Törkiyäneñ yaña vizionı 10

Törkiyädä terrorçılıq probleması, körd mäs'äläse

444048
Törkiyäneñ yaña vizionı 10

Terorçılıq probleması könnän-kön törle ülçäm ala. Bu problemanı xärbi bulmağan säyäsät yärdämendä çişü mäs'äläsendäge barlıq kereşülär oyışma tarafınnan yuqqa çığarıldı.

Terrorçılıqnıñ betüe öçen däwlät häm Törkiyä cämäğatçelege PKK terror oyışması belän bäyläneşe bulğan qayber säyäsi qorılışlarğa kürsätkän tolerantlık bette.

Monnan son xökümät demokratik ısullarğa yünälde. Bu ısullar da qalmadı. Xärbi buylmağan säyäsät belän problemalarnı çişü iradäse çınnan da qaderle qazanış bulaçaq ide. Bälki dä terror oyışması Törkiyäneñ bu qazanışqa iyä buluın da telämäde.

Bügenge köndä wazğiyätne butalçıq xälgä kitergän ike mäs'älä bar, berse – in mäğqul çişeleş yulınıñ oyışma tarafınnan yuqqa çığarıluı.

İkençese dä - PKK terror oyışması belän körd mäs'äläse arasında qorılğan mäcbüri säbäpkä bäyelelekneñ döres bulmawınıñ añlaşıluıdır.

Härkem bu mäs'älädä tübändägeçä uylıy ide: däwlät iyä bulğan räsmi ideologiya arqasında etnik problemalar küzätelä häm bu problemalar qırıslıq çığanağın täşqil itä.

Älege problemalar çişelgäç, PKK terror oyışması da yuqqa çığar.

Problemalar çişelde, läkin PKK yuqqa çıqmadı.

Çönki PKK asılda körd mäs'äläseneñ çişeleşe öçen tügel, ä çişeleşenä qomaçawlar öçen qorıldı.

Bügenge köndä Törkiyäneñ demokratiyaläşü barışın sabotaj itüçe töp uyınçı - oyışmanıñ säyäsi törkeme bulğan partiyader. Monnan alda bu problema demokratiya bulmağan öçen çişelmäwçänlekkä duçar qalğan ide, läkin xäzer terrorçılıq turıdan-turı demokratik mexanizmnıñ eşçänlegennän tuqlana. Moña östäp, demokratiyağa qarata höcümnären dä “demokratiya häm tınıçlıq" bitlege belän başqara.

Törkiyä cämäğatçelege xärbi bulmağan säyasätneñ problema çişü säätenä xaqimiyättäge Ğadälät häm qalqınu partiyase yärdämendä ireşte. Keşelär problemalarnıñ demokratiya häm säyäsät yärdämendä çişelüen üzläşterde. Monıñ bik möhim uñaylıq tä'min itüen kürdelär.

Monıñ tipik ürnäge din, wöcdan ölkäsendä häm ayıruça da yawlıq yabu iregendä küzätelde. Törkiyä cämäğatçelege säyäsät yärdämendä iñ qatlawlı mäs'älälärdän berse bulğan yawlıq yabu mäs'äläseneñ çişelüe täcribäsennän çığıp, körd mäs'äläseneñ dä bu ısul belän çişelä alınacağına ışandı.

Yuğisä keşelär körd mäs'äläse çişelsen dip Xalıqlarnıñ demokratik partiyasenä tawış birgändä artqı yaqta başqa mizanstsena bula. Bu mizanstsena xalıqnı çişelmäwçänlekkä taba etärä.

Ni öçen soñ?

Çönki PKK terror oyışmasınıñ millätkä açıqlap sala almağan ber törkem maqsatları bar. Ayıruça da töbäk xalqınnan yäşergän köndälegeneñ buluı ap-açıq.

“PKK närsä teli soñ?" sorawına kördlär isemennän birä alaçaq cawap barmı?

Monı belmäwebezneñ töp säbäbe – PKKnıñ körd mäs'äläsen qullanuı, läkin şul uq waqıtta kördlärgä häm kördlärneñ tuğan yağı bulğan Törkiyägä qarşı bu mäs'äläne

qullanuındandır.

Kem öçen yäisä kem tarafınnan qullanıla bu mäs'älädä citärle mäğlümat yuq.

Läkin tübändäge çınbarlıq bar: PKK terror oyışması tarqalmas öçen körd problemasınıñ däwam itüen tä'min itüçe strategiya alıp bara.

Bu yaña wağziyät/mäğlümatter häm monıñ öçen dä PKK belän ike ölkädä köräş frontı açıldı. Miña qalsa, berse – anı qullanuçılar belän xisaplaşu, ikençese dä – säyäsi-töşençäle ölkä.

Törkiyä monnan alda terrorçılıqqa qarşı barı tik iminlek köçläre belän köräş alıp bara ide. Ak partiya xaqimiyätendä demokratiyaläşü belän dä köräş itte. Yaña Törkiyädä isä añ-fiker belän köräş itärgä mäcbür. Fiker köräşen quya alaçaq törkemgä ixtıyac bar.



Bäyläneşle xäbärlär