Nogayşa 195: Allah üşün süyülse, ahirette aqıbatı ne bolgan? (2)

Süygü Allah üşün bolsa, 

Ahiret’teki paydaları,

Aqıbatı ne bolgan?

So barede bîr alimdiñ     

Aytqanı ‘Toguz İşaret’ten

Bîr kesegi nav boladı:

Bîrinşi İşaret:

Nazzatli aslarman 

Hoş meyvalarga seniñ, 

Şükür etkeniñ, em halal

Süygündiñ aqıbatı,   

Qur’anayetlerinde    

Aytılgan kebimen,

Yannet’te beriliyek,    

Sosı yerge tiyisli,

Neşe nazzetli aslar,

Tagı meyvalar boladı...

Atta dünyada yegeniñ  

Bîr meyvadıñ soñında,

Elhamdülillah degenin,  

Yannet meyvası bolup  

Saga iqram qılınadı.

Nav dünyada meyva, 

Yannet’te elhamdülilah yenedi...

Aslında seniñ süygün, 

Yannet’tiñ aslarına, 

Tagı meyvalarına,

İştahlı bîr süygü boladı. 

Nege desen nav dünyadıñ 

Barı ası, meyvası,   

Ötivşi bolgan sebep, 

İnsan Yannet’tiñ dayim

Bolgan nimetine qaraydı!

Ziyadası nav dünyada,

Aşaganın as işinde, 

Allah’tıñ saga bolgan

İlahi iqramını,  

Em süygüsini körgenge,   

So manevi, nazzetli,

Ayrı nimet ol alge,  

Etken şükrün seniñ, 

Yannet’te sosı tagı,

Saga gayet nazzatli, 

As kebinde beriliyegi,

Paygambar hadisimen,

Aleyhissalatü vesselam, 

Em Quran işaretimen;

Tagı hikmet, rahmettiñ   

Kerektirgen alimen, 

Bîr üyken aqıyqat,

Boladı em bilinedi...

Ekinşi İşaret:

Dünyada halal kepte, 

Haramlarga kirmey, 

Nepsiñge süygün senin,

Yani nepiste körilgen

Gözelliklerge tuvıl, 

Noqsanlıgını körüp

Sonı tamamlamaga 

Baylangan oyın senin;

Tagı nepsindi şepqatpan, 

Tarbiye etkenindiñ; 

Em onı qayırga     

Savq etkenindiñ soñı,

Nav nepiske tiyisli,  

Süygeni ne zat bolsa,

So Yannet’te beriliyegi,

Biyik aqıyqat boladı...

Nepis madem dünyada, 

Heva em havesini, 

Cenabı Haq’tıñ yolında,

Gözel kepte qullangan;  

Müşe em duygularına,

Yahşı bîr suvretpen, 

Qızmatlar ettirip   

Halal yolda yürdürgen;

Nepiske asıl muhabbet,

Sosı nepispen keliyek

Qayırlar üşün boladı; 

Nepis mine nav kepte  

Süyülgeni sebep,

Soñsız, hadsiz yömart   

Quday’ımız Hak Rabb’imiz,

Qullıq tögereginde qalıp   

 Süygü körsetken nav nepiske,

Yannet’te, sosı Yannet’tiñ 

Yetmis şeşit, ayrı ayrı   

Süsünden, bezeginden

Ülgi bolıyaq yetmis türlü 

Yannet kiyimin kiydirip,     

Yetmis türlü gözellikpen, 

So nepisti sıylaydı...

Nepisteki duygulardıñ 

Baresini mamnun etip,

Ol nepisti sıypaydı...

Tagı är bîrevi ruhlu, 

Kişkey bîrer Yannet ökminde,

So darece yarasıq 

Hurilerdi em oga, 

Baqıy Yannet yurtında,

Quday’ımız beriyegini,  

Qaş ayetimen tagı em,   

Aytaberip körsetedi...

Em dünyada yaslıqqa  

Süygüdiñ aqıbatı, 

Yani yaslıq quvvatı,

İbadetke qarcansa,   

Soñı, nav Yannet’te,   

Ol tatimlik yurtında,

Abedi davam etiyek  

Yaslıq nimeti boladı... 

Basqa işaretlerdi tagı, 

Aldımızdaqı yumada,  

Quday bizge ayttırsa,  

Ol ayrı nimet boladı! 

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com

Nogayşa 194: Allah üşün süyülse, ahirette aqıbatı ne bolgan? (1) | TRT Tatarça

 

Nogayşa 193: Allah üşün süygendin dünya aqıbatı ne bolgan? (4) | TRT Tatarça