Kapadokiyadä hawa şarları oçtı

Törkiyäneñ Mädäniyät häm turizm ministrlığı tarafınnan oyıştırılğan “Nävşähir Mädäniyät yulı festivale”nä törle illärdän kilgän figuralı qaynar hawa şartları Kapadokiya kügendä oçtı.

Törkiyä Mädäniyät yulı festival’läreneñ bıyıl 7nçe tuqtalışı bulğan Nävşähirdäge festival’ qısalarında şähärdä törle çaralar uza.

Şähärdä bıyıl ikençese oyıştırılğan çara qısalarında dön’yada qaynar hawa şarı turları iñ küp kürelgän töbäktä bersennän-berse qızıqlı figuralı şarlar päri morcaları östennän oçtı.

Şarlar tañ ata başlaw belän hawa kütärelergä äzerlängändä festival’ urınında Törkiyä belän ber rättän Awstriya, Bel’giya, Braziliya, Angliya, Franśiya, Germaniya, Niderland, Litva, Makedoniya, Moldova, Pol’şa, Portugaliya, Slovakiya, Sloveniya, İspaniya, Şveyśariyadän kilüçelär cıyıldı.

Taşbaqa, fil, baqa, raketa, yöräk, büre, tegermän figuralı 60 şar Görämä rayonınnan kütärelgännän soñ üzänleklär östendä 45 minut tiräse oçtı.

Nävşähir Mädäniyät yulı festivale qısalarında 500gä yaqın çara ütkärelde.

Çara qısalarında qaynar hawa şarları 11 avgustka qadär här irtä tañ atqan waqıtta oçaçaq.