Nogayşa 239: Yol körsetüvşi işaretler! (4)

Nogayşa 239: Yol körsetüvşi işaretler! (4)

 

Bîr alimdiñ aytqanı, 

Yol körsetüvşi işaretlerdiñ 

Bîr kesegi em nav bolgan:

 

Toquzunşı İşaret:

Arqadaş är bîr insandıñ    

Bîr tayangan noqtası bolgan...

Tayangan zatlar tagı,    

Türlü şeşit bolganga,    

İnsanlardıñ etkeni

İsler tagı türlü bolgan...

 

Misal bolsa bîr üyken 

Patşadıñ bîr askeri,  

Şahtan üyken is eter...

Nege dese so askerdiñ

Artındaqı patşadıñ    

Şahtan artıq küşi bolgan...

 

Endi azeli qudret betten 

Qullıq berilgen bîr şirkeydiñ

Nemrut’tı bastırganı;     

Em bîr şekirdek ya togımñ

 ‘Faliqu’l- habbi ve’n-neva’     

Yani ‘tugım, şekirdeklerdi

Aşıp östürgen’ Haq’tıñ   

Özi ıznı quvvatıman  

Üyken terek alatını,

İşlerinde saqlaganı,   

Nav aqıyqattı yarıtqan

Bazı misallar bolgan...

 

Şirkey em şekirdekler

Özleri bürtökey bolgan;

Tek artlarındaqı quvvat,

Quday Allah bolgan üşün,     

Munşa üyken islerdi,

Yengilşe etalganlar... 

 

Aqıyqat solay bolganga,

Kişkenekey bîr şirkey,  

Özini Allah sangan 

Azamatlı Nemrut’tı  

Yahannem’ge yibergen...

 

Tagı ıncır şekirdeği,   

Üyken ıncır teregini,   

Köp yengilşe östirgen...

 

Onunşı İşaret:  

Arqadaş nepis üstünde,

Bîr körlük noqtası bolgan:

Sosı körlik ol nepiste 

Zarre misqal qalgan bolsa, 

Aqıyqat küniniñ

Köringenine perde bolgan...

 

Aytqanım so manedi,  

Men nepsimde em körgenmen:

Nepistiñ ol ali,     

Nav misalge usagan:

 

Bîr adem közi aldında,  

Barlıgı, yeri yurtu     

Belli bolgan bîr qaladıñ

Kişkeney bîr tasında,     

Bîr arıqlıqtı körse, 

Yalgız sosı tasqa qarap    

Ol qaladıñ baresini 

İnkär etip yoq saysa,

Sosı adem öziniñ      

Aqmaqlıgın bildirgen...

 

Kör bolup qalasıca 

Mine sosı salpı nepis,   

Aynı sosı ademdey

Közimen em körgeni 

Miñler delil bar ekende, 

Delildiñ yalgız bîrevi,      

Közine arıq körinse,  

So barede aytılgan     

Miñler baska delildi, 

İnkärmınan yoq sangan...

 

Misal bolsa Allah’tıñ 

Barlıgının baresinde 

Miñler deliller bolgan...

Tek nepis delillerden    

Bîrevini añlamasa,     

Yade delil özine

Arıq bolıp körinse,     

Allah’tıñ barlıgını    

Körsetken neşe delildi,

Közine perde tartıp

Barı aqıyqattı yapqan...

 

Mine sosı nepistiñ 

Bilimsizligi qasında, 

Bîr yaqtan aqmaqlıgı,

Bergeni nav zararman 

Taga arüv añlaşılgan...

 

Onbîrinşi İşaret:  

Ey insan seniñ kevdendiñ 

Üstinde islep turgan

Barı istiñ işinde,    

Tilevine baylı bolgan,   

Anşa miñden bîr bolgan...

Qalganlardıñ köteresi, 

Barı Allah’tıñ bolgan... 

Baresinin iyyesi em,  

QudayHaq Rahman bolgan...

 

Madem aqıyqat solay bolgan, 

Sen küşin nispetinşe

Üstine yüklerdi al!

Yoqsa astında ezilersin...

Qıl qadar küşinmen 

Üyken üyken taslardı,

Köteremen dep ugraşpa!    

 

Asıl iyye Allah’tıñ  

Iznı bolmay saqın ha!

Mülkine qol uzatpa!             

 

Nav sebepten gapletpen

Özi hesabına bîr is etsen,       

Haddinden ötip ozba!

 

Eger mülktiñ iyyesiniñ   

Esabına bolursa,    

Iznı em tilevi bolsa,

Sosı vaqıt sen tagı,    

Tilegenindi et!  

 

‘Quday’dıñ tilegeni  

Em ıznı ne eken?’ desen, 

Dindiñ barı emirleri,

Onıñ ıznı, emri bolgan...  

Etiliyek islerdiñ   

Arüvini yamanını

Ol dinimen bildirgen...

 

On Ekinşi İşaret:       

Ey şandı, şerepti,     

Namdı em şöhretti,

İnsanlardıñ körüvini, 

Em bilinip tanıngandı,  

Bek köp tilegen insan!

 

Kel, so barede deristi,     

Menim sözlerimden esit!:

Şöhret degen sosı al,  

Eki betli degenimiz  

Riyadın özi bolgan...

Em qalpti öltürüvşi    

Zeyirli bîr bal bolgan...

İnsandı basqalarga 

Qul, qullıqşı qılgan...

 

Eger nav musibetke,   

Sen özin tüsken bolsan,   

İnna lillahi ve inna

İleyhi raciun!’     

Ayetini oku!    

Biz Allah’tıñ qullarımız,

Özi bizdi yaratqan... 

Baremiz ondan keldik,  

Qayta soga baramız.’

Manesine kelgen ayetti,   

Yüreginden kelip ayt!

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com