Sümela monastırena turistlar küpläp kilä

 Trabzonnıñ Maçka rayonında urnaşqan Sümela monastıre ağımdağı yılnıñ ğıynwar-sentyabr’ aylarında 395 meñ 994 turist qabul itte.

Altındärä üzänlege milli parkında 300 metr biyeklektä qıyalarğa uyıp yasalğan monastır’ biregä kilüçelärgä tarix, tabiğat’ häm mädäniyät moğcizasın täq’dim itä.

Mäğarif, fän häm mädäniyät oyışması YUNESKOnıň Bötendön’ya mädäni mirası waqıtlıça isemlegendä urın alğan monastır’ mädäniyät häm tabiğat’ söyüçelärneñ Trabzondağı säyäxätlär isemlegendä härwaqıt berençe urında tora.

Trabzon mädäniyät häm turizm mödirlege räsmi zatlarınnan alınğan mäğ’lümatqa qarağanda, dön’yaküläm tanılğan Sümela monastırena bıyılnıñ ğıynwar-sentyabr’ aylarında 395 meñ 994 turist kilgän.

Cäyge turizm sezonında bik küp turist qabul itkän monastır’da avgust ayında 111 meñ 814 turist bulıp kitkän.