Antaliyägä kilgän turistlar. Soñğı sannar

Antaliyägä ağımdağı yılnıñ 7 ayında kilgän turist sanı uzğan yılnıñ şuşı uq çorına qarağanda 10,06%qa artıp, 9 million 58 meñ 186ğa citte.

1nçe ğıynwar-31nçe iyül’ çorında şähärgä iñ küp turist cibärgän il 2 million 40 meñ 316 qunaq belän Rusiyä buldı.

Rusäyädän soñ 1 million 770 meñ 225 turist belän Germaniyä, 874 meñ 356 turist belän Angliyä tora.

Bu illärdän soñ Pol’şa, Niderland, Qazaqstan, Rumıniyä, Ukraina, Çexiyä Cömhüriyäte häm Slovakiyä kilä.

Antaliyägä iyül’dä kilgän turist sanı isä uzğan yılnıñ şuşı uq ayına qarağanda 2,71% artu belän 2 million 742 meñ 965 buldı.

Uzğan ayda Antaliyägä iñ küp keşe 598 meñ 40 belän Rusiyä Federaśiyäsennän kilgän bulsa, Germaniyä 441 meñ 718 keşe belän ikençe, Pol’şa isä 223 meñ 982 turist belän öçençe urında tora.

Pol’şadan soñ Angliyä, Qazaqstan, Rumıniyä, Niderland, Çexiyä Cömhüriyäte, Slovakiyä häm Ukraina kilä.