Turxan Dilmaç:“Aqıl häm küñel belän êşlärgä kiräk”
“Törek wä tatar dönyasında” tapşıruı. 03.12.2016
İğtibarığızğa Törkiyä Cömhüriyäteneñ Tatarstan başqalası Qazandağı baş konsulı Turxan Dilmaç belän äñgämäneñ ikençe öleşen täqdim itäbez.
Monnan aldağı yazmada kilep çığışı belän Törkiyäneñ Qara diñgez yaqlarınnan bulğan Turxan äfändeneñ Tatarstanğa kilgänçe qaysı yullardan uzuı, qayda belem aluı häm qayda wazıyfalar başqaruı belän qızıqsınğan idek. Tatarça da belüçe baş konsulnıñ tatar telenä qağılışlı fikerlären dä tıñlap uzğan idek.
Turxan äfände belän äñgämäne däwam itep, Törkiyä-Tatarstan mönäsäbätläreneñ bügenge torışı, Rusiyä Federaśiyäse belän kilep çıqqan oçqıç krizisı waqıtında Tatarstandağı waqiğalar häm annan soñğı täräqqiyätlär, Alabuğa irekle iqtisad töbägendä törek şirkätläreneñ êşçänlege, Tatarstanda yäşäwçe töreklär, ike ildäge belem alu mömkinlekläre häm başqa mäs’älälär turında da söyläştek.
Törkiyä belän Tatarstan mönäsäbätläreneñ bügenge torışına tuqtalıp uzuçı baş konsul Turxan Dilmaç Tatarstannıñ Törkiyä belän Rusiyä Federaśiyäse arasındağı mönäsäbätlärdä nindi rol uynawın, bigräk tä “oçqıç krizisı” waqıtında häm annan soñğı täräqqiyätlär barışında Tatarstannıñ öleşen, ayıruça “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’ könge tüntäreleş kereşüennän soñ Tatarstan citäkçelegeneñ torışın añlattı.
Häwäskär räweştä fotografiya sänğäte belän şöğillänüçe Turxan Dilmaç äñgämä barışında Tatarstannıñ tarixi Bolğar qalasınnan bik nıq täêsirlänüen belderde.
Törkiyäneñ Tatarstan başqalası Qazandağı baş konsulı Turxan Dilmaç belän äñgämäne tawış uynatqıçınnan tıñlıy alasız.