tatar tarixı urtaq”

Törkiyä 4nçe Xalıqara törki dönya tikşerenüläre simpoziumı uzaçaq

Qazaqstannıñ Almatı şähärendäge Däwlät pedagogiya qızlar universitetı, Törkiyäneñ Niğdä şähärendäge Ömär Halisdämir universitetı, Ufadağı M.Aqmulla başqort däwlät pedagogiya Universitetı häm Baqıdağı Awraziya Universitetı oyıştıraçaq ğil’mi cıyılış törki dönya belän bäyle tikşerenülär alıp baruçı belgeçlärne oçraştırıp, ğil’mi qaraşların urtaqlaşuların maqsat itä.

Simpoziumda törki dönyanıñ könüzäk mäs’äläläre, tel, ädäbiyat, tarix, fän, mädäniyät, sänğat, xalıqara mönäsäbätlär, iqtisad, din, fälsäfä, sośiologiya kebek ölkälärdä panel’ utırışlarınıñ ütkärelüe planlana.

Älege cıyılışta qatnaşır öçen 2017nçe yılnıñ 3nçe mart könenä qadär törki tellärdäge ğil’mi mäqalälärne Oyıştıru komitetına cibärergä kiräk.

Berençe simpozium 2014nçe yılda Niğdä Universitetında uzğan ide. 2nçe simpozium 2015nçe yılda Almatıdağı Qazaq däwlät qızlar pedagogiya universitetında, öçençese isä 2016da Baqıdağı Awraziya Universitetında oyıştırılğan ide.

AQŞ-Üzbäkstan diplomatik mönäsäbätlärenä 25 yıl

Amerika Quşma Ştatları däwlät başlığı Donal’d Tramp ileneñ Üzbäkstannıñ häm aña kürşe bulğan illärneñ möstäqillege, bäysezlege häm cir bötenlegen, bu illärneñ Urta Aziyaneñ tağın da üsterelüenä häm berdämlegeneñ nığıtıluına qarağan tırışlıqların xuplawın beldergän.

Üzbäkstandağı İlbaşı idaräse matbuğat ofisınnan yasalğan açıqlawğa kürä Tramp Üzbäkstan belän AQŞ arasındağı diplomatik mönäsäbätlär başlanğıçınıñ 25 yıllığı uñayınnan Üzbäkstan däwlät başlığı Şäwkät Mirziyoyevka xat cibärgän.

Mirziyoyevnı qotlağan Tramp xatında: “Bez ike yaqlı mönäsäbätlärdä ireşelgän şaqtıy näticälär belän ğorurlana alabız. Kiläse yıllarda regional’ iminlek häm totrıqlılıq ölkälärendä ğomüm maqsatlarıbıznıñ çınğa aşırıluı öçen sezneñ belän xezmättäşlektä êşlärbez dip ömet itäm. AQŞ Üzbäkstannıñ häm aña kürşe illärneñ möstäqillege, bäysezlege häm cir bötenlegen, bu illärneñ Urta Aziyaneñ tağın da üsterelüenä häm berdämlegeneñ nığıtıluına qarağan tırışlıqların xuplıy,” – dip citkergän.

Üzbäkstan däwlät başlığı Mirziyoyev ta Trampka cibärgän xatında uzğan çorda ike yaqlı duslıq häm partnerlık mönäsäbätläreneñ nıq nigezeneñ barlıqqa kiterelüena işarät itep, küp yaqlı bu xezmättäşlekneñ tizlek belän üsüen assızıqladı.

Üzbäkstan tışqı säyäsäteneñ töp nigezläre häm prinśiplarınıñ üzgärmiçä däwam itäçägen beldergän Mirziyoyev Üzbäkstannıñ AQŞ belän tradiśion mönäsäbätlärneñ saqlanuı, küp yaqlı xezmättäşlekneñ däwamlı bularaq üsterelüe häm nığıtıluı yaqlı buluın citkerde.

Qazaqstanda EXPO-2017 başlanaçaq

“EXPO-2017” êşçänlekläre qısalarında 10nçı iyun’-10nçı sentäbr’ könnärendä barlığı 3 meñ tiräse çaranıñ oyıştırılaçağı belderelde.

Programmağa kürä 10nçı iyun’ könne “Kazanat” ippodromında oyıştırılaçaq Qazaq awılında milli mädäniyät häm sport tanıtıla başlanaçaq. Monıñ belän ber rättan Qazaq awılında “Ostazlar uçağı”, “Milli aş-su üzäge”, “Böyek Yefäk yulı bazarı” qorılaçaq.

Ayıruça La Skala häm Marin teatrları belän Placido Domingo operettası quyılaçaq.

Qıtay tulı wäqalätle ilçelege kertkän öleş belän tanılğan “Terrakotta Armiyase” Qazaqstan milli muzeyında urın alaçaq.

Êlekke Misır arxeologik tabıldıqları da kürgäzmägä quyılaçaq.

Şul uq waqıtta Rusiyädäge Êrmitaj muzeyı, Franśiyadäge Milli muzeylar berlege kebek tanılğan muzeylarnıñ urtaq êşçänlekläre dä kilüçelärgä täqdir iteläçäk.

EXPO qısalarında balet häm opera programmalarınıñ da oyıştırılaçağı belderelde.

Astanada EXPO programması “Törekvizion” cır bäygese belän däwam itäçäk.

Mädäniyät çaraları belän ber rättän sport bäygelärenä dä östenlekneñ bireläçäge açıqlandı.

Sport programması qısalarında isä 5 Xalıqara häm 2 Aziya çempionatlarınıñ, futbol häm tennis yarışlarınıñ uzaçağı öyränelde.

Centekle mäğlümatlarnıñ isä expo2017culture.kz internet säxifäsendä urın aluı xäterlätelde.

Qazan konsulı Dilmaç: “Törek häm tatar tarixı urtaq”

Törkiyäneñ Qazandağı baş konsulı Turxan Dilmaç Törkiyäneñ Tatarstanğa qızıqsınuınıñ könnän-kön artuın äytte. Tatar-inform agentlığına açıqlaw yasağan Dilmaç ike yaqlı yuğarı däräcäle säfärlärneñ uñay öleşenä iğtibarnı cälep itä: “Keşelär gazetlarda Törkiyä premyer-ministrınıñ Tatarstanğa säfär yasawın uqıy häm Rusiyädä tatarça söyläşelüçe töbäklär buluın, bu töbäklärdä törki ber xalıqnıñ yäşäwen öyränä, qızıqsınuları arta. Tatarstan däwlät başlığı da Törkiyägä säfär yasağanda matbuğatta oxşaş xäbärlär çığa.”

Baş konsul berläşterüçe faktör bularaq urtaq tarixqa işarät itä: “Törkiyä watandaşlarına tatar xalqınıñ tarixın añlatu öçen Märcäni İnstitutı kürsätkän yärdäm belän Tartarika atlası törekçägä tärcemä itelde. Atlasnıñ ber öleşendä urtaq tarixıbız urın ala. İdel bolğarlarınıñ tarixı bezneñ dä tarixıbız, çönki bolğarlar - İslamiyätne qabul itkän berençe törki telle xalıq. Törek qağanı häm başqa borınğı däwlätlär bezne ber-berebezgä bäyläp tora. Monnan tış tatarlar häm töreklär arasındağı mönäsäbätlär 100-150 yıl êlek qorıldı. Yosıf Aqçura kebek şaqtıy urtaq şäxes bar. Bolardan berse – Sadri Maqsudi. Törkiyä premyerı Qazandağı İstanbul parkında Maqsudineñ häykäl açılışın yasadı. Monıñ kebek şäxeslär Törkiyädä häm Tatarstanda belengän sayın yäşlär xalıqlar arasındağı urtaq närsälärne tağın da yaxşı añlayaçaq. Bez dä monıñ öçen tırışlıq quyabız.”

Baş konsul sportnıñ da mönäsäbätlärgä uñay öleş kertüen östäp quydı: “Gökdäniz Karadäniz uynağan “Rubin” futbol taqımı Törkiyädä yaxşı belenä. Törek basketbol taqımnarı yış räweştä Qazanğa kilä. Monıñ da anlamı häm ähämiyäte bik zur.”



Bäyläneşle xäbärlär