Yoldız Sarayına här könne urtaça 6 meñ keşe kilä

İstanbulda Ğosmanlı däwläteneñ axırğı çorların kürgän Yoldız sarayına ber atnada 40 meñgä yaqın keşe kilde. Ul Soltan Öçençe Sälim waqıtında tözetelä häm Soltan İkençe Abdülmäcit xakimiyäte çorında kiñäytelep däwlät sarayına äwerelä. Tarixi qorılma 6 yıllıq tözekländerü êşlärennän soñ 20nçe iyül’dä işeklären xalıqqa açtı. Şul könnän birle Saray zıyarätçe ağımına duçar buldı. Ber atna êçendä anı kürergä 39 meñ 385 keşe kilgän häm ul şähärneñ iñ küp turist cälep itüçe ob’yektları arasına kerde.

Saraydağı şaqtıy ğına qorılma häm alan täwge tapqır kürsätelä. Soltan İkençe Abdülmäcitneñ tormışı, keşelege häm liderlığı turında söyläwçe äsärlär dä moña qadär muzey konśeptında kürgäzmägä quyılmağan. Anıñ zurlığı häm baylığı belän unikal’ sanaluçı kitapxanäse dä turistlarda qızıqsınu uyata.  

İşeklären dön’yağa yapqannan soñ yaqınça 1 ğasır uzğaç xalıqqa açılğan Yoldız sarayı, düşämbedän tış, här könne qabul itä.