2016 yılda yaña tapşırular

2016nçı yılda "Törkiyä awazı" dulqınnarında yañğırawçı tapşırularnıñ qısqaça eçtälege.

426656
2016 yılda yaña tapşırular

“Törkiyäneñ yaña vizionı” tapşıruın düşämbe könne iğtibarığızğa täqdim itärbez. Programmabıznıñ maqsatı – dönyada häm Törkiyädä küzätelgän üzgäreşlärneñ sotsio politik analizın yasaw häm ilneñ kiläçägenä qarağan strategiyalärne tikşerü. Tapşıruda Törkiyä bilgelägän 2023nçe yıl maqsatınıñ qaysı säyäsi häm iqtisadi täraqqıyätlärne, ictimaği üzgäreş barışların üz eçenä aluı mäs'äläsendä mäğlümat urın alaçaq.

“Törkiyä küzlegennän Yaqın Könçığış” programması här sişämbe könne tapşırılaçaq. Tapşıruda Yaqın könçığış illärendäge täraqqıyätlär häm töbäk kön tärtibennän töşmägän töp mäs'älälär urın ala. Programmabız Yaqın Könçığış illärendä bulıp uzğannarnı, töbäktä global' häm regional' köçlärneñ köndäşlege, Törkiyägä bulğan tä'sirläre häm Törkiyä-Yaqın Könçığış illäre arasındağı mönäsäbätlär xaqında mäğlümat birüne maqsat itä.

“Awraziya kiñlegendä” tapşıruın çärşämbe könne tıñlarğa mömkin. Programmada Awraziya illärendä küzätelgän yäisä bu illärne turıdan –turı qızıqsındırğan säyäsi waqiğalarğa analiz yasala. Tapşırunıñ maqsatı – Awraziya illärendä alğı planğa çıqqan säyäsi häm iqtisadi täräqqiyätlärne Törkiyä küzlegennän analizlap Awraziya illäre tıñlawçılarına citkerü.

“Törkiyäneñ mädäniyat xäzinäläre” programması pänceşämbe könne efirğa çığa. Törkiyäneñ dönyaküläm qabul itelgän mädäni mirasın tanıtunı maqsat itep quyğan tapşıruda ildä tarix däwamında barlıqqa kilgän törle tsivilizatsiyälärneñ alğı planğa çıqqan mädäni baylıqları turunda süz bara.

“Noğayça näsixätlär” isemle yazmabızda Dr. Yosıf Altınışık yazğan şiğırlär urın ala. Yosıf äfände İslam, Allahı Täğalägä ışanu, Möxämmäd päyğambär, keşe häm cämğiyät temaların quzğata. Bu fani dönyada dinsez yäşäwneñ mägnäsez buluın assızıqlıy. Noğay telendäge näsixätlärne sez här atna comğa könne tıñlıy alasız.

“Qazan qaytawazı” tapşıruı 15 köndä ber şimbä könnärendä täqdim itelä.Programma Tatarstan başqalası Qazanda häm ilneñ başqa şähärlärendä tormışqa aşqan Tatarstan-Törkiyä arasındağı iqtisad, mäğärif ,sport, mädäniyat,sänğät mönäsäbätlären yaqtırtunı küzdä tota. Tapşıru ike il arasındağı mönäsäbätlär xaqında tıñlawçığa mäğlümat birüne ,alarda qızıqsınu uyatunı maqsat itep quya. Programmada belem tarmağında ğalimnär arasındağı xezmättäşlek, konferentsiyälär ,Tatarstanğa kilgän Törkiyä wäkillekläreneñ säfärläre ,qunaqlar belän ütkärelgän äñgämälär, Tatarstanda törki dönya belän bäyle uzğan çaralar,Tatarstanda yäşäwçe töreklär belän ütkärelgän intervyularğa kiñ urın birelä.

“Törek wä tatar dönyasında” tapşıruı Törkiyä belän Tatarstan arasında mädäni, iqtisadi mönäsäbätlär, urtaq fänni eşçänleklär, mädäniyat häm sänğät çaraları, Törkiyä tarixında tirän ez qaldırğan tatarlar xaqında mäğlümatlar, Tatarstanda häm törle töbäklärdä yäşäwçe Qazan tatarları belän bäyle mädäniyat xäbärläre, Törkiyä häm Tatarstanda oyıştırılğan törki dönya xaqında tel, tarix häm mädäniyät cıyılışları, sänğat eşçänlekläre, räsem häm kitap kürgäzmäläre, törki cämğiyätlär dönyasınnan alınğan xäbärlärne tıñlawçılarıbızğa citkerüne maqsat itä. Tapşıruda şulay uq törek häm tatar wäkillekläreneñ säfärläre, qunaqlar belän ütkärelgän äñgämälär, telefon elemtälärenä dä kiñ itep urın birelä. “Törek wä tatar dönyasında” yazmasın sez 15 köndä ber tapqır şimbä könne tıñlıy alasız.

Yäkşämbe könne tapşırıluçı “Törkiyädän yärdämnär” programmasında Törkiyäneñ däwlät bularaq häm ildäge ictimaği oyışmalarnıñ tırışlığı belän belän dönyanıñ törle poçmaqlarına yärdäm qulı suzuı añlatıla. Programmanıñ maqsatı – Törkiyäneñ keşelärneñ telenä, dinenä,rasasına qaramıyça moxtaclarnı söyenderüenä basım yasaw.Tapşıruda törek xezmättäşlek häm koordinatsiya agentlığı ,afät häm ğadättän tış xällär räislege, “Qızılay” yärdäm oyışması, diyänät eşläre räislege häm diyänät waqıfı, çit illärdä yşäwçe töreklär häm tuğandaş cämğiyätlär räislege kebek oyışmalarnıñ yärdäm eşçänlekläre yaqtırtıla.



Bäyläneşle xäbärlär