Nogayşa 213: Allah’qa nege inanamız (4)

Bu yuma em “ALLAH’QA NEGE İNANAMIZ?” baresinde habarlasamız...

Nogayşa 213: Allah’qa nege inanamız (4)

Nogayşa 213: Allah’qa nege inanamız (4)

Allah’tıñ barlıgınıñ   

Neşe delilleri baresinde,

Em Allah’qa inangandıñ 

İnsanlarga ne darece  

Kerek bolganı manesinde,

Bîr alimdiñ aytqanınıñ  

Davamı solay bolgan:

 

Besinşi Delil:  

Ey vasveseli arqadaş!  

Kel nav üyken saraydıñ

Naqışlarına dıqqat et!  

Em so qaladıñ bezegine 

Sen arüv etip qara!

Em sosı mamlekettiñ   

Düzenini seyret! 

Em barı nav alemdiñ

Saniyatlarını oyla! 

Mine qara soñsızca   

Mucize em önerleri

Bolgan sosı yasırın 

Zat’tıñ qalemi islemese,  

Nav naqışlar, esi yoq

Sebeplerge, kör tesadüpke, 

Sañır tabiyatqa berilse,

Sosı vaqıt nav eldiñ 

Her bîr tası, em öleni,  

Ol darece naqışşı,

Em so darece yazuvşı  

Bolganı kerekken kim,

Bîr arpte miñ kitaptı,

Yazganınıñ qasında, 

Bîr naqışta milyonlar  

Saniyatlardı yasıyaq...

 

Nege dese mine qara  

Nav taslardaqı naqışqa; 

(Yaratıluv tereginiñ

Meyvası bolgan insanga, 

Em är bîr terektiñ 

Programman fihristesin

Tasıgan meyvasına,  

İşaret etilipyatır...

Yani qudret qalemi,  

Alemdiñ üyken kitabında

Nelerdi yazgan bolsa, 

Yıyıstırıp qaytara  

Kişkeytip baresini,

İnsanda bîr taga yazadı... 

Qader qalemi tagı,

Aynı tavday bîr terekte

Nelerdi yazgan bolsa, 

Tırnaqtay meyvasında,

Aynısını em yazadı.)

Är bîrevinde barı saraydıñ 

Naqışları salıngan...

Barı şaardiñ tüzetüvşi 

Qanunları tabılgan...

Barı eldiñ teşkilat 

Programları em bolgan...

Demek sosı naqışlardıñ

Yasalganı, barı eldi,  

Yasaganday hayret beredi...

 

Bılayına alimen, 

Är bîr naqış her bîr saniyat, 

Sosı yasırın Zat’tıñ

Bîrer ilannamesi,  

Sonı tanıtuvşı möhürü boladı...

 

Madem bîr arp yazuvşısın 

Körsetpey bolmaydı, 

Saniyatlı bîr naqış,

Yasavşısın bildirmese, 

Soga imkän bolmaydı...

Qaytip bolsun bîr arpte,   

Azamatlı kitap yazgan,

Bîr naqışta miñ naqıştı, 

Naqışlagan bîr naqqaş,

Özi yazgan kitabı,

Em naqşıman bilinmesin! 

  

Altınşı delil:      

Kel keñ bîr ovaga,  

Barabarşa şıgamız:

(Bahar em yaz vaqtında, 

Yeryüzine işaret bolgan.

Baharda yüzmiñlerşe  

Maqluqlardıñ taypaları, 

Bîrbîriniñ işinde

Barabarşa yaratılıp  

Yer betinde yazıladı. 

 

Äş yañlışsız, qusursuz,

Em tap bîr intizamman   

Alden alge avısadı.

Miñlerşe Rahman sıprası,

Maqluqlarga aşıladı.

Köterilip taza taza,

Basqaları yayıladı. 

Är bîr terek bîrer tablacı, 

Är bîr baqşa bîr qazan

Ökminde boladı.)  

 

Mine sosı ova işinde 

Biyik bîr tav bolgan... 

Endi üstine şıgıp

Är yaqlarga qaraymız: 

Em barı zattı bizge 

Yuvıq etiyek dürbinlerdi,

Qasımızga alamız... 

Nege dese so acayip 

Elde acip isler boladı...

Är saatte äş esimizge 

Kelmegen isler aylanadı...  

Mine qara! Nav tavlar,  

Ovalar em qalalar, 

Bîrdenbîrge avısadı...

Milyonlar bîrbîriniñ 

İşindeki barı isler,

Gayet muntazam kebimen 

Avısaberip turadı...

Sankim milyon qumaşlar  

Bîrbîriniñ işinde 

Barabar toqınganday

Acayip isler boladı... 

 

Mine qara ne darece   

Alışıp tanıganımız  

Şeşekeyli meşekeyli

Zatlar barı yoytıldı; 

Tap bîr düzenmen yerine 

Basqaları keldiler....

Sankim nav ovalar tavlar,  

Bîrer bet bolaberip 

İşlerinde ayrı ayrı

Yüzmiñler kitap yazıldı...  

Em yañlışsız, noqsansız 

Aliminen yazıldı...

 

Mine sosı barı isler, 

Yüz darece imkän bar ma

Özi özine boluptursun...  

İyye, ne darece saniyatlı   

Diqqatli nav isler,    

Özi özine bolganı,

Miñ darece imkänsız  

Bolganınıñ qasında 

Özlerinden ziyada

Saniyatkärın körsetedi...

 

Em sosınlardı yasagan,  

Ol darece mucizeler, 

Körsetken bîr zat bar kim, 

Soga äş bîr taqıyqa,

Äş bîr is avır kelmeydi.  

Miñler kitap yazganı,

Sankim bîr arpti yazganday  

Oga yengil keledi...

 

Sosınlarman barabar 

Är yaqqa em qara!   

Körgenimiz hikmetpen

Är zattı ornı ornına   

Salaberip turadı... 

Em süytüp bîr darecede

Är kimge tiyisli   

İqramlardı etedi... 

Sosınday nimetlermen

Neşe perde, esik aşadı..

Är kimdiñ havasları

Baresi em qarşılanadı.

 

Em so darece yomartşa  

Sıpralar quruladı kim

Barı sosı mamlekettiñ  

Halqlarına, yanvarına,

Är bîr taypaga ayrılgan

Tiyisli kebiminen;  

Atta är bîr kisige   

Ayrı ayrı atımınan,

Atta suvretiminen  

Nimet tablası beriledi...

Mine dünyada sosından  

Taga imkansız bîr zat 

Äş bolar ma eken

Nav körgenimiz isler  

Özi özine bolsun! 

Abes, paydasız bolsun...

Yade basqa qollar qarışsın!     

Ya ustası är bîr zatqa 

Küşi yeter Zat bolmasın!    

Yade är bîr zat, öziniñ

Emri astında bolmasın...

 

Mine endi ey arqadaş! 

Eger haddiñ bar bolsa,

Nav aqıyqatlarga qarşı  

Bîr mahene tabıp ayt!

    

Davamını keliyek yuma  

Aytaberiyek inşallah

 

Savlıqpan qalıñız

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär