Ğaynetdin Äxmärov xezmätlärendä Qazan xanlığınıñ säyäsi tarixı häm problemaları

Monnan näq 10 yıl êlek Törkiyäneñ Kütahya (Kütah’ya) qalasında Xalıqara İdel-Ural tikşerenüläre simpoziumı ütkärelgän ide.

2006nçı yılnıñ noyabr ayında Mädäniyät tikşerenüläre cämğiyäte häm Kütahya şähär xakimiyäte tarafınnan Bötendönya Tatar Ligası belän Kütahya Qazan mädäniyät cämğiyäteneñ xezmättäşlege belän oyıştırılğan fänni cıyında Amerika Quşma Ştatları, Törkiyä, Finlandiya, Tatarstan, Başqortstan, Qazaqstan, Hollandiya (Niderland) häm başqa illärdän kilgän ğalimnärneñ ğil’mi êçtälekle çığışları yañğırağan ide.

Simpoziumda Tatarstan başqalası Qazannan qatnaşqan tatar ğalimäse Älmira Säläxova “Ğaynetdin Äxmärov xezmätlärendä Qazan xanlığınıñ säyäsi tarixı häm anıñ xezmätlärendä Qazan xanlığı problemaları” isemle doklad belän çığış yasağan ide.

İğtibarığızğa şuşı çığışnıñ berençe öleşen täqdim itäbez.

Yazmanı tawış uynatqıçınnan tıñlıy alasız.