Antaliyädä qunaqxanälär sentyabrdä dä tulı
Antaliyädäge qunaqxanälärneñ tulılıq küläme sentyabrdä dä yuğarı
Otellärdä iyül’-avgusttağı kebek tulılıq yäşänä.
Şähärdä turizm sezonı monnan arı tağın da irtäräk başlıy häm tağın da soñğaraq tämamlana.
Antaliyädä 1nçe mayda başlanğan turizm sezonı noyabrneñ soñğı atnasına qadär däwam itä.
Turistlar noyabr axırına qadär diñgezgä kerä ala.
Rusiyä, Germaniyä, Angliyä, Rumıniyä häm Macarstan (Vengriyä) belän berrättän törle illärdän qunaqlar yalların biredä ütkärä.
Sport, sälamätlek saqlaw, kongress turizmı belän dekabr-ğıynwar-fevraldä dä turizm xäräkätlelege däwam itä.
Sentyabr ayınıñ urtasında buluına qaramastan qunaqxanälärdäge tulılıq 90-95% däräcäsendä.
Bron’närgä qarağanda tulılıq üktäbr ayında da şuşı räweşle däwam itäçäk kebek kürenä.
Şul uq waqıtta 2025nçe yıl öçen irtä bron’law da däwam itä.
Aldan urın ayırıp quyu zur östenlek birä. Waqıt uzğan sayın irtä bron’law taşlamaları azaya.
