Nogayşa 215: Allah’qa nege inanamız (6)

Bu yuma em “ALLAH’QA NEGE İNANAMIZ?” baresinde habarlasamız...

Nogayşa 215: Allah’qa nege inanamız (6)

Nogayşa 215: Allah’qa nege inanamız (6)

Allah’tıñ barlıgınıñ  

Neşe delilleri baresinde,

Em Allah’qa inangandıñ

İnsanlarga ne darece  

Kerek bolganı manesinde,

Bîr alimdiñ aytqanından  

Bîr kesegi em nalar bolgan:

 

Sekişinşi delil:   

Kel! Ey aynı nepsimdey  

Özini esli sangan 

Aqılsız arqadaşım!

Nav azamatlı saraydıñ 

İyyesini tanuvdı,  

Endi sen tilemeysin!

 

Tek, aslına qarasaq

Är zat sonı körsetipyatır. 

Oga işaret etipyatır

Soga şayit bolıpyatır. 

 

Barı sosı zatlardıñ

Şayitligini sen qaytip    

Ötürük dep aytıyaqsın!

 

Süytüp bolsa sen endi,     

Ya nav saraydı inkär et!

“Alem yoq, mamleket yoq!” 

Degen sözdiñ artından,

Em özindi inkär et!   

“Men tagı yoqpan! de,

Süytüp aytıp ortadan şıq!   

Ya de esindi basına tart!

 

Endi tıñla, em qara!

Nav saraydıñ işinde 

Barı mamleket tögeregini

İşine alıp salgan, 

Är yagını qaplagan  

Unsurlar, madenler bar

 

(Unsurlar, madenlerdegeni:   

Köp muntazam, düzenli

Vazipeleri bolgan, 

Kuday’dıñ ıznımınan  

Är muqtajtıñ kömegine

Yugurup baratagan;

Em ilahi emirmen     

Är bîr orınga kirip

Yardam bergeni qasında,    

Yaşavdıñ kereklerini,

Barı yan tasıganlarga 

Yetkereberip baresini 

Emzirip em toyurgan;

İlahi saniyatlarñ 

Yani barı maqluqlardıñ 

Toquvına em naqşına

Esas, ana, em besik    

Bolupturgan, hava, su, 

Savle, topraq maddelerine     

İşaret etilgen.)

 

Sankim mamlekette şıqqan   

Är bîr zat so maddelerden,

Yasalıp yaratılıpyatır...    

Demek sosı maddeler, 

Kimdiñ mülki bolgan bolsa,     

Sosınlardan yasalgan  

Barı zat em onuñ bolgan...

 

Tarla kimdiki bolsa,     

Sondan şıqqan onuñ bolgan...

Deñiz kimdiki bolsa,  

İşindekiler em sonıñ bolgan!

 

Bîr yaqtan em gene qara!   

Nav toqıngan zatlarman

Naqışlı barı qumaşlar,  

Bîr tek maddeden bolıpyatır! 

So maddedi akelip  

Azirlep aldıga salıp 

Yip kebine avdargandan,  

Aşıq bolup añlaşılgan, 

Sosınlardıñ baresiniñ  

İyyesi em bîr bolgan...

 

Nege dese sosı iste,     

Ortak imkänı bolmagan...

Demek toqıngan saniyatlı, 

Barı zatlar Rab’tıñ bolgan...

 

Em qara, so toqıngan, 

Tagı yasalgan zatlardıñ

Är bîr yınsı barı eldiñ

Är yagında tabılgan... 

Barı yınslarımınan    

Är yaqlarga dagılıp

Barabar bolganları qasında,    

Em bîrbîrinin işinde

Em bîr kepte, bîr vaqıtta,      

Yasalıp em toqıngan…

 

Sosı aldiñ aytqanı:   

Nav islerdiñ baresi, 

Bîr tek Zat’ñ isi bolgan...

Em bîr tek emirminen      

Hareket etip turgan...

 

Yoqsa süytüp bîr vaqıtta,    

Bîr kepte, bîr tögerekte,

Barabar areket etpege      

Asla imkän bolmagan...

 

Süytübine bolganda, 

Nav saniyatlı zatlardıñ   

Är bîrevi so yasırın

Zat’tıñ ilannamesi bolup     

Barı onı körsetken...

 

Guya är şeşekeyli qumaş,   

Är bîr saniyatlı makine,

Em är bîr tatli loqma,

So mucizeler körsetken 

Zat’tıñ bîrer sikkesi,

Bîrer möhür, nişanı,

Em turrası ökmünde bolgan...

 

Al tilimen är bîrevi 

Nav kepte qonuşqan:

“Men kimdiñ saniyatı bolsam, 

Menim işinde bolganım

Sandıqlar em dükkanlar,     

Tagı onun mülkü bolgan...”

 

Em är bîr naqış dep aytqan:    

Meni kim toqıgan bolsa

İşinde bolgan tobum,    

Onuñ toqıması bolgan...

 

Är bîr tatli lokma em  

Sosı tagı dep aytqan:

“Meni kim etken bolsa,   

Em pisirgen bolsa,

İşinde bolgan qazanım 

Tagı em onuñ bolgan!”

 

Em makinelerge usagan     

Är bîr ösimlik dep aytqan:

Meni kim yasagan bolsa,     

Mamlekette yayılgan 

Barı emsalimdi ol yasagan…

Nav mamlekettiñär yagında    

Bizdi östürgen so bolgan...

 

Demek mamlekettiñ iyyesi    

Tagı em sosı bolgan...

 

Bılayına savlay elde,   

Nav sarayga iyye bolgan,

So em bizge iyye bolgan...   

 

Misal bolsa davlettiñ 

Bîr palasqa ya tüymesine 

İyye bolalmaq üşün,

Sosınlardı yasagan  

Barı pabriqalarına 

İyye boluv kerek bolgan,

Yani elge iyye bolgan...

 

Yoqsa nav bosboğaz,   

Bası bızıq adamdan 

So palasqa em tüyme,

Devlet malı, dep qolından 

Tartılıp alıngan soñ, 

Yeza tagı berilgen...

 

Nav barege inşallah,  

Keliyek yuma nasip bolsa,

Davam etiyek inşallah!

 

Savlıqpan qalıñız

 

Dr. Yusuf  ALTINIŞIK

E-mail: altinisikyusuf@gmail.com

 

 
 
 
 
 
 


Bäyläneşle xäbärlär