Törkiyä Paralimpiya uyınnarında 28 medal’ yawladı

Törkiyä cıyılması Parijda uzğan Paralimpiya uyınnarında 28 medal’ yawladı häm monıñ belän rekord yasadı. Bu ilneñ üz tarixındağı iñ yaxşı Paralimpiya uyınnarı ide. Sportçılar 10 tördä 6 altın, 10 kömeş häm 12 bronza medal’ aldı.

Uyınnarnıñ 11nçe könendä 90 kilo häm awırraq ir-atlar arasında dzyudoçı İbrahim Bölükbaşı çempion buldı. İr-atlar arasında 200 metrğa irekle yözüdä isä Umut Ünlü berençelek aldı. Ul Parijda ikençe altın medalen yawladı häm ber ük çarada ike çempionlıqqa iyä berençe törek sportçısı buldı. Umut Ünlü 50 metrğa irekle yözüdä dä altın medal’ alıp tarixi uñış başqardı.