Nogayşa 218: Allah’qa nege inanamız? (9)

Bu yuma em “ALLAH’QA NEGE İNANAMIZ?” baresinde söz bardıramız

Nogayşa 218: Allah’qa nege inanamız? (9)

Nogayşa 218: Allah’qa nege inanamız? (9)

Allah’tıñ barlıgınıñ

Neşe delilleri baresinde, 

Em Allah’qa inangandıñ

İnsanlarga ne darece 

Kerek bolganı manesinde, 

Bîr alimdiñ sözleriniñ 

Davamında nalar bolgan:

                            

Onunşı Delil:  

Kel ey bîr kesek insapqa   

Kelgen arqadaşım menim!

Özümüz on bes kündür    

Sosı yerde turumuz.

 

(Onbes kün sözimen 

Akil balig bolıngan  

Yas bildirilipyatır.)

 

Eger sosı alemdiñ  

Nizamlarını bilmezsek   

Patşasın em tanımasaq

Bîr mahanemiz qalmaydı,     

Em yezadı haq etemiz! 

 

Nege dese onbes kün 

Bizge mühlet berdiler. 

Sosı vaqıt işinde,

Bîr söz bolsın aytılmaydı...

Elbet bizler basıbos  

Ademler tuvılmız!  

Ol derece bek nazik,

Saniyatlı, mizanlı, 

Ölşemli em yarasıq,  

İbretli nav maqluqlardıñ

Arasında yanvarday 

Selbesşe aylanıp 

Zarar berip bızamaspız...

Em bizge bızdırmaslar...  

 

Nege dese nav mamlekettiñ

Azamatlı iyyesiniñ 

Elbet yezası tagı,   

Köp dahşetli bolgan...

 

Sosı zattıñ ne derece 

Qudretli em haşmetli  

Bîr zat bolganını,

Nav keppen em añlaymız:

Nav üykenşe alemdi, 

Bîr sarayday sıylap, 

Dolaptay aylandıradı.

 

Nav üyken memleketti,

Bîr üydey äş bîr zat 

Noqsan qalmay baresini,   

Barabar idare qıladı...

 

Mine qara, vaqıt vaqıt, 

Bîr qaptı tolturup    

Bosaltqanday aynı,

Nav saraydı, eldi,     

So şaardi tap tüzenmen,  

Tagı tap hikmetpen,

Tolturadı, bosaltadı...

 

Bîr sıpradı köterip 

Basqa sıpra qurganday,

Barı mamleketti bastan basqa, 

Şeşit şeşit sıpralarman

Bastan uşqa tolturadı... 

 

Art artqa körilmegen 

Gaybi bîr qol betten  

Qurulgan so sıpralardı,

Köterip qayta qurup  

Şeşit şeşit aslardı,  

Sıramınan akelip

Bizlerge aşatadı...  

 

Sosınlardı köterip    

Taga basqalarını      

Aldımızga saladı.

 

 (Nav sıpralardan maqsat,

Yazda dünya betinde

Yaratılgan nimetlerge       

İşaret etilipyatır...

Yüzer ayrı ayrı

Em taza taza yasalıp

Rahmettiñ as üyünden

Şıqqan Rahmani sıpralar,

Aldımızga yayıladı...   

Soñda barı avısadı...

 

Är bîr baqşa bîr qazan, 

 Är bîr terek bîr tablacı

Bolup bizge tallarıman

Meyvalardı uzatadı...) 

 

Mine sen em köresin, 

Aqlın tagı bar bolsa,   

Arüv etip añlarsın:

İnsanga hayret bergen,

Nav dahşetli aşmet işinde,

Hadsiz bîr yomartlıq,

Tagı iqram köriledi.

 

Em de qara,so yasırın    

Körinmegen zattıñ   

Saltanatına, birligine,

Barı zatlar şahitlik   

Etkenleri qasında,    

Bölük bölük kelgenler,

Em perdelerdey aşılıp,  

Artından em qapangan,   

Körilgen barı aller,

Aylangan, avdarılgan 

Ne bar bolsa baresi,

Sosı zattıñ davamına

Beqasına delil boladı... 

 

Nege dese zaval tapqan,

Yok bolgan barı zatpan

Em sebepleri barabar,    

Ötip, yoytulup ketedi...

Yasav üşün sebeblerdiñ   

Äş bîr ökmü qalmaydı.

 

Sosınlardıñ artından

Maqluqlardıñ yasavını

Özlerinden bilgenimiz

Barı sebep, qaytadan,  

Yañıdan yaratıladı..

 

Demek sosı sebepler,

Özleri em yaratılganga 

Yaratuvşı bolmaydı...

Ol vaqıt bolsa bolsa,

Zavalmınan yoq bolup

Ketpegen bireviniñ,

Yani yaratuvşı bîr Rab’tıñ     

Eserleri boladı... 

 

Nav manege bîr misal:

Qaydey bolsa bîr suvduñ

Barı qabarşıqları,

Agıp, ötip ketedi...

Artından kelgen qabarşıqlar,

Aldıdan ketkenlerdey, 

Parlap, yarqıp ozadı. 

Nav alden anlaşılgan:

Sosınlardı parlatqan,    

Dayimi kökte turgan

Kün savlesi boladı...

 

Aynı sosı misaldey

Nav islerdiñ tezoq bolup  

Avısıp turganı,

Artlarından kelgenlerdiñ 

Aynı renkti alganı, 

Bizlerge körsedi kim

Zavalsız, dayimi, 

Bîr tek zattıñ cilveleri, 

Yani isi boladı...

Naqışları, bıyalası,

Em saniyatı boladı...

 

Qalgan basqa manelerdi  

Keliyek yuma inşallah

Nasip qılsın Haq Allah!

 

Savlıqpan qalıñız!

 

Dr. Yusuf  ALTINIŞIK

E-mail: altinisikyusuf@gmail.com

 

 
 


Bäyläneşle xäbärlär