İstanbulğa kilgän turist sanında rekord
Dön’ya turizmınıñ möhim üzäklärennän berse İstanbul, ağımdağı yılnıñ berençe 5 ayında 7 millionğa yaqın çit il turistın qabul itep, böten yıllarnıñ häm may ayı häm dä 5 aylıq çornıñ rekordın quydı
Törkiyä mädäniyät häm turizm ministrlığınıñ kürsätkeçlärenä kürä, İstanbulğa ağımdağı yılnıñ berençe 5 ayında kilgän çit il keşeseneñ sanı monnan aldağı yılnıñ şuşı uq çorına qarağanda 10,31%qa artqan.
İstanbul may ayında uzğan yılnıñ şuşı uq ayına qarağanda 11,48% artuı belän 1 million 678 meñ 832 çit il keşesen qabul itte.
May ayında İstanbulğa iñ küp turist cibärgän illär isemlegendä 176 meñ 702 keşe belän Rusiyä Federaśiyäse berençe urında bulsa, 140 meñ 214 keşe belän Germaniyä ikençe, 90 meñ 318 keşe belän Amerika Quşma Ştatları öçençe, 84 meñ 587 keşe belän İran dürtençe buldı. Angliyädän 80 meñ 52 keşe, Franśiyädän 66 meñ 170 keşe, Soğud Ğaräbstanınnan isä 57 meñ 71 keşe İstanbulda bulıp kitte.
May ayında hawa yulı belän İstanbulğa kilgän çit il keşese sanı da 2023nçe yılnıñ şuşı uq ayına qarağanda 12,09qa kübäyep 1 million 645 meñ 423 buldı.
