Törkiyä ilbaşınıñ Farsı qultığı illärenä säfäre

Törkiyä ilbaşı Räcäp Tayyip Ärdoğannıñ Manamağa yasağan säfäre qısasında Törkiyä belän Baxreyn arasında 4 xezmättäşlek kileşüe imzalandı.

    Älege kileşülärgä Törkiyä tışqı êşlär ministrı Mävlüt Çavuşoğlu, iqtisad ministrı Nihat Zäybäkci,ênergetika häm tabiği çığanaqlar ministrı Bärat Albayrak, milli saqlanu ministrı Fikri Işık belän ilbaşı Ärdoğan häm Baxreyn patşası Hamid bin İsa äl Halifä qatnaşında imza salındı.

Farsı qultığınıñ kön’yağındağı 3 ilgä säfäreneñ berence turında 12 nçe fevral’dä Baxreyn başqalası Manamağa kitkän Törkiyä ilbaşı Räcäp Tayyip Ärdoğanğa älege xezmätäşlek kileşülärenä qul quyğançı Baxreynnıñ iñ yuğarı däräcädäge Şäyex İsa bin Salman äl Halifä medale tapşırıldı.

Medal’ tapşırğanda ilbaşı Ärdoğan ”Törkiyä söyeneçtä dä, köyeneçtä dä härwaqıt Baxreynnıñ yanında bulaçaq”dip belderde.

    İlbaşı Räcäp Tayyip Ärdoğan süzlären tübändägeçä däwam itterde:” Törkiyädä avgust ayında küreşü belän bergä tüntäreleş kereşüe başqarılğan awır könnärdä yanıbızda buldığız häm küñellärebezdä daimi räweştä üz urınığıznı aldığız. Bu yulı Baxreynnıñ älege medale belän bezne olıladığız.Min bu medal’ne Törkiyä häm Baxreyn däwlätläreneñ duslığı häm ike il xalıqlarınıñ duslığınıñ  bilgese itep qabul itäm. Şundıy uq iradä häm täwäkkällekne sezdä kürüdän bik qanäğät’men. Möselmannar ber binanıñ kirpeçläre kebek. Şuña kürä ike ilneñ urtaq tırışlıqları belän Törkiyä häm Baxreyn arasında duslıqnıñ tamır cäyüe häm tuğanlıqnıñ artuı öçen köç quyarbız. Töbägebezneñ tınıçlığı häm yaqtı kiläçäge öçen bergä êşläwebezgä ışanam”.

Äl Halifä Baxreynnıñ iñ yuğarı däräcädäge medalen Törkiyä ilbaşına tapşırğanda tübändägelärne citkerde:” Sez İslam dön’yasına xezmät itü öçen zur tırışlıq kürsätäsez. Bu medal’ sezgä İslam dön’yasına häm böten keşelek dön’yasına yünälgän xezmätläregez öçen birelä”.

Törkiyä ilbaşı Räcäp Tayyip Ärdoğan 13 nçe fevral’dä Farsı qultığı illäre belän bäyläneşlärne nığıtunı maqsat itep quyğan säfäreneñ ikençe tuqtalışı bulğan Soğud Ğaräbstanına kilde.

Süriyä bäreleşendä oppoziśiyäne yaqlawçı ike sönni köç arasındağı mönäsäbätlärdä uzğan yıl yaxşıru küzätelde.

Törkiyä ilbaşı 12 nçe fevral’dä säyäxäten başlar aldınnan Törkiyädän kitkänçe yasağan açıqlawında Törkiyä berlekläreneñ häm süriyäle berlektäşläreneñ Äl Babnıñ üzägendä buluın belderde.

Soğud Ğaräbstanı patşası Salmannıñ 2015 nçe yılda xakimiyätkä kilüennän başlap Riyad belän Änkara arasındağı mönäsäbätlärdä kiyerenkeleklär däwerennän soñ yaxşıru küzätelde. 2016 nçı yılnıñ aprel’ ayında patşa Salman Törkiyägä säfär yasadı.İlbaşı Ärdoğan Salmanğa Däwlät ordenı tapşırdı.

Törkiyädäge İncirlik bazasında “DEAŞ” terror oyışmasına yünälgän Waşington tarafınnan idarä itelgän koaliśiya qısasında Soğud Ğaräbstanı xärbi oçqıçları da urın ala.

Törkiyä ilbaşı Räcäp Tayyip Ärdoğan Manamada yasağan belderüendä Süriyäneñ tön’yağında bäreleşlär arqasında yäşägän cirlären taşlap kitärgä mäcbür bulğan keşelär kitä alaçaq imin töbäk buldırırğa çaqırdı.

Soğud Ğaräbstanı tışqı êşlär ministrı Adil äl Cübäyr uzğan atnada Änkarada ike il mönäsäbätlären üsterü maqsatlı koordinaśiya şurasınıñ täwge cıyılışında yasağan çığışında Soğud Ğäräbstanı häm Törkiyäneñ Süriyä mäs’äläsendäge totışlarınıñ ber ük törle buluın belderde.