5 nçe Bötendön’ya Küçmä uyınnarı başlana

8 nçe sentyabr’dä Qazaqstanda 5 nçe Bötendön’ya Küçmä uyınnarı başlana.

Ul bıyıl “Olı dalada oçraşu” şiğare astında uza.

 Çarada yaqınça 90 ildän 2 meñnän artıq sportçı qatnaşa.

Küçmä uyınnarnı açu tantanasında 10nan artıq ilneñ däwlät başlıqları qatnaşır dip kötelä.

Bötendön’ya êtnosport konfederaśiyäse başlığı Bilal Ärdoğan dön’yanıñ törle poçmaqlarınnan kilgän sportçılarğa möräcäğat’ itäçäk.

Uyınnar qısalarında 21 tradiśion sport törendä yarışlar ütkäreläçäk.

Alar arasında atlı uyınnar, tradiśion intellektual’ uyınnar, qıynaş, uqçılıq, qoş awları kebek uyınnar bar.

Bötendön’ya Küçmä uyınnarı sport çarası ğına tügel, ä mädäniyät häm fän-belem êtaplarınnan da tora.

Uyınnarnıñ kübesen at sportı täşkil itä.

5 nçe Bötendön’ya Küçmä uyınnarında qatnaşaçaq komandalar öçen 400 at äzerlängän.

Kürşe illärdän Üzbäkstan häm Qırğızstan sportçıları ğına üz atları belän baraçaq.