Ayasofiya (Айя Суфия) mäçete çit il turistlarına tüläwle bulaçaq

Ärsoy İstanbulda Atatörek mädäniyät üzägendä oyıştırğan matbuğat oçraşuında BMOnıñ YUNESKO mäğarif, belem häm mädäniyät oyışmasınıñ daimi miras isemlegenä kertelgän Ayasofiya-i (Айя Суфия) mäçeteneñ restavraśiya êşçänlegenä tuqtalıp uzdı.

Ministr Ärsoy, YUNESKOnıñ kiñäşe nigezendä 2024nçe yılnıñ 15nçe ğınwarınnan başlap Ayasofiyada (Айя Суфиядә) kilüçelär belän idarä itü planına küçäçäklären iskärtep uzıp:

“Şuşı idarä planında kilüçelärneñ sıyfatı häm qurqınıçsızlığı arttırılaçaq. Kilüçelärneñ tığızlığı törle marşrutlarğa taratılıp idarä iteläçäk. Şulay uq bezneñ iskitkeç mäçetebez keşelekneñ urtaq mirasın saqlawğa häm tanıtuğa yünältelgän bik ideal’ êkosistemağa kerteläçäk”, - dide.

Ğıybadät öçen mäçetkä kilüçe törek watandaşlarınıñ kerüendä üzgäreş bulmayaçağın, xäzerge ğıybadät mäydanında ğıybadätlären başqara alaçağın citkerüçe Ärsoy:

"15nçe ğıynwardan soñ çit il watandaşlarınıñ turistik häm mädäni maqsatlı vizitlarınıñ kerü urının üzgärtäbez. Yäğ’ni ğıybadät maqsatlı Ayasofiyägä kilüçelär belän turistik maqsatlı kilüçelärneñ kerü urınındağı butalçılıqnı buldırmıybız”, - dip äytte.

QR kod quşımtası häm qolaqçınnar belän Ayasofiya (Айя Суфия) turında 16 teldä mäğ’lümat bireläçägen dä añlatuçı Ärsoy Ayasofiyağa kilgän çit il turistlarınnan 2024nçe yılnıñ 15nçe ğıynwarınnan başlap bilet bäyäseneñ alınaçağın, törek watandaşlarınıñ ğıybadät vizitınıñ isä buşlay bulaçağın belderde.