Nogayça 72: Eñ sıylı yol (3)

Bu afta tagı em “EÑ SIYLI YOL” baresinde söz bardıramız!

571280
Nogayça 72: Eñ sıylı yol (3)

Üyken Rasül Paygambar’dıng (a.s)      

Sünnetiniñ oşagı,

Basta onuñ sözi bolgan.

Ekinşisi etken isi,     

Üşünşisi ali bolgan...

Sosı dindiñ baresi,       

Bizge nav üş yoldan kelgen...

Nav üş yol tagı em        

Üş kesekke ayrılgan:

Bîrevi parzlar bolgan;     

Parzga qosaq bîr emir,

Sosı em vacip bolgan...

Ekinşisi napileler; 

Üşünşi kesek tagı,

Paygambar’dıñ (as) yaşavında,

Yahşı adetleri bolgan...

 

Parzlarman vaciplerge,   

Uyulganı mecbur bolgan...

Uyulmasa sosınlarga,     

Artında azab bolgan...

Är mü’mindiñ uyganı,     

Soga vazipe bolgan...

 

Nafile kesegine,   

Müslimanlar, qoldan kelse,  

Küşleri yetken saytın

Bilgenine uyalsa,    

Bîr köp savap qazangan...

 

Nege desek napile,    

Sosı tagı emir bolgan...

Tek, etpese bîr mü’min

Sünnet emir napiledi,  

Oga ceza bolmagan...

Eger etken bolsa sonı,    

Allah sosı müslimanga,

Üyken etip savap yazgan...

 

Bîr insan yoldan şıgıp      

Sosınlardı avıstırsa,

Öz özinden bîr yol tutsa,    

Tuvra yoldan sapıtıp

Bid’a degen yañlış yolga,   

Kirer, asi bolur insan!

Etken so isi belli,      

Dinge üyken zarar bolgan!

 

Sıylı yol sünnettiñ     

Üşünşi kesegine,

Muhammed Paygambar’dın(as)    

Yaşavında etkeni,

Ullı, yahşı adetlerge,     

Bîr müsliman uygan bolsa,

Peygambar’dıñ (as) etkenindey     

İsi oga usap tursa,

Uyganı so sünnetpen      

Barı yaşavı mü’mindiñ

Hikmet, payda tolup qalgan...

 

Sosı adetke uygan 

Mü’minlerge, tuvradan, 

Er bîrevine, ayrı ayrı

Paydaları bolganday;    

Avıl, şaar, mamlaketke

Yaravuştı, ademler,      

Körgenler em bilgenler...

 

Paygambar’dıñ (as) adetine,  

Uygan barı ademge,

Kelgen payda, kelmes sanga... 

Ene eki misal soga:    

Rasül Nebi aytqan bizge; 

Bîr müslimanbîrmü’minge,   

Külimsirep qarasa,

Külimsiregeni sonuñ,      

Oga sadaqa bolgan...

Selam bergeni tagı,       

Sosı em sadaqa bolgan!”

 

Endi oylasaq sonı;      

Barı mü’min bîrbirevini,

Körgen saytın är bîrevi,     

Külümsirep selam berse,

So insanlar arasında,     

Yavlıqpan düşpanlıq,

Em yamanlıq bolar ma?

 

Är bîr mü’minsünnetlerge,     

Ötken misalde bolganday,

Qoldan kelgenşe uysa,       

Bîr bîrevini barı mümin,

Alal bolup süyüp turgan...

 

Barı mü’minler üşün,

So insanlar arasında, 

Ene sonday neşe em

Rasül’diñ adetinden       

Yaşavga kerek bolgan 

Miñler paydalar bolgan....

 

Bîr yaqtan adetlerge,      

Sıylı sünnet adeblerge,

Qaysı mü’min uygan bolsa,    

Ziyadası da bar soga...

Nege desek etkenleri,     

Özine ibadet bolgan...

 

Nav manediñ misalleri, 

70.inşi maqalada, 

Taga aşıq aytılgan...  

 

Keliyek yuma bizlerge,    

So barediñ soñını,

Aytqandı Rab Allah,       

Nasip qılsın inşallah...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär