Nogayşa 203: Hazret-i Adem nege yannet’ten şıgarılgan

Bu yuma “HAZRET-İ ADEM NEGE YANNET’TEN ŞIGARILGAN” baresinde söz bardıramız...

Nogayşa 203: Hazret-i Adem nege yannet’ten şıgarılgan

Nogayşa 203: Hazret-i Adem nege yannet’ten şıgarılgan

Hazret-i Adem’diñ,

Salat selam bolsun oga,

Yannettenşıqqanınıñ

Tagı bazı ademlerdiñ

Yahannem’ge kirgeniniñ

Hikmeti neler bolgan?

  Yavap:  

Hikmeti tavzif bolgan...

Yani Hazret-i Adem,

Bîr vazipemen şıgarılgan...    

 

Qaydey bîr vazipege  

Emretilip yiberilgen kim, 

İnsanlardıñ yogarlarga, 

Manevi biyiklikke,

Şıqqanları qasında 

İnsandaqı önerlerdiñ   

Aşılıp em keñgeyip;

 

Em insanda körilgen 

Allahñ atlarına 

Yani Esma-i Hüsna’sına

Barı tögeregimen 

Bîr bıyala bolganı, 

 

Neşe vazipelerinden

Anca bîr kesegi bolgan...

 

Eger Hazret-i Adem 

Yannet’te qalgay edi,

Maleklerdey maqamı,

Sabit qalıyaq edi. 

Em insanlarga berilgen 

Neşe önerler tagı,

Aşılmay qalıyaq edi...

 

Oysa bîr maqamda turgan 

Melaikedi Allah,

Bîr köp etip yaratqan.

Maleklerdey qullıq üşün      

İnsanga kerek bolmagan...

 

İlahi hikmettiñ 

Kerektirgen alimen   

Soñsız darecelermen

Sozılıp yogarlarga 

Keteliyaq insandıñ  

Sosı önerli ali,

Anca imtihan etilip 

Mükellep bolıyagı 

Bîr yerde qalganını,

Kerektirgeni üşün; 

Melaikediñ zıddına,  

Allah’tıñ insanlarda  

Yaratqanı kebimen  

Fıtratına salıngan    

İslegeni künamen

Yannet’ten şıgarılgan...

 

Basta barı paygambarlar,  

Tagı em evliyalar, 

Em neşe alimlerdiñ

Em sansız iygili  

Ademlerdiñ öskeni,    

Allah’tıñ insanlardı

Mükellep tutaberip, 

Yani mesul qılganına, 

İmtihanına baylı bolgan...

 

Demek Hazret-i Adem’diñ

Yannet’ten şıgarılganı,

Hikmettiñ tap özi,

Em är yagı rahmet bolgan...

 

Eger Hazret-i Adem 

Yannet’te qalgay edi

Milyonlarşa arüv insandıñ

Äş bîrevi bolmas edi...

 

Ekinşi soravdıñ  

Yavabı em nav bolgan: 

İnanmagan insanlardıñ

Yahennem’ge kiriyekleri,    

Em haq, em adalet bolgan...

 

Onunşı Söz’ degen  

Kitabımızda aytılganday  

Gerşi käfir az ömürde,

Allah’tı inkär etip  

Bîr tek küna islegen... 

Tek, sosı küna işinde

Soñsız cinayet bolgan...

Nege dese sosı inkär, 

Käinattı tahkir bolgan;

Yani Quday käinatta, 

Nedi yaratqan bolsa, 

Baresini maqamından

Tömenlerge tüsürüp 

Qıymatını inkär bolgan...

 

Är bîrevi ibadet,   

Em tespihte bolgan   

Baresi yahşı kepte,

Yaratılgan maqluqlardıñ 

Qudayñ barlıgına,

Tagı onun birligine,

Şayitligin inkär bolgan...

 

Är maqluqtıñAllah’tı 

Körsetken yagını, 

Ötürükke şıgargan...

 

Yaratılgan ne bolsa, 

Baresi bıyaladay 

Quday’dıñ esmanı,

Yani barı önerini, 

Misal bolsa yaratuvşı  

Bolganı qasında,

Är maqluqtıñ rızqını   

Bergenini tagı,    

- Em sosınlardı ölşemmen,

Tagı tap bîr düzenmen  

İdaresi, bîr üyken 

Aqıyqat bolgan alde,-

İnanmagan bîr insan, 

Nav manedi inkärman

Maqluqlardı eşimsirep

Baredi salpı tüsürgen...

 

Nav sebeplerden Allah’tıñ 

Maqluqlardıñ aqqını 

Käfirden aluv üşün

Celal iyyesi Qahhar’dıñ,   

Yani emirlerini,     

Tilegeni är kimge

Ettiriyek küş iyyesi  

Kudayımız Haq Rab’tıñ 

Käfirlerdi Yahennem’ge

Atqanı haqtıñ özi     

Tagı adalet bolgan...

 

Cinayet, soñsız bolsa,  

Azabı em soñsız bolgan...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com

 
 


Bäyläneşle xäbärlär