Ärmänstandağı soñğı täräqqiyätlär

Awraziya kiñlegendä 32

545145
Ärmänstandağı soñğı täräqqiyätlär

  17 nçe iyül'dä Ärmänstan başqalası Yerevandağı Erebuni politsiya bülekçäsenä yaqınça 30 keşelek qorallı törkem tarafınnan höcüm yasaldı häm 7 keşe totıq itep alındı.Politsiya bülekçäsendä tormışqa aşqan bäreleşlär waqıtında 1 politsiya xezmätkäre  üterelde häm höcümçelär belän küreşü öçen politsiya bülekçäsenä kergän Ärmänstan iminlek mödire urınbasarları Valery Osipyan häm Vardan Yeghiazaryan totıq itep alındı. Küp tä ütmäde, bu qorallı törkemneñ kem buluı häm närsä teläwläre bilgele buldı.

Älege waqiğanı başqaruçı “Sasna Dzrer” (“Sasun tileläre”)qorallı törkeme iyün’ ayında saq astına alınğan oppoziŝion “Nor Hayastan”(Yaña Ärmänstan) säyäsi xäräkäte liderı Jirayr Sefilyan berençe çiratta bulu belän bergä säyäsi totqınnarnıñ irekkä cibärelüen häm ilbaşı Serj Sarkisyannıñ wazıyfasınnan kitüen teläde. Xäterlätep kitik, Sefilyan 22 nçe iyün’dä qanunsız räweştä qoral belän tä’min itü,qoral küçerü häm qoral yörtü”ğayebe belän qulğa alınıp saq astına  alınğan ide.

Yerevandağı bu waqiğa säyäsi täräqqiyät bulu cähätennän bik möhim ide. Çönki waqiğa belän bäyle Ärmänstan ilbaşı 5 kön tawış-tınsız qalğanda politsiya bülekçäse qarşında keşelär cıyılıp totıqlarnı aluçılarnı yaqlıy başladı. Östäwenä bu waqiğa 2 atna däwam itte.

Cıyılğan xalıq törkeme belän politsiya arasında kilep çıqqan bäreleştä 51 keşe yaralandı häm 136 keşe qulğa alındı. Waqiğalardan 5 kön uzğaç poliŝiya bülekçäsendäge totıqlarnıñ barısı da irekkä cibärelde. Soñraq totıqlarnı aluçılarnıñ matbuğat äğzaları belän küreşüenä röxsät birelde. Matbuğat äğzaları belän küreşep söyläşüçe qorallı törkem äğzalarınnan Varujan Avetisyan totıqlarnı irekkä cibärüne humanitar adım bularaq bäyäläp, taläpläre cirenä citkerelmiçä torıp poliŝiya bülekçäsennän kitmäyäçäklären belderde.

Atna däwamında meñnärçä keşe politsiya bülekçäsen basıp alğan “Yaña Ärmänstan” partiyäse äğzalarına yaqlaw kürsätü öçen Yerevan uramnarına çıqtı. Politsiya bülekçäsenä höcüm itkän törkem Sefilyan häm qayber başqa keşelärneñ irekkä cibärelüen taläp itkän häm yawlaw kürsätüçelärne uramnarğa çığarğa çaqırğan video urtaqlaştı.

30 nçı iyül’dä Êrebuni politsiya bülekçäse qarşına qorallı törkemgä teläktäşlek belderergä kilgän protestçılar belän politsiya arasında kilep çıqqan bäreleştä 60 keşe yaralandı. Ärmänstan sälamätlek saqlaw ministrlığı xastaxanägä salınğan yaralılardan 3 seneñ xäle awır buluın belderde. Yaqlaw kürsätüçelärdän berse mäydanda üzenä ut törtep yandırırğa tırıştı. Älege keşene şäxsi duşları üz mömkinlekläre belän xastaxanägä iltte.

Totıq ğamälendä qatnaşuçı törkemgä yaqlaw kürsätü öçen cıyılğan yözlärçä keşe 31 nçe iyül’dä yänä politsiya belän oçraştı. Bäreleştä 73 keşe yaralandı. 23 keşe qulğa alındı.

Şul uq könne kiçkä taba qorallı törkemdäge 20 keşe täslim buldı. Alar Ärmänstan xakimiyätenä qarşı köräşlären däwam itteräçäklären häm Ärmänstannıñ Rusiyäneñ ber öleşe buluına röxsät birmäyäçäklären, bu ğamälne başqarudağı töp maqsatlarınıñ xalıqnı xakimiyätkä qarşı köräşkä çaqıru buluın açıqladı. Qorallı törkem birelgännän soñ alarğa teläktäşlek beldergän keşelär Yerevannıñ töp mäydanında cıyılıp miting ütkärde.

 

S

 Yerevandağı bu waqiğa bik säyer häm küp kenä sorawlar tudırğan waqiğa buldı.

Waqiğağa bäyä birüçe belgeçlärneñ küpçelege waqiğanıñ Tawlı Qarabax probleması belän turıdan –turı bäyläneşe buluı turında uylıy. Töbäktäge aprel’ waqiğalarınnan soñ Ärmänstan häm Azärbaycan citäkçelege mäs’äläne çişü cähätennän qayber adımnar yasağan ide. Sefilyan isä ilbaşı Serj Sarkisyannıñ Tawlı Qarabax probleması belän bäyle totışına bik nıq qarşı.

Qoral belän problema xäl itü soñğı däwerdä Awraziyada bik yış qullanılğan ,ämma näticäse bulmağan yäisä tağın da kübräk problema kiterep çığarğan ısul bulıp tora. Bu waqiğalarğa Könbatışnıñ ikeyözle totışı da nıq uylandıra. “Sasun tileläre”neñ bu säyer ğamäleneñ uñışqa ireşep ireşmäwe kiläse däwerdä tağın da açıq bilgele bulır. Närsä genä bulsa da Tawlı Qarabaxnı Azärbaycanğa qaytarıp birü barışı aprel’ ayında başladı.

 

 

               



Bäyläneşle xäbärlär