Ukraina krizisındağı soñğı wäzğiyät

Awraziya kiñlegendä 35

558605
Ukraina krizisındağı soñğı wäzğiyät

 

 

Avgust ayı başlarında Ukrainanıñ könçığışında kiyerenkelek qabat arttı. Ukraina belän Rusiya soñğı 2 ayda ber-bersen sabotaj, şantaj, şımçılıq başqaruda ğayepli. Problemanı çişü öçen isä az da bulsa êşçänlek başqarılmıy. Başta soñğı aylarda Ukraina krizisı belän bäyle tormışqa aşqan möhim waqiğalarğa tuqtalıp kitik.

 

8 nçe iyül’dä Germaniya kanŝlerı Angela Merkel Rusiya Federaŝiyäse däwlät başlığı Vladimir Putin häm Frantŝiya ilbaşı Fransua Olland belän telefon aşa Ukraina krizisı xaqında söyläşte. Moña oxşaş söyläşü 13 nçe iyül’dä dä tormışqa aştı.

Rusiya Federal’ qurqınıçsızlıq xezmäte 18 nçe iyül’dä Ukraina küzläw oyışması tarafınnan Awrupa iminlek häm xezmättäşlek oyışması maxsus küzätü mssiyäsenä tärcemäçe itep bilgelängän Artyom Şestakovnıñ Lugansk xalıq cömhüriyätendä küzläw mäğlümatları cıyu nigeznamäse belän qulğa alınuın häm ğayepläwlärne qabul itüen belderde.

 

”Ukrainskaya Pravda” gazetı xezmätkäre urıs Yuriy Şeremet 20 nçe iyül’dä Kiyevtä avtomobilenä urnaştırılğan bomba şartlaw näticäsendä hälaq buldı. Waqiğa älegä qadär haman da yaqtırtılmadı.

 

Ukrainadan ber yaqlı bularaq bäysezlegen iğlan itkän Lugansk xalıq cömhüriyäte liderı İgor’ Plotniŝkiyğa 6 nçı avgustta Kiyev citäkçelege tarafınnan üterü kereşüe başqarıluı däğwa itelde.

 

Rusiya Federal’ qurqınıçsızlıq xezmäte 10 nçı avgustta Ukraina xärbi küzläw oyışmasınıñ 6 nçı avgustta Qırımğa ütep kerergä tırışuın açıqladı. Bäreleşlärdä Rusiya Federal’ qurqınıçsızlıq xezmäteneñ 2 xezmätkäre hälaq buldı .Ukraina isä bu kereşü belän bäyle bäyläneşe bulmawın belderde. Ukraina ğomum ştabınıñ belderüendä bu ğayepläwlär kire qağıldı häm Rusiya Federal’ qurqınıçsızlıq xezmäte belderüläreneñ provokaŝiya buluı açıqlandı.

 

Bu waqiğağa bäyä birüçe Rusiya Federaŝiyäse däwlät başlığı Vladimir Putin Ukrainanıñ bik qurqınıç uyın uynawın, bäreleştä Rusiya Federal’ qurqınıçsızlıq xezmätennän 2 xezmätkärne üterüne cawapsız qaldırmayaçaqlarına basım yasadı. Ukraina mäs’äläsendä könbatışqa möräcäğät itkän Putin Kiyev xökümätenä yoğıntı yasaw öçen köbatışlı citäkçeleklärneñ konkret adımnar yasawı kiräklegen assızıqladı.

Ukraina däwlät başlığı Petro Poroşenko ilneñ könçığış çik buylarındağı xäräkätlelek arqasında 11 nçe avgustta Qırım häm Donbass yaqınnarındağı barlıq armiya berleklären höcümga äzer  wazğiyätkä küçerü boyırığı birde. 

 

Amerika Quşma Ştatları viŝe-prezidentı Djo Baydın 13 nçe avgustta Ukraina häm Rusiyäne Qırım mäs’äläsendä kiyerenkelekne kimetergä çaqırdı.  

 

Franŝiya ilbaşı Fransua Olland 18 nçe avgustta ileneñ Ukraina krizisına çişeleş tabu häm Minsk kileşüen ğamälgä kertü maqsatı belän Normandiya formatı qısasında yaña yuğarı däräcäle oçraşu öçen äzer buluın belderde.

 

Ukraina däwlät başlığı Petro Poroşenko 19 nçı avgustta bäreleşlär tağın da köçäygän oçraqta xärbi xäl iğlan itelä alacağın citkerde. Poroşenko Rusiya yawlap aluı riskınıñ haman da yuğarı buluın assızıqladı. Şul uq könne 2014 nçe yılda üterelgän pilotlarnı iskä alu cıyını ütkärelde.

 

18-20 avgust könnärendä küzätelgän bäreleşlärdä 3 Ukraina ğaskäreneñ ğomere özelde. Rusiya tarafdarları isä bäreleşlär belän bäyle Kiyev citäkçelegen ğayepläde. Separatistlar utnı tuqtatu kileşüe kirägençä alğı frontta bulmawı kiräkle awır qorallar belän maqsat itep alınuların alğa sörde. 

 

Qırım yarımutrawındağı xärbi kontingent säbäbe belän Rusiya häm Ukraina arasındağı kiyerenkelek köçäyä barğanda belgeçlär Rusiya xärbi kontingentı maqsatınıñ suğış tügel, Awrupanı basım astına alıp üzenä qarata sankŝiyälärne beterü buluın belderä. Xäzergä qadär problemanı çişü cähätennän bernindi alğarış täêmin itelmäde, wäzğiyätne totrıqsızlaştırırğa tırışu töbäktäge üterü kereşülärennän bik açıq kürenä.

 

Ukrainadan ber yaqlı bularaq bäysezlegen iğlan itkän Doneŝk häm Lugansk xalıq cömhüriyätlärendä 24 nçe iyül’dä ütkärü kötelgän saylawlar ağımdağı yılnıñ 6 nçı noyabrenä kiçekterelde. Xäzergä bu saylawlarnıñ 6 nçı noyabr’dä dä yaqlarnıñ kileşüe qısasında tormışqa aşuı mömkin tügel.

 

Rusiya – Ukraina konfrontaŝiyäse bar köçenä däwam itä. Ukraina ministrlar şurası Rusiya tovarlarına êmbargonı 2018 nçe yılğa qadär ozınaytunı küzdä totuçı qararnı ğamälgä kertte. Ukrainadağı 2 meñnän kübräk Lenin häykäleneñ meñnän kübräge Rusiya näfräte arqasında cimerelde. Ukraina krizisı qısqa waqıtta çişelä almayaçaq kebek kürenä.

 



Bäyläneşle xäbärlär