Nogayşa 226: Allah’tı oylav, em özine yalbaruv (6)
Bîr alimdiñ Allah’tı
Esleviniñ qasında,
Özine duva qılgan
Sözleriniñ davamı
Nav aqıyqatlar bolgan:
“Ey är zatlardı yaratqan!
Küşi soñsız Haq Quday!
Yer yüzinde bolganlar,
Seniñ mülkün, arzında,
Senin küşin, quvvatınman,
Senin qudret, tilevinmen,
Senin ilmiñ, hikmetinmen
İdare bolupyatır;
Em qızmat etipyatır...
Em sende bîr soñsız
Rablıq martebesi bolgan...
Nege dese yer yüzinde
Etkenin barı isler,
Neşe bîr keñlikpen
Em är zatlardı işine
Algan almen közlerge
Aşıq bolup körinipyatır...
Sosı barı dünyadıñ
İdaresi, isleri,
Bastan uşqa är zattı
Tedbir em terbiyası,
Solayına tap oñgın
İnce ölşemmen bolıpyatır...
Em är yaqtaqı isler,
Ol darece bîr birlik,
Barabarlıq işinde
Bîrbîrine oqşagan
Alminen körilipyatır...
Sankim barı maqluqlar,
Tek bîr zattay bîr birlik
Barabarlıq körsetip
Bîrbîrinden ayrılmaga
Äş imkän bolmagan
Qullıq em tarbiyeman
İsleri bolıpyatır:
Misal bolsa kün, hava,
Su topraq baresi,
Bîrbîrinden ayrılmaga
Äş imkän bolmaydı...
Demek barediñRabb’ı
Bîr tek bolganı sebep
Nav maqluqlar köteresi,
Barabar is köripyatır...
Em yeryüzi barı,
İşindeki bolganlarman
Söz tilinden taga aşıq,
Soñsız al tillerimen
Yaratuvşılarını taqdis
Em tespik etipyatır...
Em hadsiz nimetlerdiñ
Al tilllerimen tagı
Calal iyyesi Razzaq,
Rızık berüvşi Rablarını,
Hamd em senalarman
Är dayim maqtapyatır...
Ey aşıqlıq, aşkerelik
Quvvatı sebebimen
Yasırın bolup turgan!
Ey üykenligi azamatı
Sebebimen saqlı turgan,
Ullı, üyken, aqdes Allah!
Dünyadaqı maqluqlardıñ
Etkenleri taqdispen
Tahmid em tespikpen
Men tagı seni taqdis
Em tahmid, sena etip
Özine yaqışıyaq
Bîr darecemen saga,
Hamd şükür etermen...
Ey qaralardıñ, denizlerdiñ
Rabb’ı bolgan Haq Allah!
Quran’dıñ derslerinden
Em Rasül-i Ekrem Muhammed
Aleyhisselamdıñ
Barı üyretkenlerinden
Añlaganım nalar bolgan:
Qaydey kökler, em aspan,
Em zemin yeryüzi,
Seniñ barlıq, birligine,
Şayitlik etipyatır;
Aynı süytüp deñizler,
Nehirler em şeşmeler,
Irmaqlar, barlıgındıñ
Kerek em mejburlugına,
Tagı em birligine,
Aşkere bîr darecemen
Şahitlik etipyatır...
İyye sosı dünyamızdıñ
Acayip buhar qazanları
Ökmündeki denizlerde,
Yaratılgan ne bolsa,
Atta bîr tamşıq suv bolsa,
Barlıgıman düzenimen,
Em paydalı allerimen,
Yaratuvşısın bildiripyatır.
Em salpı qum, suda,
Rızıqları tap oñgın
Bîr keppinen berilgen
Garip maqluqlardıñ barı,
Yasalgan vaziyeti,
Köp muntazam alleri,
Ey Quday Haq Allah!
Seni aşıq körsetipyatır...
Denizde yaşaytagan
Neşe yanvar ayvanlardan
Ökinişge bîr danesi,
Bîr milyon yımırtqaman
Denizlerdi şenlendirgen
Balıqlardan är bîrevi,
Yasalgan allerimen,
Tagı vazipelerimen,
Em idareleri qasında,
Qursaqları toyganıman,
Tedbirleri körilip,
Tagı tarbiyalarıman,
Yaratuvşılarına işaret;
Em so Allah’tıñ rızıq berüvşi
Bolganına baresi,
Neşe şayit bolıpyatır..
Em deñizde qıymatlı,
Qasiyetli, ziynetli,
Jevherlerden är bîrevi,
Yarasıq yaratılgan alimen,
Em özine tartuvşı
Fıtrattaqı alimen,
Em paydalı qasiyetimen,
Seni tanıp bildiripyatır!
İyye sosınlar barı,
Bîrer bîrer şayitlik
Etkenleri qasında,
Baresi barabarşa,
Em bîrbîriniñ işine
Qarısqan allerimen,
Yasavlı kepleriniñ
Bîr bolup birbirine
Usagan vaziyetimen,
Em yeñilşe gayet köp
Bolganları yagıman,
Senin bîrligine şayitlik
Etkeni körilipyatır...
Em sosı yeryüzini,
Topragıman barabar
Tögerek bolgan alde,
Barı dünyadı quşatqan
Deñizlerdi bosluqta,
Avada ilip turdurganın,
Tögilmey em şaşılmay
Kün tögereginde gıdırtqanın,
Em topraqtı bastırtpay
Salpı qumman suvından
Şeşit şeşit muntazam
Ayvanlardı, cevherlerdi
Yaratqanın qasında
Em barediñ arzagıman
Basqa neşe qullıgını,
Savlay em tap keppen
İdare etkenin,
Em tedbirini körgenin;
Em normalinde betinde
Körilgeni kerek bolgan
Neşe ayvan ölüsini,
Üstünde körsetpegenin,
Seniñ barlıgındı ey Quday,
Aşkere körsetipyatır...
Em barlıgındıñ mejburlugına,
Sosı deñizler baresi,
İşindeki maqluqları
Sanınşa işaretler,
Em şayitlik etipyatır...
Seniñ Rablıq saltanatındıñ
Aşmetine, em är zattı
Quşatqan qudretindiñ
Azamatına bek aşıq
Delalet etipyatır...”
Basqa manelerdi Allah,
Keliyek yuma nasip bolsa,
Ayttırsın bizge inşallah!
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com
