Nogayşa 192: Allah üşün süygendin dünya aqıbatı ne bolgan? (3)

Bu yuma em “ALLAH ÜŞÜN SÜYGENDİÑ DÜNYADA AQIBATI NE BOLGAN?” baresinde söz bardıramız...

Nogayşa 192: Allah üşün süygendin dünya aqıbatı ne bolgan? (3)

Nogayşa 192: Allah üşün süygendin dünya aqıbatı ne bolgan? (3)

Süygü Allah üşün bolsa,   

Dünyada aqıbatı ne bolgan?

Nav barede bîr alimdiñ    

Aytqanından qalganlar,    

Nav aqıyqatlar bolgan:

 

“Em yahşı zatlardı 

Endi süygenin seniñ,

Madem onlardı yaratqan

Saniyatşısı üşün bolgan, 

‘Ne gözel yasalganlar!’     

Dep aytılqan kepte bolgan;  

Sosı muhabbetiñ seniñ    

Bîr nazzetli oylav      

Bolganı qasında,   

Gözellikti köp süygen   

Zavqınıñ qaravışını,  

Taga biyik, taga ullı;

Em miñler qayta gözel     

Cemal martebelerine,

Yani Allah’tıñ gözelligine     

Yol aşıp qaratar...

 

Qaytip boladı desen, 

Körgenin nav gözel   

Maqluqlar, eserler,

Quday’ımız Allah’tıñ  

Sosı saniyatlardı barı 

Yaratqanı vaqıttaqı

İsiniñ gözelligine    

Bizlerdi aketip;

Qudayñ etken isi   

Baresi em neşe gözel!’   

Degen sözdi ayttırar...

 

Demek eserler islerdiñ,

İsler em esmañ

Yani Allah’tıñ atlarınıñ,

Yani öner ustalıgınıñ     

Köplük em gözelligine, 

Esmadıñ gözelligi,   

Sıpatlardıñ gözelligine,  

Sıpatlardıñ gözelligi,

Azamatlı Allah’tıñ      

Äş oqşarı bolmas    

Öziniñ gözelliginden 

Peyz alıp añlamaga 

Qalplerge yol aşar...

 

Ene sosı muhabbet,

Nav suvrette bolsa,

Nazzetli bolgan qasında

Em ibadet bolar...

 

Tagı basqa köp qıymatlı, 

Bîr ibadet sanılgan,

Qudaydı oylav bolar.

 

Yaslıgıña süygün em,

Madem Cenab-ı Haq’tıñ 

Gözel bîr nimeti dep

So yaslıqtı süyesin; 

Albet yaslıgındı sen,   

İbadette qullanırsın;

Em sefahetpen künalarge,    

Buvdurup öltürmessin...

                                        

Ene süytüp islesen, 

Nav yaslıqta sosı keppen

Qazanganın ibadetler,

So ötivşi yaslıgındıñ    

Baqıy meyvaları bolar...

 

Sen qartaygansaytın 

Yaslıgındıñ bezegi    

Sosı dayim meyvalardı,

Alganındıñ qasında,   

Em yaslıqtıñ zararlarından, 

Yani qolga uvusqa   

Sıymas yaman allerinden    

Özini qutarırsın...

 

Em qartaygansaytın 

Taga ziyada ibadetke   

Yengillik tabıyagını,

Em ilahi maramatqa,    

Taga ziyada tiyis     

Qazanıyagındı oylarsın...

 

Ehl-i gapletke usap   

Bes on sanelik bîr yaslıq 

Nazzetine qarşılıq

Elli sanede ‘Eyvah!     

Sosı yaslıgım ketti!’      

Dep aşuvlanıp özin

Qolından uşup ketken    

Yaslıgıñga yılamazsın!

 

Mine sosı alge tüsken    

Yatlavşıdıñ bîrevi:

‘Leyteşşebabe yaudü yevmen   

Fe uhbirehü bima faalel-meşib!

Yani keşke yaslıgım,        

Bîr kün maga qaytqay edi,

Qartlıqtıñ basıma      

Neler akelgenini,      

Şikayet etip soga 

Qabar beriyek edim!’

Degen sözini em sen,   

Yılay yılay aytpassın!”

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com

 
 


Bäyläneşle xäbärlär