TRT World Forum 2024 başlıy

TRT Ğomum mödire Zahid Sobacı berençesen 2017nçe yılda ütkärelgän TRT World Forum belän dönyanıñ iğ’tibarın Törkiyägä yünältäçägen äytte.

TRT World Forumnı dönyanıñ yäşäw öçen tağın da kübräk yaraşlı häm tağın da ğadelräk urın buluın täêmin itäçäk fikerlär bäxäsläşelgän nigezne buldıru maqsatınnan çığıp tormışqa aşıruların belderüçe Sobacı dönyada yäşängän waqıyğalarnı ber üzäkle media qaraşınnan qotqaru öçen yıllar buyı alıp barğan tırışuların tağın da kiñräk perspektiva aşa, tağın da köçleräk tawış belän belderü yulların êzläwlären añlattı.

TRT World Forumnıñ barı tik bäxäs platforması ğına tügel, ber ük waqıtta xalıqara problemalarğa anıq çişeleş täq’dimnäre yasalğan üzara bäyläneş mäydanı buluına basım yasawçı Sobacı: "TRT World Forumı ber ük waqıtta İlbaşıbız Räcäp Tayyip Ärdoğannıñ “Dön’ya biştän zurraqtır” süzlärendä çağılışın tapqan häm “Tağın da ğadelräk dönya mömkin” nigeze belän küätländerelgän añlayışnıñ da çağılışı”, - dip bilgeläp uzdı.

Sobacı İlbaşı Räcäp Tayyip Ärdoğannıñ häm ministrlarnıñ Forumda qatnaşuınıñ planlaştırıluın belderde.

Forumda bıyıl törle geografiyälärdän 1 meñ 500dän kübräk delegatnıñ häm 30dan kübräk ildän 150gä yaqın çığış yasawçınıñ qatnaşuın añlatuçı Sobacı çığış yasawçılarnıñ ike kön däwam itäçäk çara waqıtında açıq utırışlar häm tügäräk östäl cıyılışlarında möhim mäs’älälärne bäxäsläşäçägen bilgeläp uzdı.