Şanxay xezmättäşlek oyışmasınıñ yuğarı däräcäle oçraşuı

”Awraziya kiñlegendä” 28

527320
Şanxay xezmättäşlek oyışmasınıñ yuğarı däräcäle oçraşuı

 

 

23-24 nçe iyün könnärendä Üzbäkstanda Şanxay xezmättäşlek oyışmasınıñ 15 nçe yuğarı däräcäle oçraşuı uzdı. Üzbäkstan ilbaşı İslam Kärimov räislegendä uzğan sammitta Qıtay Xalıq Cömhüriyäte,Qazaqstan, Qırğızstan,Rusiya Federatsiyäse häm Tacikstan däwlät başlıqları belän bergä Äfganstan,Belarus,Hindıstan,Mongoliya,Paqıstan häm Törekmänstan liderları da qatnaştı. Taşkentta uzğan yuğarı däräcäle oçraşuda Belarus küzätüçe äğza statusında berençe tapqır urın aldı.

Sammitta Äfganstandağı soñğı wäzğiyät, terrorğa qarşı köräş, narkobiznes xäräkäte, iqtisadi problemalar,xalıqara häm regional xezmättäşlekne üsterü mäs’äläläre qaraldı.  Şulay uq Paqıstan belän Hindıstannıñ 2017 nçe yılda oyışmağa kerüe belän bäyle yul kartası bilgelände. Cıyılışta çığış yasawçı liderlar İrannıñ da oyışmağa quşıluı öçen mömkinlek tuuın belderde.

Taşkentta çığış yasawçı Rusiya Federatsiyäse däwlät başlığı Vladimir Putin Şanxay xezmättäşlek oyışması häm Bäysez däwlätlär Berlege illäre Awraziya iqtisadi Berlege häm Yefäk yulı iqtisadi töbägendäge integraŝiya barışlarına quşılğan oçraqta monıñ Awraziya partnerlığı qoru öçen başlanğış bulaçağına basım yasadı.

Qırğızstan ilbaşı Almazbäk Atambayev Şanxay xezmättäşlek oyışması öçen urtaq qalqınu bankı buldıru kiräklegen assızıqladı. Qalqınu bankı häm qalqınu fondın iñ qısqa waqıtta tormışqa aşıru kiräklegenä basım yasawçı Atambayev qalqınu bankın Qırğızstan başqalası Bişkäktä qorunı täqdim itte. Qazaqstan däwlät başlığı Nazarbayev isä Astananıñ regional finans üzägenä äwerelüen belderde.

Yuğarı däräcäle oçraşu qısasında küp sanda  ike yaqlı söyläşülär dä ütkärelde. Şanxay xezmättäşlek oyışması cıyılışında qatnaşu öçen Taşkentqa kilgän Rusiya Federatsiyäse däwlät başlığı Vladimir Putin, Qıtay däwlät başlığı Şi Jinpiñ häm Mongoliya ilbaşı Ŝâxiagiyn Êlbêgdorj tamğaxanälärdä ciñellek tudıruçı iqtisadi koridor kileşüe imzaladı. Qıtay däwlät başlığı Jinpiñ üzläreneñ “Yefäk yulı iqtisadi töbäge”proyektı, Rusiyäneñ “Trans-Awraziya koridorı” häm Mongoliyanıñ “Dala yulı”proyektların nigez itep alıp öç yaqlı xezmättäşlekne tağın da tiränäytülären belderde.

Cıyılış azağında Şanxay xezmättäşlek oyışmasınıñ 15 nçe yılı Taşkent deklaratsiyäse,qalqınu strategiyäsen ğamälgä kertü turında 2016-2020 nçe yıllar ğamäl planı,Hindıstan häm Paqıstannıñ äğzalıq statusı aluı yöklämä berketmäsen imzalawı,oyışma ğomum särqätibeneñ 2015 nçe yıl êşçänlek xisabınıñ qabul itelüe ,Şanxay xezmättäşlek oyışması däwlät başlıqlarınıñ cıyılış ütkärü köne, oyışmağa äğza illär arasında turizm tarmağında  xezmättäşlek programmasın kamilläşterü belän bäyle dokumentlarğa qul quyıldı.Oyışmanıñ çirattağı räislegen Qazaqstan üz östenä aldı. Şanxay xezmättäşlek oyışmasınıñ kiläse oçraşuı 2017 nçe yılnıñ 8-9 iyün könnärendä Astanada uzaçaq.

 

 

             Şanxay xezmättäşlek oyışması  Taşkenttağı yuğarı däräcäle oçraşuda kiñäyü qararı qabul itte. Hindıstan häm Paqıstannıñ oyışmağa quşıluınnan soñ Şanxay xezmättäşlek oyışması Awraziya cirläreneñ 60%ı, dönya xalıq sanınıñ 45%ın üz êçenä aluçı oyışmağa äwereläçäk. Üzara problemaları bulğan Paqıstan belän Hindıstannıñ oyışmağa äğza buluı oyışma kiläçägenä niçek tä’sir itäçägen xäzergä äytü qıyın. Awrupa Berlegendä problemalar küzätelä başlağan däwerdä Şanxay xezmättäşlek oyışmasınıñ kiñäyergä teläwe monnan soñ äğza illärne berläşterüçe säbäplärne yaxşı belü kiräklegen kürsatä.

Yuğarı däräcäle oçraşu qısasında ütkärelgän ike yaqlı söyläşülärneñ iñ näticälese Üzbäkstan belän Qırğızstan liderları arasında uzdı. Çönki soñğı berniçä yılda ike il liderları küreşmägän , çik buyı, ênergetika mäs’älälärendä ike yaqlı ğayepläwlär bar ide. İke il liderı soñğı tapqır 2013 nçe yılda Qırğızstan başqalası Bişkäktä küreşkän ide.

 



Bäyläneşle xäbärlär