Aqdamar çirkäwendä 12nçe ğıybadät qılındı

Törkiyä mädäniyat häm turizm ministrlığınıñ maxsus röxsäte belän yılda 1 tapqır ğıybadätkä açıluçı Van külendäge Aqdamar utrawı çirkäwendä 12nçe tapqır doğa qıldılar.

Bıyılğı cıyında Törkiyä ärmännäre patriarxı Saxak Maşalyan, yärdämçese Kaspar Garabetyan häm izge ataqay Drtad Uzunyan qatnaştı. Alar utrawğa kilüçelär belän äñgämä dä qıldı.

Patriarx Maşalyan jurnalistlarğa yıllıq ğıybadätlären tormışqa aşıruları öçen söyenülären citkerde. “İstanbul, Ärmänstan, AQŞ häm Germaniyä şikelle törle cirlärdän xac säfärenä kilüçelär öçen tradiśion cıyınıbıznı uzdırdıq. Yöräklärebez şatlıq belän tuldı”,-dide ul.  

Maşalyan tarixi ob’yektlarda ğıybadät qılunıñ ähämiyäten assızıqladı. “Mondıy tarixi urınnar ilneñ zur qazanışı. Alar bu cirlärneñ küp tösle, küp mädäniyatlı, küp dinle tarixınıñ şahitläre, alarnıñ saqlanuı häm turizm öçen açıluı, härkem şikelle ük, bezneñ dä zur telägebez”,-dide patriarx.