Nogayşa 214: Allah’qa nege inanamız (5)

Allah’tıñ barlıgınıñ  

Neşe delilleri baresinde

Em Allah’qa inangandıñ 

İnsanlarga ne darece    

Kerek bolganı manesinde,

Bîr alimdiñ aytqanınıñ    

Davamı solay bolgan:

Yetinşi delil:       

Ey arqadaş kel endi,    

Kişkey zatlardı taslap

Sarayday köp yahşı 

Acaip nav alemdiñ   

Kesekleriniñ bîrbirine

Baylangan allerine     

Dıqqat etip qaraymız:

Mine qara so alemde   

Ol darece intizamman 

Bîr köp isler etilipyatır…

Em neşe avısuvlar, 

Em avdaruvlar bolıpyatır.

Sankim barı saraydaqı

Bolgan taslar, topraqlar,

Terekler,  em är bîr zat,

Sankim tilegeni är isti

Etken ademge osap,    

Barı sosı alemdiñ      

Sav düzenine qarap,

Bîrbîrevini körgendey     

Areketler etipyatır...

Bîrbîrinden erek zatlar,

Bîrbîrinin kömegine

Yugurup barıpyatır:

Mine qara gayıptan 

Acayip bîr yamagat,  

Şıgaberip keldi;

(Barı yanvarlardıñ arzaqın   

Tasıgan ösimlikler,

Em terek yamagatlarına     

İşaret etilipyatır.)

Üstlerine mingeni zatlar,   

Tereklerge, ösimlikke

Em tavlarga oqşapyatır.   

Baslarında är bîrevi 

Arzaq sıprası tasıpyatır. 

Mine qara biz bette 

Bekleytagan qaş türlü

Yanvarlardıñ baresine   

Arzaqlar akelipyatır...

Em de qara nav qubbede,    

Üykenşe alektirik lambası,

(Üyken alektirik lambası,   

Kün’ge işaret bolgan.)

Sosınlarga yarıqlıq   

Bergeninin qasında    

Baresinin aslarını,

Arüv etip pisiripyatır...   

Tek pisiriliyek aslar, 

Körilmes bîr qol betten

Bîrer yipke tagılıp   

Soga qarşı tutulupyatır. 

(Yippen, yipke tagılgan 

Yeniyek zatlar manesi,

Terektiñ ince ince  

Tallarıman, nazzetli  

Meyvalarına işaret bolgan.) 

Tagı nav betke qara!

So bette beşare, arıq,  

Küşsiz zayıp bürtekey,

Kişkey, kişkey ayvanlar bar; 

Sosınlardıñ basları

Aldında, neşe tatli

Gıdamınan tolturulgan 

Eki kişkey tulumba 

Tagılıp turupyatır...

(Eki kişkey tulumbaman  

Analardıñ emşegine    

İşaret etilipyatır.)

Quvvatsız, kişkey bala,  

Sosı eki şeşmege  

Yalgız avız yapıstırsa, 

Yengilşe aqqan süt,     

Baladı beslepyatır...  

Avzını tiyirgeni 

Emmege yetipyatır!

Endi aytılganlardıñ özi:     

Nav alemdiñ barı zatı, 

Bîrbîrevini qaraganday     

Kömekler etipyatır. 

Sankim bîrbîrevini körgendey  

Qol qolga beripyatır...

Bîrbîrevinin isini 

Tekmil etiyek bolup  

Bîrbirevimen omuz omuzga,

Bel belge bereberip    

Barabarşa islepyatır...

Barı zattı sosınlarman   

Qarşılaştıralsan eger, 

Özindiñ sanuvına

Äş imkân qalmapyatır!

Mine sosı allerdiñ  

“Eki kere eki tört eter”  

Darecede körsetkeni

Maneler, tömendeki  

Aqıyqatlar bolıpyatır:

So acayip saraydıñ 

Ustası bolgan Allah’qa    

Sosı garip alemdiñ

İyyesi Rabb’ımızga  

Är bîr zat moyın iyip 

Boysınıp itaat etipyatır...

Är zat sosı hakimdiñ     

Esabına şalışıpyatır.

Är zat sonın emrimen     

Areket etipyatır...

Är zat sonıñ hikmetimen       

Tüzelip tuvralıpyatır...

Är zat sonıñ iygiligimen        

Kömekler köripyatır.

Är zat sonıñ maratıman 

Basqasının imdadına

Yugurup barıpyatır…

Ey arqadaş mine sen 

Nav manelerge qarşı  

Aytıyagın bîr sözüñ

Bar bolsa hadi ayt! 

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com