Nogayşa 193: Allah üşün süygendin dünya aqıbatı ne bolgan? (4)

Süygü Allah üşün bolsa, 

Dünyadakı paydaları 

Em neticesi neler bolgan? 

So barede bîr alimdiñ Aytqanlarınıñ soñı,    

Nav haqıyqatlar bolgan:

Em bir sergige oqşagan

Nav baharday köp süslü,

Saniyat eserlerine

Eger senin süygün bolsa,     

Madem ilahi saniyatlarda,

Yaratuvşı Allah’tıñ  

Gözelligi em küşini,   

Köresin, seyretesin,

So bahar ketse tagı,

Tamaşadıñ nazzeti,  Yoytulup ketpeydi...

Nege desen Allahtıñ  Qullarına yibergeni 

Yaldızlı mektubunday

So bahardıñ aytqanı Neşe yahşı manelerdi,

Er vaqıt tamaşaga

Sen davam etersin...

Qaytip boladı desen, 

Sendeki hayal küşi, 

Tagı zaman degen levha,

Er vaqıt, em er sane      

Sankim sinema şeritindey 

Nav tamaşa nazzetini   

Saga dayim berer. 

Bahar manelerini, 

Tagı gözelligini  

Dayim taza eteberip 

Em közine em köñline Akeledi salaberir. 

Sosı vaqıt senin süygün,

Qaygılı em muñgun  

Em muvaqqat ötüvşi

Bolmagandıñ qasında

Nazzetli em safalı bolar...

Dünyaga muhabetin bolsa

Madem Cenab-ı Hak’tıñ Hesabına bolgan,

Sosı vaqıt dunyadıñ   

Dahşetli maqluqları     

Saga yoldas, adanas

Ökmüne ötedi...

Sen sosı dünyadı,     

Ahirettin tarlası     

Bolgan betten süygenge

Her zatında Ahiret’ke Payda beriyek sermaya  

Em meyvalardı alırsın

Em musibetleri saga   

Bir dahşet beralmas. 

Em qoldan şıqqanlar, 

Yoq bolup ketken zatlar, 

Saga qıyınlıq bermeydi.

Tam bir tınışlıqpan

Sosı dünya qonagında   

Qonaqlıq vaqtındı,

Tetimlikpen ötkerersin...

Yoqsa ehli gaplettey 

Dünyadı süygen bolsan,

Yüz dafa biz saga

Aytqanımız kebimen,

Saga qıyınlıq bergen,

Seni ezgen em buvgan,

Soñında yoq bolıyaq,

Paydasız bir süygümen, 

Buvılıp ketersin.

Mine sosı orıngaşe  

Süygenlerimizdiñ  

Qur’an aytqanday bolsa   

Qaydey gözelligi bolgan, 

Sosı manelerdiñ anşa

Yüzden birevini ayttıq...

Quran körsetken yolda   

Bolmaganı vaqıtta    

Tuvgan zararlarından

Gene yüzden birevine     

Tagı işaretler ettik.

Quday’ımız nasip qılsa 

Endi sosı süygüler, 

Ahiret aleminde

So baqıylıq yurtında

Qaydey neticesi bolgan?, 

Nav barede er zattı

Aşıq aytqan Qur’an’dıñ  

Ayetlerinde işaret    

Etilgen manelerdiñ

Ne ekenin esitsem,    

Em añlasam desen        

Mine sosı şeşit,

Alal, tuvra süygülerdin      

Ahirette beriliyek 

Bazı neticelerini,

Bir baslavış kesegi,

Artından tokuz işaretpen 

Qudayımız nasip qılsa

Yüzden bir paydasını,  

Keliyek yumalarda inşallah

Yıyıstırıp aytarmız...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com

Nogayşa 192: Allah üşün süygendin dünya aqıbatı ne bolgan? (3) | TRT Tatarça

Bu yuma em “ALLAH ÜŞÜN SÜYGENDİÑ DÜNYADA AQIBATI NE BOLGAN?” baresinde söz bardıramız...

 

Nogayşa 191: Allah üşün süygendin dünya aqıbatı ne bolgan? (2) | TRT Tatarça

 

Nogayşa 190: Allah üşün süygendin aqıbatı ne bolgan? (1) | TRT Tatarça

 

Nogayşa 189: Maneli bȋr sorav (4) | TRT Tatarça