Dilmaç: “Tatarçanıñ bay tel buluın üzem dä kürdem”

“Törek wä tatar dönyasında” tapşıruı. 19.11.2016

613954
Dilmaç: “Tatarçanıñ bay tel buluın üzem dä kürdem”

Törkiyä belän Tatarstan arasında tarixi bağlanışlar, fänni cıyınnar, iqtisadi êlemtälär, irekle säwdä töbäkläre, sänğät häm mädäniyät kürgäzmäläre, tatlı aşamlıqlar, uquçı yäşlär belän oçraşular häm başqa çaralar turında süz alıp barğan çaqta soñğı waqıtlarda Tatarstan başqalası Qazandağı Törkiyä konsullığı küz aldıbızğa kilä.

Bügenge yazmabızda Törkiyä Cömhüriyäteneñ Tatarstan başqalası Qazandağı baş konsulı Turxan Dilmaç belän äñgämä täqdim itäbez.

Kilep çığışı belän Törkiyäneñ Qara diñgez yaqlarınnan bulğan Turxan äfändene yazmış cilläre Tatarstanğa kiterep citkerä. Baş konsuldan biregä kilgänçe qaysı yullardan uzuı, qayda belem aluı häm qayda wazıyfalar başqaruı belän qızıqsınabız.

Turxan äfändeneñ bik yaxşı tatarça belüe dä mäğlüm. Konsullıq oyıştırğan çaralar waqıtında Tatarstannıñ däwlät tellärennän berse bulğan tatarça çığış yasawı Tatarstanda yäşäwçe şaqtıy ildäşebezgä, xätta räsmi zatlarğa da ürnäk bulırday xäräkät räweşe.

Törkiyäneñ Qazandağı baş konsulda tatarçanı öyränü teläge niçek tudı soñ? Ul çaqta Qazanğa baruı bilgele bulğan ide mikän?

Törkiyäneñ Tatarstan başqalası Qazandağı baş konsulı Turxan Dilmaç belän äñgämäne tawış uynatqıçınnan tıñlıy alasız.

Turxan äfände belän Törkiyä-Tatarstan mönäsäbätläreneñ bügenge torışı, Rusiyä Federaśiyäse belän kilep çıqqan oçqıç krizisı waqıtında Tatarstandağı waqiğalar häm annan soñğı täräqqiyätlär, Alabuğa irekle iqtisad töbägendä törek şirkätläreneñ êşçänlege, Tatarstanda yäşäwçe töreklär, ike ildäge belem alu mömkinlekläre häm başqa mäs’älälär turında da söyläştek. Läkin bolar barısı da kiläse yazmabızda.



Bäyläneşle xäbärlär