2 meñ yıllıq teatr bitlege tabıldı
Törkiyäneñ Ayzanoy borınğı qalasında arxeologik qazınular däwam itä
Törkiyäneñ Kutaxiya töbäge Çavdarxisar rayonındağı arxeologik qazınularda 2 meñ yıllıq teatr bitlege tabıldı.
YUNESKOnıñ Bötendön’ya mirası waqıtlıça isemlegenä 2012nçe yılda kertelgän Anadoludağı iñ yaxşı saqlanğan Zevs ğıybadätxanäse dä urnaşqan Ayzanoy borınğı qalasında qazu êşläre däwam itä. Anı Dumlıpınar universitetınıñ arxeologiyä bülege mödire, professor Gökxan Coşkun citäkli. Ul bu sezonda may ayınnan başlap kübräk agora häm stadion qorılmalarında êşçänlek alıp baruların belderä.
Professor ağoranıñ kön’yağında ike qatlı ber qorılmada qazınuların, anıñ borınğı çorda säwdä qaynağan agora mäydanına kerü qapqası buluın farazlawların assızıqladı. Anda törle täñkälär, fil söyägennän yasalğan figuranıñ öleşen häm bik yaxşı saqlanğan balçıq bitlek tabalar. Monnan aldağı yıllarda teatr yänäşäsendäge qaberdän oxşaş bitlek çıqqan. Anı märxümgä büläk bularaq qabergä quyıluın açıqlıylar.
