Nogayşa 219: Allah’qa nege inanamız? (10)

Bu yuma em “ALLAH’QA NEGE İNANAMIZ?” baresinde söz bardıramız ...

Nogayşa 219: Allah’qa nege inanamız? (10)

Nogayşa 219: Allah’qa nege inanamız? (10)

Allah’tıñ barlıgınıñ

Neşe delilleri baresinde 

Em Allah’qa inangandıñ

İnsanlarga ne darece 

Kerek bolganı manesinde, 

Bîr alimdiñ sözleriniñ 

Davamında nalar bolgan:

                            

Onbirinşi Delil:      

Kel ey arkadaş! Endi        

Saga ötken on delil

Quvvatında qati       

Bîr delil taga körsetiyekpen:

 

Kel bîr kemege minemiz,

Nav erekte bîr ada bar,

Sosı yerge ketemiz...

 

(Keme degenden maksat     

Tarihke işaret bolgan. 

Ada degendiñ manesi,    

Asr-ı Saadet dep aytılgan

Paygambar zamanı bolgan.

 

Nav asırdın qarangı 

Şetinden mimsiz 

Madaniyattıñ kiydirgeni

Kiyimden şeşinip,

Zaman deñizine kirip,  

Tarih em siyerdiñ

Kemesine minip 

Asr-ı Saadet adasına,  

Sosı yerden tagı em

Arap yarımadası’na  

Şıgıp Fahr-i Alem’di,   

Yani alemdin kuvanganı

Hazret-i Muhammed’di

Aleyhissalatü vesselam, 

İs basında ziyaret 

Etkende bilirmiz kim;

Sosı zat ol darece 

Yarıq bir tevhid delili 

Bolup alemge köringen:

Dünyadıñ bastan basqa 

Barı betini savlay, 

Tagı ötken em keliyek

Eki yagını tagı,  

Yani barı zamanlardı,     

Akelgeni nurmınan

Bastan uşqa yarıtqan...

İnkär em dalalet 

Qarañısın dagıtqan...)

 

Nav tılsımlı alemdiñ 

Aşgışları onda bolgan...

Em är kim nav adaga

Qarap sosı orından 

Bîr zatlar beklep turgan; 

Ol orından emir algan.

 

Yani barı inangan 

İnsanlar, Muhammed’diñ 

Aleyhisselatü vesselam

Aytqanlarına qarap     

İslerini tüzetken...

 

Mine qara endi biz 

Barıp ol cezirege şıqtıq... 

Qara! Köp üykenşe bîr

Yıynalgan yamagat bar; 

Neşe adem toplangan.

Nav mamlekettiñ barı

Üykenleri so yerge 

Yıynalganday bîr kepte  

Bîr merasim köringen.

 

Arüv dıqqatpan qara! 

Nav üyken yamagattıñ 

Bîr başqanı bolgan...

 

Kel taga yuvıq barıp  

Ol reisti tanıymız;

Em tanıvumuz kerek bolgan..

 

Mine qara neşe parlaq,

Atta miñden ziyada,

Üstinde nişanları bolgan...

Em aytqan sözlerini, 

Bek küşli söylegen... 

Em köp tatli habarlasqan...

 

Nav onbes kün işinde

Sosınlardıñ degenini

Men bîr kesek üyrendim;

Sen tagı menden üyren! 

 

Soñı sen qayta qara!   

Sosı Zat nav eldiñ    

Mucizeler körsetken

Patşasını aytıpyatır...  

Sosı şanlı Sultan’dıñ     

Özini bizlerge

Yibergenin söylepyatır...

 

Qara so darece hayretli 

İsler körsetedi kim  

Äş şüphe taslamay

Är insan ol patşadıñ 

Munşa insan işinden

Şeşken memurı bolganını,

Deraqap bilipyatır... 

 

Tagı sen qarasan,  

Sosı zattıñ aytqan sözin  

Tuvıl yalgız nav adadaqı

Maqluqlar tıñlaydı, 

Belki hayret bîr almen,  

Favgalada kebimen

Barı mamleket tıñlapyatır...    

 

Nege dese ereklerden

Är kim bolursa bolsun,

Nav yerdeki sözlerdi,

Esitpege şalışıpyatır...

 

Tuvıl yalgız insanlar, 

Belki ayvanlar tagı;  

Atta qara! Tavlar em

Sonın akelgen emirlerini 

ñlaganı sebep, 

Ornından qımırdapyatır...

 

Nav terekler öziniñ    

İşaret etken ornınga    

İtaat etip kelipyatır...

 

Em qayerde tilese,  

Sulardı şıgarıpyatır... 

Atta barmagından tagı,

Aynı Kevser Şeşmesi’ndey    

Hayat suvı işiripyatır.

 

Qara nav saraydıñ  

Biyik qubbesine ilingen  

Müyim lamba öziniñ

Bîr tek işaretimen        

Bîr ekende eki bolıpyatır...

 

(Mühim lamba degeni  

Kökteki Ay bolgan. 

Aydın ekige bölingeni

Mucize aytılıpyatır.    

Paygambar’ñ işaretimen

Ay eki kesek bolgan!) 

 

Demek barı mamleket, 

Savlay maqluqlarıman 

Sonıñ memurlıgını

Baresi de tanıpyatır.

Sankim sosı maqluqlar,

Özi gaybta körinmegen

Rabbımız Hak Allah’tıñ 

Sosı Paygambar’ımızdı, 

Eñ has, em eñ tuvra,

Bîr köşirivşisi bilip    

Saltanatınıñ tellalı, 

Em tılsımlarını aşqan,

Emirlerini bildirüvşi, 

Emin bîr elşisi,  

Bolganını bilgendey

Onı tıñlap boysınıpyatır...

 

Davamını keliyek yuma  

Aytuvdı Qadir Allah  

Nasip qılsın inşallah!

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com

 

 
 


Bäyläneşle xäbärlär