Nogayşa 236: Yol körsetüvşi işaretler! (1)

Bîr alimdiñ aytqanı

Yol körsetüvşi işaretler,

Oyda aytılganday bolgan:

Bîrinşi işaret:

“Ey arqadaş! Men vasvese,  

Tagı evhamlardan kelgen

Qarangı oylar işinde   

Yüreberip turganda,

Rasül-i Ekrem Muhammed’diñ(as)  

Ders bergeni sünnetlerdiñ;

Özi zatıman kelgen 

Dindiñ barı emriniñ 

Bîrer yıldız, bîrer şiraq

Qullıgı körgenin;

Tagı menim yolumdı, 

Yarqıtıp yol körsetkenin,

Aşıq kebimen kördüm... 

Är bîr sünnet degenimiz  

Dindiñ barı esası, 

Qarañı yolga tüssek,

Yade yoldı şaşırsaq,   

Tuvra yoldı körsetüvşi

Bîrer kündey yarqıtıp   

Yolımızdı körsetken...

Sosı yollarda insan,  

Zerre misqal nav sünnetlerden

Ayrılıp sapıtqan bolsa,   

Şaytanlarga oyun ornı,   

Evhamlarga bîr minit,

Yade qorquvlarga tüsüp

Belki tavday yüklerdiñ

Astlarına kireberip

So yüklerdi tasıytagan  

Yanyanvarlarday bolgan...

Em sosı sünnetlerdi, 

Sankim kökten oy betke

Sarqqan yiplerdey kördüm...   

Sosı yipke kim yapıssa,

Tagı berkitip ıslasa, 

Yogarlarga şıgaberip    

Tap tetimlikke barar...

Eger karşı şıgaberip,

Yalgız aqlını tıñlap, 

Paygambar’dı mıtsa,

Uzun minaret yasatıp    

Kökke şıgayagını oylagan

Ahmaq Firavun’ga osar...  

Ekinşi işaret:    

Arqadaş eger bîr adem, 

Tarıgıp em muñaysa,

Sosı muñın alminen 

Quday’ga duva qılsa,   

Köbinşe qabul bolar...

Bazı zaman sosınday 

Etilgen dualardıñ 

Örmetine üyken zat,

En kişkeyge qızmatşı    

Tagı itaatker bolar...

Misal sınıq bîr taqta   

Kesegi üstündeki    

Bîr yarlı, tagı qalbi

Sınık bîr künasizdiñ    

Duvasının örmetine,  

Denizlerdiñ pırtınası,

Şiddeti em gazebi,   

Toqtap tınış bolar!

Demek duvalarga yavap 

Bergen zat, em barege

Sözi ötken zat bolgan...

Eger sözi ötken bolsa,

Em yaratuvşı ol bolar...

Üşünşi işaret:

Arqadaş! Eger insan,  

İnkär kelip Quday’ga   

İnanmagan bolsa,

Sosı ademdiñ ali,  

Buz üstünde yürgen 

Bîr ademdiñ alinden

Taga qıyın zor bolgan,      

Em tavlükede qalgan...

İymandıñ yolı bolsa,  

Su, ava ya savlede 

Yüzgen yade uşqanday

Yeñil zahmetsiz bolgan...

Misal bolsa bîr insan,

Gevdesiniñ är yagını;     

Aldını, ya artını,

Oñ betini, em solını,   

Künge körsetkendi tilese, 

Ya mevlevidey aylanıp  

Kevdesiniñ är yagını 

Künge qarşı tutıyaq,

Yade sosı kündi ol,  

Erek bolgan ornından,   

Akelip kevdesiniñ

Tögereginde aylandırıyaq...

Bîrinşi yol tevhidge, 

Allah’tı bîr bilip

Soga inangan insandıñ,  

Ekinşisi inkärşıdıñ    

Aline misal bolgan...

Endi sosı orında, 

Bîr sorav eske kelgen:

Şirkke tüsüp Allah’qa  

Ortak qosılgan vaqıt,   

So darece qıyınlıqqa

Tüsülgeni belli bolgan... 

Kafir degen inkärşılar,

Acaba nav qıyınlıqqa

Bileturup qaytibine     

Tüsüp kafir bolganlar?

Nav soravdıñ yavabı,  

Sosı kepte berilgen:

İnkär etken insandıñ   

Bîrinşi maqsatı,     

Tuvradan em tuvraga

Haq’tı inkär bolmagan...

Qaysı adem bolsa bolsun:    

‘Men äş inanmayman,

Haq’tı qabul qılmayman.’     

Degeni nadir bolgan...

Tek şirk ol ademdiñ, 

Nepis yade havasına, 

Kelip yapısqanı zaman,

Ol ademler sosı vaqıt,   

İnkär işine tüsüp     

Batqanlar, pis bolganlar...

Tek soñında ol batqaqtan,     

Şıgalmay qalganlar...

İman etken bîr insandıñ

Asıl maqsat, gayası,

İyman  etüv bolgan...

Özi bilip tilegenge,      

Qalbiniñ işine salıngan...

Törtünşi işaret:       

Arqadaş! Bîr tek sözdi,      

Esitip tıñlaganlar,

Bîr ya de miñ bolsa,     

Baresi aynı bolgan...

Maqluqlardıñ yaratuvı em      

Aynı nav misalge usagan:  

Bîrev ya miñ bolsa,     

Baresi em bîr bolgan..

Köp yade az bolsa,     

Allah’qa  aynı kelgen... 

Basqa işaretlerdi tagı,      

Keliyek yuma aytqandı,

Quday nasip qılar inşallah!

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com